Recipe : सकाळचा नाश्ता फक्त चवदारच नाही तर आरोग्यदायीही बनवा; यावेळी ‘नाचणीची इडली’ करून खा!

Ragi Idli Recipe : नाचणीच्या इडल्या अतिशय सॉफ्ट, पोषणमूल्यांनी भरलेल्या आणि कुठल्याही वेळच्या नाश्त्यासाठी परफेक्ट ठरतात. पुढच्या वेळी इडल्या बनवाल तेव्हा तांदळाच्या नाही तर नाचणीच्या इडल्या बनवून खा.

• सकाळच्या नाश्त्यासाठी चविष्ट आणि हेल्दी नाचणीची इडली एक उत्तम पर्याय ठरते
• नाश्ता हा कधीही पौष्टिक करावा
• ही रेसिपी फार झटपट आणि कमी वेळेत तयार होते

भारतीय आहारात बाजरी, नाचणी, ज्वारी, नाचणीसारख्या कडधान्यांचा आणि मिलेट्सचा वापर पुन्हा वाढायला लागला आहे. आजच्या धावपळीच्या जीवनात हलका, पौष्टिक आणि पचायला सोपा नाश्ता शोधताना ‘रागी इडली’ हा एक उत्तम पर्याय ठरतो. नाचणीला ‘फिंगर मिलेट’ असे म्हणतात आणि ही धान्ये कॅल्शियम, लोह, फायबर व प्रोटीनने समृद्ध असतात. त्यामुळे रागी इडली केवळ चविष्टच नाही तर शरीराला पोषण देणारी, उर्जा वाढवणारी आणि पोटभर नाश्त्याची हेल्दी निवड आहे.

थंडीत सकाळच्या नाश्त्यासाठी बनवा पौष्टीक डिंकाचे लाडू, जाणून घ्या लाडू बनवण्याची योग्य पद्धत आणि साहित्याचे प्रमाण

दक्षिण भारतात इडली हा दररोजचा पदार्थ आहे, परंतु पारंपरिक तांदळाच्या इडलीला नाचणीची जोड दिली की त्या इडल्या अधिक मऊ, हलक्या आणि पोषणमूल्यांनी भरलेल्या तयार होतात. मुलांपासून ते मोठ्यांपर्यंत सर्वांसाठी योग्य, तसेच डायटवर असणाऱ्यांसाठीही ही इडली उत्तम ठरते. नाचणीच्या इडलीची ही रेसिपी फार सोपी आणि झटपट तयार होणारी आहे. चला तर मग लगेच नोट करूयात यासाठी लागणारे साहित्य आणि कृती.

साहित्य

• नाचणी पीठ – 1 कप
• उडीद डाळ – ½ कप
• पोहे (धुतलेले) – 2 टेबलस्पून
• पाणी – आवश्यकतेनुसार
• मीठ – चवीनुसार
• तेल – इडली प्लेटला लावण्यासाठी

रसाळ, नरम अन् तोंडात टाकताच विरघळणारा रसगुल्ला पण साखरेचा नाही तर गुळाचा… नोट करा रेसिपी

कृती

• यासाठी सर्वप्रथम उडीद डाळ नीट धुवून 3-4 तास भिजत ठेवा. यामुळे दाणे फुलतात आणि वाटायला सोपे होते.
  भिजलेली डाळ, पोहे आणि थोडे पाणी घालून अगदी हलके, फेसाळ आणि मऊ असे बॅटर तयार करा. इडलीचे पीठ हलके असले की इडल्या मऊ होतात.
• एका भांड्यात नाचणीचे पीठ घ्या. त्यात थोडेसे पाणी घालून गाठी नसतील असे नीट फेटून घ्या. आता यात उडीद डाळीचे बॅटर मिसळा.
• मिश्रणामध्ये मीठ घालून ते झाकून 6-8 तास उबदार ठिकाणी आंबायला ठेवा. आंबलेले पीठ थोडे वर येते व हलके दिसते.
• इडली प्लेटला हलकेसे तेल लावा. त्यामुळे इडली चिकटत नाही.
• इडलीच्या मोल्डमध्ये पीठ ओता आणि 10–12 मिनिटे मध्यम वाफेवर शिजवा. झाकण उघडण्यापूर्वी 2 मिनिटे दमू द्या.
• इडली थोडी थंड होऊ द्या आणि चमच्याने अलगद काढा. गरम रागी इडली नारळाची चटणी, सांबार किंवा टोमॅटो चटणी सोबत सर्व्ह करा.
• पीठ हलके, फेसाळ आणि पातळसर नसावे मध्यम घट्ट ठेवा.
• आंबण्यासाठी गरम जागा नसेल तर ओव्हन लाईट ऑन करून ठेवू शकता.
• नाचणी इडली अधिक मऊ हवी असेल तर बॅटरमध्ये 1 चमचा मेथी दाण्याची पेस्ट घालू शकता.