केस धुतल्यानंतर सुद्धा केसांना वास येतो? मग नियमित करा ‘या’ घरगुती पदार्थांचा वापर

पावसाळ्यात वातावरणातील आद्रतेचा परिणाम केसांच्या वाढीवर आणि त्वचेवर लगेच दिसून येतो. या दिवसांमध्ये केस लगेच चिकट आणि तेलकट होऊन जातात. तसेच घामामुळे केसांमध्ये दुर्गंधी येण्यास सुरुवात होते. केसांमध्ये ओलावा वाढल्याने केस गळणे,. कोंडा होणे, टाळूवर इन्फेक्शन इत्यादी अनेक समस्या जाणवू लागतात. या समस्यांपासून आराम मिळवण्यासाठी केस धुवण्याच्या पाण्यात या पदार्थांचा वापर करा. जेणेकरून तुमच्या केसांमधील दुर्गंधी नाहीशी होईल आणि केस स्वच्छ होतील.

केसांमधील दुर्गंधी घालवण्यासाठी फळांच्या सालीचा वापर करा

Follow Us:

Follow Us:

सर्वच ऋतूंमध्ये केसांची योग्य काळजी घेतली नाहीतर केस खराब होण्याची शक्यता असते. पावसाळ्याच्या दिवसांमध्ये वातावरणातील आद्रतेचा परिणाम केसांवर दिसून येतो. या दिवसांमध्ये केस चिकट आणि तेलकट होतात. केसांमध्ये ओलावा तसाच राहतो. या ओलाव्यामुळे केस कितीही स्वच्छ केले किंवा कितीही शॅम्पू लावले तरीसुद्धा केस लगेच चिकट आणि कोरडे होऊन जातात. केसांमध्ये घाम तसाच साचून राहिल्यामुळे केसांमधून दुर्गंधी येण्यास सुरुवात होते. केसांमध्ये दुर्गंधी येऊ लागल्यामुळे महिलांचा आत्मविश्वास कमी होते. केस मोकळे ठेवून कुठेही जाता येत नाही. त्यामुळे आज आम्ही तुम्हाला केसांमधून येणाऱ्या दुर्गंधीपासून सुटका मिळवण्यासाठी कोणत्या फळांच्या सालींचा वापर करावा, याबद्दल सविस्तर माहिती सांगणार आहोत. यामुळे तुमच्या केसांमधील दुर्गंधी निघून जाण्यास मदत होईल. तसेच तुमचे केस चमकदार आणि सुंदर दिसतील.(फोटो सौजन्य-istock)

केसांमधील दुर्गंधी घालवण्यासाठी करा घरगुती पदार्थांचा वापर:

लिंबाचा रस:

लिंबाच्या रसात असलेले विटामिन सी केसांच्या आणि त्वचेच्या आरोग्यासाठी फायदेशीर आहे. यामुळे केसांमधील दुर्गंधी निघून जाईल. यासाठी केस धुवण्याच्या पाण्यात अर्धा वाटी लिंबाचा रस टाका. या पाण्याचा वापर करून केस स्वच्छ धुवून घ्या. यामुळे केसांमध्ये दुर्गंधी येणार नाही. लिंबामध्ये अँटीबॅक्टेरियल आणि अँटीफंगल गुणधर्म असतात जे केसांमधील दुर्गंधी घालवण्यासाठी मदत करतात.

हे देखील वाचा: कढीपत्त्याचा चहा पिण्याचे काय आहेत फायदे?

टी ट्री ऑइल:

टी ट्री ऑइलच्या वासामुळे केसांमधील दुर्गंधी निघून जाईल. हे तेल जंतुनाशक असल्यामुळे केसांमधील कोंडा सुद्धा निघून जाण्यास मदत होईल. टी ट्री ऑइल टाळू निरोगी ठेवण्याचे काम करते.त्यामुळे शॅम्पूने केस स्वच्छ करण्याआधी केसांना टी ट्री ऑइल लावावे त्यानंतर केस स्वच्छ धुवावे.

गुलाबपाणी:

गुलाब पाण्याच्या वापर त्वचेसह केसांच्या निरोगी आरोग्यासाठी केला जातो. शँम्पूचा वापर करून केस स्वच्छ धुतल्यानंतर गुलाबजलचा स्प्रे करावा. यामुळे केसांमधील दुर्गंधी निघून जाऊन केस स्वच्छ आणि सुंदर दिसतील.

हे देखील वाचा: पावसाळ्यात गर्भवतींनी घ्या अशी काळजी!

आलं पुदिन्याचे पाणी:

केसांच्या दुर्गंधीपासून आराम मिळवण्यासाठी आलं पुदिन्याच्या पाण्याने केस स्वच्छ धुवावे. यामुळे केस गळतीच्या समस्यांपासून आराम मिळतो. केस धुवण्याच्या पाण्यात आलं पुदिन्याचा रस टाकावा.

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.

Web Title: Use fruit peel to remove bad smell from hair

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com