Summer Special : उष्ण वातावरण वाढत चाललंय… घरी बनवा थंड आणि चटकदार ‘मसाला ताक’

Masala Tak Recipe : उन्हाळ्यात उष्णतेचा पारा दिवसेंदिवस वाढत असून अशा वातावरणात थंडगार पेयाचे सेवन तुमच्या आरोग्यासाठी चांगले ठरु शकते. तुम्ही या दिवसांत मसाला ताक तयार करुन पिऊ शकता.

• मसाला ताक हे उन्हाळ्यात बनवलं जाणारं एक लोकप्रिय ड्रिंक आहे.
• याचे सेवन शरीराला आतून थंडावा मिळवून देते.
• आज आपण या लेखात मसाला ताक बनवण्याची रेसिपी जाणून घेणार आहोत.

उन्हाळ्याच्या दिवसांत शरीराला थंडावा देणारे, पचन सुधारण्यासाठी उपयुक्त आणि हलके-फुलके पेय म्हणजे मसाला ताक. महाराष्ट्रात जेवणानंतर ताक पिण्याची परंपरा आहे आणि त्यात मसाल्यांचा खास तडका दिला की त्याची चव आणखी खुलते. बाजारात मिळणाऱ्या पेयांपेक्षा घरचे मसाला ताक अधिक पौष्टिक आणि सुरक्षित असते. यात वापरले जाणारे जिरे, कोथिंबीर, कढीपत्ता आणि आलं यांसारखे घटक केवळ चव वाढवत नाहीत, तर पचनक्रियेलाही मदत करतात. गरम हवामानात शरीरातील उष्णता कमी करून ताजेतवाने वाटण्यासाठी मसाला ताक हा उत्तम पर्याय आहे. शिवाय हे बनवायला अतिशय सोपे असून काही मिनिटांत तयार होते. चला मसाला ताक बनवण्याची रेसिपी नोट करून घेऊयात.

विकतंच कशाला? आता घरीच बनवा लहान मुलांच्या आवडीची ‘स्निकर्स चॉकलेट’, रेसिपी आहे फार सोपी

साहित्य:

• 1 कप दही
• 2 कप थंड पाणी
• 1/2 टीस्पून भाजलेले जिरेपूड
• 1/4 टीस्पून काळं मीठ
• चवीनुसार मीठ
• 1 हिरवी मिरची (बारीक चिरलेली)
• 1/2 इंच आलं (किसलेले)
• थोडी कोथिंबीर (चिरलेली)
• 5-6 कढीपत्त्याची पाने
• चिमूटभर हिंग

मसालेदार ओट्स खाऊन कंटाळा आला असेल तर झटपट बनवा हेल्दी टेस्टी ओट्स पॅनकेक, नोट करून घ्या रेसिपी

कृती:

• सर्वप्रथम एका भांड्यात दही घ्या आणि ते छान फेटून गुळगुळीत करा.
• त्यात थंड पाणी घालून पुन्हा चांगले ढवळा, जेणेकरून ताक तयार होईल.
• आता त्यात भाजलेले जिरेपूड, काळं मीठ आणि साधं मीठ घाला.
• त्यानंतर हिरवी मिरची, आलं, कोथिंबीर आणि कढीपत्ता घालून मिक्स करा.
• शेवटी चिमूटभर हिंग घालून सर्व मिश्रण छान एकजीव करा.
• तयार झालेले मसाला ताक काही वेळ फ्रिजमध्ये थंड होण्यासाठी ठेवा.
• थंडगार मसाला ताक ग्लासमध्ये काढून वरून थोडी कोथिंबीर घालून सर्व्ह करा.
• जास्त चवदार बनवण्यासाठी थोडी भाजलेली मोहरी किंवा तडका देऊ शकता.
• ताक खूप पातळ किंवा घट्ट वाटल्यास पाण्याचे प्रमाण आपल्या आवडीनुसार बदला.
• अधिक थंडावा हवा असल्यास काही बर्फाचे तुकडेही घालू शकता.
• हे मसाला ताक रोजच्या आहारात समाविष्ट केल्यास शरीराला थंडावा मिळतो आणि पचन सुधारते.