बायकोच्या ‘या’ सवयी नात्यामध्ये तणावाचे कारण बनतात; वेळीच यावर रोख लावा

पत्नीच्या काही सवयी जसे की आदर न करणे, सासरच्या मंडळींशी गैरवर्तन, सतत वाद घालणे आणि तुलनात्मक दृष्टीकोन नात्यात तणाव निर्माण करू शकतात. या सवयी वेळीच सुधारल्यास वैवाहिक नाते अधिक आनंदी आणि टिकाऊ होऊ शकते.

पती-पत्नीचे नाते हे विश्वास, प्रेम आणि समजूतदारपणावर टिकलेले असते. जितके हे नाते मजबूत असते, तितकेच ते नाजूकही असते. दोघांमध्ये परस्पर आदर आणि प्रेम असले तर नाते सुखकर आणि आनंददायी राहते. मात्र, काही वेळा बायकोच्या काही सवयी अशा असतात ज्या पतीला त्रासदायक वाटू शकतात आणि त्यामुळे नात्यात तणाव निर्माण होऊ शकतो. या सवयी वेळेत बदलल्या नाहीत, तर त्याचा परिणाम वैवाहिक जीवनावर होतो. त्यामुळेच या गोष्टी ओळखून वेळीच त्यावर नियंत्रण ठेवणे गरजेचे आहे.

बद्धकोष्ठतेच्या समस्येने त्रस्त आहात? मग दैनंदिन आहारात करा ‘या’ पदार्थाचे सेवन, पोट राहील स्वच्छ

नात्यात आदर हा महत्त्वाचा भाग असतो. जर पत्नी सतत पतीला कमी लेखत असेल, त्याच्या निर्णयांचा अपमान करत असेल किंवा इतरांसमोर त्याला हिणवत असेल, तर पतीच्या मनात नाराजी निर्माण होते. यामुळे नात्यात दुरावा येऊ शकतो. प्रत्येक नात्यात मतभेद होऊ शकतात, पण पतीचा अपमान करण्याऐवजी संवाद साधून समस्या सोडवणे जास्त महत्त्वाचे असते. पतीला कमी लेखण्याची किंवा सतत त्याच्यावर टीका करण्याची सवय असल्यास, नात्यात कटुता निर्माण होऊ शकते.

सासू-सासऱ्यांशी वाईट वर्तन करणे हा देखील नात्यात तणाव निर्माण करणारा एक मोठा मुद्दा असतो. अनेकदा पत्नी आपल्या सासू-सासऱ्यांबद्दल नकारात्मक बोलतात, त्यांच्याशी उग्र वर्तन करतात किंवा त्यांना सन्मान देत नाहीत. यामुळे पती नाराज होतो आणि वैवाहिक नात्यात तणाव येतो. पतीच्या आई-वडिलांचा आदर करणे आणि त्यांच्याशी सौहार्दपूर्ण वागणे हे नात्याच्या दृष्टीने आवश्यक असते.

काही वेळा पत्नी क्षुल्लक कारणांवरून वाद घालतात, ज्या सहज संवादाने सोडवता येऊ शकतात. सततच्या वादामुळे नात्यात कटुता येते आणि गैरसमज वाढतात. यामुळे पतीला नात्यात गुदमरल्यासारखे वाटू शकते. छोट्या गोष्टींवरून वाद घालण्याऐवजी शांतपणे चर्चा करून निर्णय घेतल्यास नाते अधिक सुदृढ राहू शकते. तुलना करणे हीही नात्यात तणाव निर्माण करणारी सवय असते. काही वेळा पत्नी आपल्या नवऱ्याची तुलना दुसऱ्या व्यक्तींशी करतात, मग ती आर्थिक परिस्थितीबाबत असो किंवा स्वभावाबाबत. ही तुलना पतीला कमीपणाची भावना देऊ शकते आणि त्यामुळे तो अस्वस्थ होऊ शकतो. त्यामुळे आपल्या जोडीदाराचा आदर करून, त्याच्या चांगल्या गुणांना प्रोत्साहन देणे अधिक योग्य ठरते.

Spring Season : इथे स्वर्गही फिका पडतो ; वसंत ऋतूमध्ये भारतातील ‘या’ ठिकाणांना लाभलंय निसर्गसौंदर्याचं वरदान

या सवयी वेळीच सुधारल्या, तर पती-पत्नीचे नाते अधिक आनंदी आणि टिकाऊ होऊ शकते. नात्यात संवाद, विश्वास आणि परस्पर समजूत महत्त्वाची असते. जर दोघांनीही समजूतदारपणा दाखवला, तर कोणतेही नाते अधिक दृढ आणि प्रेमळ बनू शकते.