चीज बर्गरने 9 तर Coke पिण्याने 12 मिनिट्स कमी होते आयुष्य? वैज्ञानिकांनी केला भयानक खुलासा

तुम्हाला माहीत आहे का की तुमचे आवडते फास्ट फूड तुमच्या आयुष्यातील मौल्यवान मिनिटं हिरावून घेऊ शकते? नुकताच अमेरिकेतील मिशिगन विद्यापीठाच्या संशोधकांनी एका अभ्यासात हा धक्कादायक खुलासा केला

तुमचा आवडता फास्ट फूड तुमचा मूड सुधारत आहे असे तुम्हाला वाटत असेल तर थांबा! एका नवीन संशोधनात फास्ट फूड आणि अल्ट्रा-प्रोसेस्ड फूडशी संबंधित असे सत्य समोर आले आहे, जे जाणून तुम्हाला आश्चर्य वाटेल. शास्त्रज्ञांनी दावा केला आहे की चीज बर्गर खाल्ल्याने तुमचे आयुष्य 9 मिनिटे कमी होऊ शकते, तर कोल्ड्रिंक प्यायल्याने 12 मिनिटे कमी होऊ शकतात.

डेली मेलच्या वृत्तानुसार, मिशिगन युनिव्हर्सिटीच्या संशोधकांनी सुमारे 5,800 खाद्यपदार्थांचे विश्लेषण केले आणि त्यांच्या आरोग्यावरील खर्चाचे म्हणजेच आरोग्यावर होणाऱ्या परिणामांचे मूल्यांकन केले. या अभ्यासात नक्की काय सांगण्यात आले आहे जाणून घ्या (फोटो सौजन्य – iStock) 

काय आहे संशोधन 

या संशोधनानुसार, जो कोणी हॉट डॉग खातो त्याच्या आयुष्यातील 36 मिनिटे गमावू शकतात. त्यासोबत कोल्ड्रिंक्सचेही सेवन केल्यास हानी आणखी वाढते. याव्यतिरिक्त, खारवून वाळवलेले डुकराचे मांस खाणे 6 मिनिटे आयुष्य कमी करू शकते, आणि prosciutto सारखे प्रक्रिया केलेले मांस खाणे 24 मिनिटे आयुष्य कमी करू शकते. त्याच वेळी, अंड्याचे सँडविच 13.6 मिनिटे आयुष्य कमी करू शकते. या पदार्थांमध्ये आढळणारे नायट्रेट्स आणि नायट्रेट्स शरीरातील घटकांमध्ये बदलतात ज्यामुळे कोलन कर्करोगाचा धोका वाढू शकतो

शरीराच्या नसांमध्ये खराब कोलेस्ट्रॉल जमा झाल्यानंतर दिसून येतात ‘ही’ गंभीर लक्षणे, सोप्या उपायांनी मिळावा आराम

See more

कोणते पदार्थ आयुष्य वाढवतात 

हे संशोधन केवळ भीतीदायक बातम्यांपुरते मर्यादित नाहीये तर शास्त्रज्ञांनी सांगितले की असे काही पदार्थ आहेत जे तुमचे आयुष्य वाढवू शकतात. पीनट बटर आणि जेली सँडविच खाल्ल्याने 32 मिनिटे आयुष्य वाढण्याचे फायदे मिळतात. नट्स आणि बिया खाल्ल्याने आयुर्मान 24 मिनिटांनी आणि फळे खाल्ल्याने 10 मिनिटांनी वाढू शकते. याशिवाय मासे आणि भाज्या तुमचे आयुष्य वाढवण्यास मदत करतात असेही या संशोधनात सांगण्यात आले आहे

फास्ट फूडमुळे वय का कमी होते?

फास्ट फूड आणि अल्ट्रा-प्रोसेस्ड फूडमध्ये जास्त प्रमाणात साखर, अस्वास्थ्यकर चरबी आणि प्रिझर्व्हेटिव्ह्ज असतात. चीज बर्गर आणि कोल्ड ड्रिंक्स यांसारख्या गोष्टींमध्ये विशेषतः रेड मीट आणि प्रोसेस्ड मीटमध्ये असे घटक असतात ज्यामुळे मधुमेह, हृदयविकार आणि लठ्ठपणासारखे आजार होऊ शकतात आणि यामुळेच वय कमी होण्याची शक्यता वाढते 

मोमो, पिझ्झा, बर्गर ठरताय कॅन्सरचे कारण? ‘या’ रिसर्चमधून धक्कादायक खुलासा

See more

विशेषतज्ज्ञांचा सल्ला

संशोधकांनी असे सुचवले आहे की लाल आणि प्रक्रिया केलेल्या मांसाऐवजी बीन्स, मटार आणि कडधान्ये यांसारख्या वनस्पती-आधारित प्रथिनांचे सेवन करावे. फळे आणि भाज्यांमधून दररोज 10% कॅलरी वाढवल्याने तुमच्या आयुष्यात 48 मिनिटे वाढू शकतात. या संशोधनाचे नेतृत्व करणारे डॉ. ऑलिव्हियर जॉलिएट म्हणतात की, छोटे बदल करून मोठे फायदे मिळू शकतात. आपण आपल्या आहारात बदल करणे आवश्यक आहे, जेणेकरून केवळ आपले आरोग्य सुधारत नाही तर पर्यावरणावर देखील सकारात्मक परिणाम होईल

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.