बुटांमधून येणाऱ्या दुर्गंधीने वैतागलायत? ‘या’ ३ सोप्या टिप्स वापरा आणि कायमची सुटका मिळवा

Easy Hack : पावसाळ्यात बूट आणि मोजे सतत ओले राहिल्याने त्यातून दुर्गंधी येण्याची समस्या वाढते. मात्र, काही सोप्या घरगुती उपायांनी ही दुर्गंधी कमी करता येऊ शकते.

• मोज्यांवर व्हिनेगर स्प्रे केल्याने दुर्गंधी कमी करण्यास मदत होऊ शकते.
• पायांवर टॅल्कम पावडर लावल्याने घाम आणि ओलावा कमी ठेवण्यास मदत होते.
• मोजे नेहमी उन्हात किंवा हवेशीर ठिकाणी पूर्णपणे सुकवूनच वापरा.

पावसाच्या दिवसात बूट आणि मोज्यांमधून दुर्गंध वास येणे सामान्य बाब आहे. अनेकदा या घाण वासामुळे चारचाैघात लाजीरवाणी स्थिती निर्माण होते. संपूर्ण दिवस मोजे आणि बूट घातल्यामुळे पायांमधून घाम निघायला सुरुवात होते. या घामात अनेक प्रकारचे बॅक्टेरिया असतात जे या घाण दुर्गंधीचे कारण ठरतात. बऱ्याचदा आपण बूट आणि मोज्यांना वारंवार धुतो पण तरीही यातून येणाऱ्या दुर्गंधीपासून सुटका मिळत नाही. साबणाने धुवूनही यातील घाण वास काही केल्या दूर होत नाही. अशा परिस्थितीत आज आम्ही तुम्हाला काही खास किचन हॅक्स सांगणार आहोत ज्याच्या मदतीने तुम्ही बूट आणि मोज्यांमधील हा घाण वास सहज दूर करु शकता. यामुळे मोज्यांना वारंवार धुण्याची गरज पडणार नाही आणि यात फ्रेशनेसही टिकून राहिल.

सणात लेझर-डीजेच्या अतिरेकात कान-डोळे दावणीला! लेझर बीममुळे डोळ्याच्या पडद्याला कायमची इजा; वैद्यकीय तज्ज्ञांनी दिला इशारा

व्हिनेगरचा करा वापर

जर तुम्ही मोज्यांमधून येणाऱ्या दुर्गंधीने हैराण झाले असाल आणि वारंवार ते धुऊनही जर तुम्हाला समस्येचे समाधान मिळत नसेल तर हा उपाय तुमच्या कामाचा ठरु शकतो. यासाठी मोज्यांवर व्हिनेगरने स्प्रे करा आणि काहीवेळ याला असेच राहू द्या. यामुळे मोज्यांमधून येणारी दुर्गंधी दूर होईल आणि तुम्ही विनासंकोच त्यांना पायांत घालू शकता.

टॅल्कम पावडर येईल कामी

तुमच्या घरी टॅल्कम पावडर असल्यास बूट किंवा मोज्यांमधील दुर्गंध वास तुम्ही याच्या मदतीने सहज दूर करु शकता. या उपायासाठी मोजे पायात घालण्यापूर्वी पायांच्या तळव्यावर टॅल्कम पावडर शिंपडा. असे मानले जाते की, या पावडरमुळे घाम, दुर्गंध वास आणि बॅक्टेरिया दूर होण्यास मदत होते.

उन्हात सुकवा

लक्षात घ्या, दुर्गंध वास दूर करण्यासाठी मोज्यांना कडक उन्हात सुकवणे फायद्याचे ठरु शकते. मोजे कधीही ओले पायांत घालू नये यामुळे वास वाढू शकतो आणि बॅक्टेरिया पायांच्या तळव्यांवर येऊन बसू शकतात. म्हणूनच आधी कडक उन्हात किंवा ताज्या हवेत त्यांना सुकवा आणि मगच पायांत घाला.

रूम फ्रेशनरचा वापर करताय? ‘या’ गंभीर आजारांचा वाढतोय धोका; जाणून घ्या आरोग्यासाठी किती आहे घातक!

या गोष्टी ध्यानात असूद्यात

• जर तुमच्या पायांमधून घाम जास्त येत असेल तर काॅटनचे मोजे घालायला सुरुवात करा.
• सिंथेटिक मोजे घालणे आपण टाळायला हवे.
• मोज्यांना नेहमी ३ ते ४ महिन्यांनी बदलत राहा.
• दुर्गंधीपासून सुटका हवी असेल तर नियमितरित्या मोज्यांना धुवत जा.