लग्नानंतरच्या पहिल्या मंगळागौरीला घ्या ‘हे’ भन्नाट उखाणे, सगळेच करतील गोड कौतुक

संपूर्ण देशभरात मोठ्या आनंद आणि उत्साहात श्रावण महिन्याचे स्वागत केले जाते. हिंदू धर्मात श्रावण महिन्याला विशेष महत्व आहे. पावसाच्या सरी अंगावर पडू लागल्यानंतर सगळ्यांचं जशी गणपतीच्या आगमनाची ओढ लागते, तशीच ओढ श्रावण महिना सुरु झाल्यानंतर मंगळागौरीच्या पूजेची लागते. श्रावण महिन्यात भगवान शंकराची मनोभावे पूजा करून बेल आणि दूध अर्पण केले जाते. या महिन्यात नागपंचमी, रक्षाबंधन, जन्माष्टमी, गणेशोत्सव इत्यादी अनेक सण असतात. तसेच राज्यातील अनेक ठिकाणी मंळागौर खेळाचे आयोजन केले जाते. श्रावण महिन्यात नवीन लग्न झालेल्या मुलींची मंगळागौर पूजा घातली जाते. श्रावण महिन्यात येणाऱ्या कोणत्याही मंगळवारी मंगळागौर पूजा तुम्ही करू शकता. यादिवशी सर्व महिला एकत्र येऊन झिम्मा, फुगडी आणि गाणी गात सुंदर मंगळागौर साजरा करतात. म्हणूनच आज आम्ही तुम्हाला मंगळागौरनिमित्त काही सुंदर उखाणे सांगणार आहोत. (फोटो सौजन्य – सोशल मीडिया)

चल गं बाई खेळू या, मंगळागौर खेळू या

… रावांचे नाव घेते, आमच्या जोडीला तुमचे आशीर्वाद द्या

श्रावण महिन्यात सजला मंगळागौरीचा थाट

… रावांचं नाव घ्यायला मी कशाला बघू वाट

भर श्रावणात, पाऊस आला जोरात

… रावांचे नाव घेते, मंगळागौरीच्या दिवशी … च्या घरात.

आई बाबांनी केले लाड, सासू-सासऱ्यांनी पुरवली हौस

… रावांचे नाव घेते, आज मंगळागौर खेळण्याची फिटली हौसहंड्यावर हंडे सात, त्यावर ठेवली कळशी

… रावांचे नाव घेते, मंगळागौरीच्या पूजेच्या दिवशी.

दारापुढे काढली मी ठिपक्यांची रांगोळी

… रावांचे नाव घेते मी मंगळागौरीच्या पूजेच्या वेळी.

श्रावणात बरसतात सरींवर सरी, मंगळागौरीच्या पूजेच्या दिवशी …रावांची सखी मी बावरी

श्रावणात येते सुंदर श्रावणधारा, ….रावांचे नाव घेते, मंगळागौर पूजा आहे आज घरा

सृष्टी सौंदर्याच्या बागेला चंद्र-सूर्य झाले माळी… चे नाव घेते, मंगळागौरीच्या वेळी

जात होते फुलांला,पदर अडकला वेलीला, मंगळागौरीच्या दिवशी आले एवढे महत्त्व ….च्या नावाला

अथांग वाहे सागर संथ चालते होडी मंगळागौरी सुखी ठेवो …..रावांची आणि माझी जोडी

लग्नानंतर बदलून चालत नाही नुसतं नाव, बदलावा लागतो स्वभाव …च्या घरी मिळेल माझ्या कलागुणांना वाव, मात्र मंगळागौरीच्या दिवशी खाते थोडा भाव

मंगळागौरी देवी नमन करते तुला,…रावांच्या नावाचे अखंड सौभाग्य लाभू दे मला

पतिव्रता सीतेची, सावित्रीचा निग्रह, मंगळागौरीच्या दिवशी…रावांचे नाव घेण्यासाठी केला सर्वांनी आग्रह

 सीतेची पवित्रता, पार्वतीचा निग्रह, मंगळागौरीच्या दिवशी…रावांचे नाव घेण्यास करू नका आग्रह

आंब्याच्या वनराईमध्ये कोकिळेचे गुंजन…रावांचे नाव घेते आणि करते मंगळागौरीचे पूजन

जीवनाच्या प्रवासात कधी दुःखाच ऊन तर कधी सुखाचा पाऊस,

___रावांच नाव घेते सासूबाईंनी केली मंगळगौरीची हौस.

हिरव्यागार रंगाने, श्रावणात सुष्टी सजली,

___रावांच्या नावाने, मी मंगळागौर पुजली.

लग्नानंतर पहिली मंगळागौर साजरी करते माहेरी,

___रावांचे नाव घेते, नेसून साडी चंदेरी.

मंगल गौरी-मंगल नाते, वंदन करते तुला,

___रावांना दीर्घायुष्य लाभो, हाच आशीर्वाद दे मला.

पूजेकरिता जमविल्या, नानविध पत्री,

___रावांचे नाव घेते, मंगळागौरीच्या रात्री.

मंगळागौरीचे व्रत करतात, सौभाग्यासाठी,

___रावांचे नाव घेते, तुम्हा सर्वांसाठी.

विवेकानंदांचे स्मारक, कन्याकुमारीच्या सीमेवर,

___रावांचे नाव घेते, मंगळा गौरीच्या वेळेवर.

मोत्याचा हार, गौराईच्या गळ्यात,

___रावांचे नाव घेते, सुवासिनीच्या मेळ्यात.

मंगळागौरीला वाढलाय, पावसाचा जोर,

___रावांचे नाव घेते, माझे भाग्यच थोर.

भर श्रावणात, पाऊस आला जोरात,

___रावांचे नाव घेते, मंगळागौरीच्या दिवशी ___च्या घरात.

सासर आहे छान, सासू आहे हौशी,

___रावांचे नाव घेते, मंगळागौरीच्या दिवशी.

श्रावणात बरसतात सरींवर सारी, मंगळागौरीच्या दिवशी

___रावांचे नाव घेते, मी सखी बावरी.