थंडीत केसांमध्ये वाढलेल्या कोंड्यामुळे त्रस्त झाला आहात? मग शेवग्याच्या पानांमध्ये मिक्स करा ‘हे’ पदार्थ, महिनाभरात होईल केसांची

केसांमध्ये वाढलेला कोंडा कमी करण्यासाठी घरगुती उपाय करावेत. घरगुती उपाय केल्यामुळे केसांच्या बऱ्याच समस्यांपासून आराम मिळतो. जाणून घ्या केसांमधील कोंडा कमी करण्यासाठी घरगुती उपाय.

केसांच्या वाढीसाठी घरगुती उपाय?
थंडीच्या दिवसांमध्ये केसात कोंडा होण्याची कारणे?
कोंडा झाल्यानंतर कोणते घरगुती उपाय करावेत?

संपूर्ण देशभरात सगळीकडे कडाक्याची थंडी पडली आहे. थंडीच्या दिवसांमध्ये शरीराची जास्त काळजी घ्यावी. कारण वातावरणात सतत होणाऱ्या बदलांचा परिणाम आरोग्यावर लगेच दिसून येतो. त्वचा कोरडी होणे, केस गळणे, केसांमध्ये कोंडा होणे, केसांची वाढ थांबणे, त्वचेवर लाल रॅश इत्यादी अनेक समस्या उद्भवू लागतात. वातावरणात होणाऱ्या बदलांमुळे केसांमधील नैसर्गिक ओलावा काहीसा कमी होऊन जातो, ज्यामुळे टाळूवर कोरडेपणा आणि कोंडा होण्याची जास्त शक्यता असते. याशिवाय केसांची मूळ कमकुवत झाल्यानंतर केस मोठ्या प्रमाणावर गळू लागतात. केसांमध्ये वाढलेल्या कोंड्यामुळे टाळूवर खूप जास्त खाज येते आणि कपाळावर किंवा चेहऱ्यावर पिंपल्स येण्याची शक्यता असते.(फोटो सौजन्य – istock)

तरुण वयात केस पांढरे झाले आहेत? मग मोहरीच्या तेलात मिक्स करा ‘हा’ पदार्थ, मुळांपासून केस होतील चमकदार

केसांमध्ये वाढलेला कोंडा कमी करण्यासाठी महिला बाजारात उपलब्ध असलेल्या वेगवेगळ्या हेअर सीरम, हेअर केअर प्रॉडक्ट आणि शाम्पुचा वापर करतात. पण तरीसुद्धा कोणताच फरक दिसून येत नाही. म्हणूनच आज आम्ही तुम्हाला केसांमध्ये वाढलेला कोंडा कमी करण्यासाठी शेवग्याच्या पानांचा कशा पद्धतीने वापर करावा? कोणते पदार्थ मिक्स करून केसांवर लावावे? याबद्दल सविस्तर माहिती सांगणार आहोत. शेवग्याच्या पानांचा वापर करून भाजी बनवली जाते. यामध्ये असलेले गुणधर्म संपूर्ण शरीर दीर्घकाळ निरोगी ठेवण्यास मदत करते. यामध्ये विटामिन ए, बी, सी, ई, लोह, झिंक, अमिनो ॲसिड्स आणि अँटिऑक्सिडंट्स मोठ्या प्रमाणावर आढळून येतात. टाळूवरील रक्तभिसरण सुधारण्यासाठी आणि टाळू स्वच्छ ठेवण्यासाठी शेवग्याच्या पानांचा वापर करावा.

शेवग्याचा पानांचा हेअर मास्क बनवण्याचे साहित्य:

• शेवग्याची पाने
• खोबऱ्याचे तेल
• बदाम तेल
• कोरफड
• रोझमेरी तेल

कृती:

टाळूवर वाढलेला कोंडा कमी करण्यासाठी शेवग्याच्या पानांचा वापर करावा. यासाठी भांड्यात खोबऱ्याचे तेल आणि बदाम तेल एकत्र मिक्स करून गरम करून घ्या. त्यानंतर त्यात शेवग्याच्या पानांची पावडर घालून व्यवस्थित शिजवा. गॅस बंद करून त्यात कोरफड जेल आणि रोजमेरी तेल घालून व्यवस्थित मिक्स करा. तयार केलेले मिश्रण संपूर्ण केसांवर लावून हलक्या हाताने मसाज करा. यामुळे केसांच्या बऱ्याच समस्यांपासून आराम मिळेल. केसांच्या मुळांना तयार केलेला हेअर मास्क लावल्यास केसांच्या मुळांना भरपूर पोषण मिळेल. ३० ते ४० मिनिटं ठेवल्यानंतर केस पाण्याने स्वच्छ धुवून घ्या. हा हेअर मास्क आठवड्यातून दोनदा केसांवर लावल्यास टाळूवर वाढलेला कोंडा कमी होऊन आणि केसांच्या मुळांना भरपूर पोषण मिळेल.

आठवडाभरात चेहऱ्यावर येईल काचेसारखी चमक! ‘या’ पद्धतीने चेहऱ्यावर लावा टोमॅटो, त्वचा होईल आतून स्वच्छ

थंडीच्या दिवसांमध्ये केसांमध्ये कोंडा होणे ही अतिशय सामान्य समस्या आहे. केसांमध्ये कोंडा झाल्यानंतर टाळूवर सतत खाज येण्यास सुरुवात होते. याशिवाय कोंड्यामुळे केस सुद्धा मोठ्या प्रमाणावर गळतात. टाळूवरील सूज कमी करण्यासाठी शेवग्याची पाने अतिशय प्रभावी ठरतात. या पानांमध्ये असलेले घटक केस आतून स्वच्छ करतात आणि टाळूवरील इन्फेक्शनचा धोका सुद्धा कमी होऊन जातो.