अनोखा टेलिफोन ‘बूथ’ जो मृत व्यक्तींशी संवाद साधतो… हे नेमकं आहे तरी कुठे? सविस्तर जाणून घ्या

The Wind Phone Booth : एक असे टेलिफोन बूथ ज्याला कोणतेही नेटवर्क जोडले गेले नाही तरीही यावर संवाद साधला जातो. इथे लावला जातो फक्त मृत व्यक्तींना कॉल. जाणून घ्या हे ठिकाण नक्की आहे तरी कुठे...

• जपानमधील ओत्सुकी येथे असलेला ‘द विंड फोन बूथ’ कोणत्याही नेटवर्कशिवाय कार्यरत असून मृत व्यक्तींशी संवाद साधल्याची भावना देतो.
• दुःखातून सावरण्यासाठी हजारो लोक या बूथवर जाऊन रिसिव्हर उचलतात, भावना व्यक्त करतात आणि मन हलके झाल्याचा अनुभव घेतात.
• आतापर्यंत ३० हजारांहून अधिक लोकांनी केला असून अमेरिका सहित इतर देशांतही असे बूथ उभारले जात आहेत.

कोणतीही व्यक्ती एकदा मृत झाल्यानंतर कुणालाही तिच्याशी संवाद साधता येणे अशक्य असते, हे सत्य आहे. पण विचार करा तुमच्या प्रिय व्यक्तीच्या मृत्यूनंतरही जर तुम्हाला तिच्याशी संवाद साधता आला तर… काही दशकांपूर्वी मृत व्यक्तींशी कथित संवाद साधणाऱ्या ‘प्लँचेट’ नामक माध्यमाचा बराच सुळसुळाट झाला होता. अनेकांना प्लँचेट करुन आपल्या मृत कुटुंबियांशी संवाद साधण्याचा जणू नादच लागला होता. पण कालांतराने या प्रकारातील लोकांचे स्वारस्य कमी झाले. अलिकडच्या काळात प्लँचेटच्या कहाण्या फारशा ऐकू येत नाहीत. तथापि, सध्या मृतांशी संवाद घडविणारा टेलिफोन बूथ चर्चेत आला आहे.

जगातील 5 सर्वात सुंदर देश जे धर्तीवर स्वर्गाचा अनुभव देतात, 2026 मध्ये प्रवासासाठीचे उत्तम पर्याय

जपान देशाच्या ओत्सुकी येथे असा एक टेलिफोन बूथ आहे. हा बूथ कोणत्याही नेटवर्कशी जोडला गेलेला नाही. तरीही तो ‘कार्यरत’ आहे. ज्यांना आपल्या मृत कुटुंबियांशी संपर्क करायचा आहे, असे लोक या बूथवर जातात. त्या बूथवरच्या टेलिफोनमधून आपल्या मृत अशी माहिती दिली जाते. या बूथला ‘द विंड फोन बूथ’ असे संबोधले जाते. ज्यांना आपल्या कुटुंबियांचा मृत्यू असह्या झालेला आहे, असे सहस्रावधी लोक या फोनबूथचा आधार घेतात, असे दिसून आलेले आहे. दुःखी लोक या बूथवर येतात. रिसिव्हर उचलतात आणि आपल्या दुःखाला वाट मोकळी करुन देतात. मृत कुटुंबियांशी बोलतात. ते या फोनवर जे बोलतात, ते त्यांच्या मृत कुटुंबियांपर्यंत पोहचते, अशी अनेकांची श्रद्धा आहे.

भारतातील अनोख मंदिर जेथील शिवलिंगाची संख्या नेहमी बदलत राहते, विज्ञानालाही ठाऊक नाही यामागच रहस्य

आपले मन हलके झाल्याचा अनुभव या फोनवर बोलल्याने येतो, असे अनेकांचे म्हणणे आहे. हा बूथ इतारु सासाकी नामक व्यक्तीने त्याच्या मृत चुलत भावाशी संवाद साधण्यासाठी स्थापन केला होते. २०११ च्या महाविनाशकारी सुनामीत अनेक जणांचा मृत्यू झाला. त्यानंतर त्यांनी हा फोनबूथ सर्वांच्या उपयोगासाठी मोकळा केला. तेव्हापासून आतापर्यंत ३० सहस्त्रांहून अधिक लोक त्याचा उपयोग केला आहे. आता हा उपाय जगात सर्वत्र पसरत असून अमेरिकेतही असे २०० फोन बूथ स्थापन झाले आहेत.