या दिवाळीत प्रदूषणापासून स्वतःचा करा बचाव, या पद्धती नक्की वापरून पहा निरोगी रहाल

प्रदूषणापासून स्वतःचे संरक्षण करण्यासाठी घराबाहेर पडताना मास्क घाला. त्याचबरोबर प्रदूषणामुळे त्वचा आणि डोळ्यांवरही परिणाम होतो.

दिवाळीत प्रदूषणापासून स्वतःचा करा बचाव : भारतामधील विविध शहरामधील वातावरण त्याचबरोबर हवेच्या गुणवत्तेची स्थती प्रचंड खराब आहे. तरीसुद्धा दिवाळीमध्ये मोठ्या प्रमाणावर फटाके फोडले जातात आणि प्रदूषणामध्ये आणखी भर पडते. दिल्ली एनसीआर सामान्यत: हवेच्या गुणवत्तेच्या बाबतीत सर्वात जास्त प्रभावित आहे. आणि या म्हणीप्रमाणे, सावधगिरी ही उपचारापेक्षा चांगली आहे. सणांच्या दरम्यान वायू प्रदूषणापासून स्वतःचे संरक्षण करण्यासाठी आज आम्ही तुम्हाला काही टिप्स सांगणार आहोत.

प्रदूषणापासून स्वतःचे संरक्षण करण्यासाठी घराबाहेर पडताना मास्क घाला. त्याचबरोबर प्रदूषणामुळे त्वचा आणि डोळ्यांवरही परिणाम होतो. त्यामुळे घराबाहेर पडताना चष्मा लावा. जर तुम्ही फेस मास्क घालून बाहेर जात असाल तर त्याला वारंवार हात लावू नका. केवळ बाहेरची हवाच नाही तर घरातील हवा देखील प्रदूषित असते, त्यामुळे घराची धूळ नियमितपणे साफ करा राहा. घराबाहेरचा रस्ता ओला करा. असे केल्याने दूषित धुळीचे कण हवेत उडणार नाहीत.

प्रदूषणामुळे तुमच्या आरोग्याचे रक्षण करण्यासाठी हे पदार्थ खा

• वाढत्या प्रदूषणाचा धोका टाळण्यासाठी तुम्ही तुमच्या आहारात आवळा समाविष्ट करू शकता. आवळा हा व्हिटॅमिन सीचा सर्वोत्तम स्रोत मानला जातो. आवळ्यामध्ये अँटी-ऑक्सिडंट्स आढळतात जे फ्री रॅडिकल्स नष्ट करण्यात मदत करतात.
• हिरव्या पालेभाज्या केवळ प्रदूषणापासूनच बचाव करत नाहीत तर शरीरासाठीही खूप फायदेशीर मानल्या जातात.पालेभाज्या, कोबी आणि सलगम यांमध्ये जीवनसत्त्वे असतात जे अनेक आजारांपासून तुमचे रक्षण करण्यास मदत करतात.
• काळी मिरीमध्ये जीवनसत्त्वे आणि खनिजे यांचे गुणधर्म देखील असतात. ते चहामध्ये घालून सेवन केले जाऊ शकते. काळी मिरी पावडर आणि मध यांचे मिश्रण करून सेवन केल्यास प्रदूषणामुळे छातीत जमा झालेल्या कफपासून आराम मिळतो. .
• हे औषधी गुणधर्मांचा खजिना असल्याचे म्हटले जाते.आले खाल्ल्याने रोगप्रतिकारक शक्ती मजबूत करता येते. त्यामुळे प्रदूषणापासून बचाव होण्यास मदत होऊ शकते.
• संत्र्याला व्हिटॅमिन सीचा चांगला स्रोत मानला जातो. संत्र्याच्या सेवनाने रोगप्रतिकार शक्ती मजबूत करता येते. प्रदूषणामुळे होणाऱ्या धोक्यापासून संरक्षण करण्यास मदत होते.
• हिवाळ्यात गूळ खाणे आरोग्यासाठी खूप फायदेशीर मानले जाते. कारण गुळातील लोह रक्तातील ऑक्सिजनचा पुरवठा सुरळीत राखण्यास मदत करते.
• सुका मेवा आणि नट्स खाणे आरोग्यासाठी खूप फायदेशीर मानले जाते. बदाम, पिस्ता, अक्रोड इत्यादींचा आहारात समावेश करा. हे व्हिटॅमिन ईचे चांगले स्त्रोत मानले जातात. व्हिटॅमिन ई प्रदूषणापासून संरक्षण करण्यास मदत करू शकते.