कर्करोग आजाराने ग्रस्त मुलांच्या चेहऱ्यावर फलले हास्य, अभिनेते विवेक ओबेरॉय यांनी ५०व्या वाढदिवसानिमित्त उपचारासाठी घेतला पुढाकार

अभिनेते विवेक ओबेरॉय यांनी आपल्या ५०व्या वाढदिवसाचा दिवस कर्करोगाशी झुंजणाऱ्या मुलांसोबत साजरा केला. यावेळी त्यांनी ५० मुलांच्या उपचारासाठी पुढाकार घेत सामाजिक बांधिलकी जपली.

• वाढदिवसानिमित्त विवेक ओबेरॉय यांनी ५० कर्करोगग्रस्त मुलांच्या उपचारासाठी पुढाकार घेतला.
• त्यांनी मुलांसोबत केक कापला, संवाद साधला आणि त्यांना लाल गुलाब व भेटवस्तू दिल्या.
• मुलांसोबत विवेक ओबेरॉय यांनी विशेष व्हिंटेज कार राइडमध्ये सहभाग घेतला. मुलांनीही या राइडचा उत्साहाने आनंद घेतला.

राष्ट्रीय कर्करोग गुलाब दिनानिमित्त कॅन्सर पेशंट्स एड असोसिएशनतर्फे आयोजित विशेष उपक्रमात प्रसिद्ध अभिनेता विवेक ओबेरॉय यांनी आपला ५०वा वाढदिवस कर्करोगाशी झुंजणाऱ्या मुलांसोबत साजरा केला. आपल्या वाढदिवसानिमित्त त्यांनी ५० कर्करोगग्रस्त मुलांच्या उपचारासाठी पुढाकार घेतला. वांद्रे येथील ताज लँड्स एंड येथे विवेक ओबेरॉय यांनी कर्करोगाशी झुंजणाऱ्या मुलांची भेट घेतली. त्यांनी मुलांशी मनमोकळा संवाद साधला, त्यांच्यासोबत केक कापून वाढदिवस साजरा केला तसेच त्यांना लाल गुलाब आणि भेटवस्तू दिल्या.

५ मिनिटांत उजळतील पितळेची भांडी! घरच्या घरी तयार करा ‘हे’ खास द्रव अन् मिळवा अगदी नव्यासारखी चमक

रुग्णांना नवी आशा, पाठिंबा देण्यासाठी उपक्रम

• मुलांच्या चेहऱ्यावर आनंद फुलवताना विवेक ओबेरॉय यांनी वाढदिवसाचा हा विशेष दिवस सामाजिक बांधिलकी आणि माणुसकीला समर्पित केला. यानंतर विवेक ओबेरॉय मुलांसोबत विशेष व्हिंटेज कार राइडमध्ये सहभागी झाले.
• मुलांनी या राइडचा उत्साहाने आनंद घेतला. राष्ट्रीय कर्करोग गुलाब दिनानिमित्त वांद्रे-वर्ती सागरी सेतू लाल प्रकाशाने उजळवण्यात आला.
• कर्करोगाशी लढणाऱ्या रुग्णांना आणि त्यांच्या कुटुंबीयांना आशा, धैर्य, संवेदना आणि समाजाच्या पाठिंब्याचा संदेश या उपक्रमातून देण्यात आला.

हे योगदान माझ्यासाठी अत्यंत विशेष बाब…

विवेक ओबेरॉय म्हणाले, “गेल्या दोन दशकांपासून सोबत काम करण्याचा मला अभिमान आहे. माझा ५०वा वाढदिवस कर्करोगाशी झुंजणाऱ्या मुलांसोबत साजरा करणे आणि त्यांच्या उपचारासाठी योगदान देणे, ही माझ्यासाठी अत्यंत विशेष बाब आहे. प्रत्येक मुलाला स्वप्ने पाहण्याची, मोठे होण्याची आणि निरोगी आयुष्य जगण्याची मिळायला संधी हवी.”

ट्रेनमध्ये अवाजवी सामान नेल्यास बसणार दंड! AC ते जनरल डब्यापर्यंत, जाणून घ्या प्रत्येक क्लासची लगेज लिमिट

रुग्णांच्या कुटुंबीयांच्या पाठीशी समाजाने उभे राहावे…

सीपीएएच्या कार्यकारी संचालिका म्हणाल्या, “हे योगदान माझ्यासाठी अत्यंत विशेष बाब. विवेक ओबेरॉय यांनी आपला ५०वा वाढदिवस या मुलांसोबत साजरा करताना ५० मुलांच्या उपचारासाठी घेतलेला पुढाकार हा अत्यंत संवेदनशील आणि प्रेरणादायी आहे. कर्करोगाशी लढणाऱ्या प्रत्येक रुग्ण आणि त्यांच्या कुटुंबीयांच्या पाठीशी समाजाने उभे राहावे, हा संदेश या उपक्रमातून देण्यात आला.”

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)