गर्भावस्थेत वाढतोय उच्च रक्तदाब धोका! ‘कामा आणि ऑलब्लेस’मधील अभ्यासात करण्यात आला धक्कादायक खुलासा

२५ ते ३४ वयोगटातील महिलांमध्ये या विकारांचे प्रमाण अधिक असून ४० टक्के महिला पहिल्यांदाच गर्भवती होत्या. ३५ वर्षांवरील महिलांमध्ये आजाराची तीव्रता तुलनेने अधिक दिसून आली.

उच्च रक्तदाब वाढण्याची कारणे ?
उच्च रक्तदाबाचा सार्वधिक धोका कोणाला?
गर्भावस्थेत आरोग्याची काळजी कशी घ्यावी?

गर्भावस्थेतील उच्च रक्तदाब विकार हे आजही मातृ व नवजात आजारपणाचे महत्त्वाचे कारण ठरत असल्याचे कामा अ‍ॅण्ड ऑलब्लेस रुग्णालयात करण्यात आलेल्या अभ्यासातून स्पष्ट झाले आहे. गर्भधारणेतील सुमारे ५ ते १० टक्के महिलांना हे विकार होतात आणि वेळेवर निदान व उपचार न झाल्यास गंभीर गुंतागुंत उद्भवू शकते, असे अभ्यासात नमूद करण्यात आले आहे. जून ते नोव्हेंबर २०२५ या सहा महिन्यांच्या कालावधीत करण्यात आलेल्या या मागोवा अभ्यासात २० आठवड्यांहून अधिक गर्भावधी असलेल्या ३० गर्भवती महिलांचा समावेश करण्यात आला होता. यामध्ये गेस्टेशनल हायपरटेन्शन हा सर्वाधिक आढळणारा विकार (६३.३ टक्के) ठरला, तर प्री-एक्लॅमप्सया (१६.७ टक्के), तीव्र प्री-एक्लॅर्मप्सया सिंड्रोम व सुपरइम्पोज्ड हायपरटेन्शन (१६.७ टक्के) आणि एक्लॅर्मप्सया (३.३ टक्के) अशी प्रकरणे नोंदवली गेली. (फोटो सौजन्य – istock)

कॅन्सरसारख्या जीवघेण्या आजारापासून शरीराचा होईल बचाव! दैनंदिन जीवनात फॉलो करा ‘या’ आरोग्यदायी सवयी, शरीर राहील फिट

अभ्यास निरीक्षण:

अभ्यासानुसार २५ ते ३४ वयोगटातील महिलांमध्ये या विकारांचे प्रमाण अधिक असून ४० टक्के महिला पहिल्यांदाच गर्भवती होत्या. ३५ वर्षांवरील महिलांमध्ये आजाराची तीव्रता तुलनेने अधिक दिसून आली. सिझेरियन प्रसूतीचे प्रमाण ८६.७टक्के इतके उच्च असल्याचेही अभ्यासात आढळले.

६३% प्रकरणांत गेस्टेशनल हायपरटेन्शन:

नवजात बाळांच्या बाबतीत दिलासादायक चित्र समोर आले असून एकाही प्रकरणात मृतजन्म नोंदवला गेला नाही.३६.७ टक्के बाळांचे वजन कमी (१५००-२४९९ ग्रॅम) होते, तर १६.७ टक्के बाळांना एनआयसीयूमध्ये दाखल करावे लागले, मात्र बहुसंख्य बाळांची प्रकृती स्थिर होती. महिलांच्या आरोग्याबाबत कोणतीही मातृमृत्यू किंवा गंभीर गुंतागुंत नोंदवली गेली नाही, हे या अभ्यासाचे महत्त्वाचे निरीक्षण ठरले आहे.

लिव्हरमध्ये साचलेला कचरा स्वच्छ करण्यासाठी स्वयंपाक घरातील ‘या’ पदार्थांचा करा आहारात समावेश, घाण होईल झटक्यात कमी

गर्भधारणेदरम्यान उच्च रक्तदाब:

(हायपरटेन्शन) टाळण्यासाठी जीवनशैलीत काही महत्त्वाचे बदल आणि नियमित वैद्यकीय तपासणी आवश्यक आहेत. गर्भवती महिलांनी दररोज हलका व्यायाम करावा, चालणे किंवा प्रेग्नन्सी योगासारखे व्यायाम रक्तदाब नियंत्रणात ठेवण्यास मदत करतात. आहारात सकस आणि सतुलित आहाराचा समावेश करावा, फळे, भाज्या, संपूर्ण धान्ये यांचे सेवन वाढवावे, तसेच मानसिक ताण कमी ठेवणे अत्यंत गरजेचे असून ध्यान, श्वसनाचे व्यायाम यांचा उपयोग होऊ शकतो. नियमितपणे रक्तदाब तपासणे आणि डॉक्टरांच्या सल्ल्यानुसार तपासण्या करून घेणे आवश्यक आहे. अति मीठाचे सेवन टाळावे, भरपूर पाणी प्यावे आणि दररोज किमान ७ ते ८ तासांची झोप घ्यावी, धूम्रपान व मद्यपान पूर्णपणे टाळावे, कारण यामुळे रक्तदाब वाढण्याचा धोका अधिक असतो, असे डॉ तुषार पालवे, स्त्रीरोग तज्ज्ञ यांनी सांगितले आहे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.