चारचौघांमध्ये हसण्याची लाज वाटते? मग ‘हे’ उपाय करून कमी करा दातांवर साचून राहिलेला पिवळेपणा, दात दिसतील पांढरेशुभ्र

दातांवर साचून राहिलेल्या पिवळ्या थरामुळे अनेकदा चारचौघांमध्ये गेल्यानंतर हसताना किंवा बोलताना लाज वाटू लागते. त्यामुळे आम्ही तुम्हाला दातांवरील पिवळे कमी करण्यासाठी हे घरगुती उपाय नक्की करून पहा. यामुळे दात स्वच्छ होतील.

दैनंदिन आहारात साखरयुक्त पदार्थांचे अतिसेवन आणि तेलकट तिखट पदार्थांचे सतत सेवन करून दातांच्या आरोग्याची व्यवस्थित काळजी न घेतल्यामुळे दातांवर पिवळेपणा साचणे, कीड लागणे, दात अचानक पडणे, हिरड्यांसंबंधित समस्या उद्भवणे इत्यादी अनेक समस्या उद्भवू लागतात. दातांसंबंधित समस्या उद्भवू लागल्यानंतर दातांचे आरोग्य पूर्णपणे खराब होऊन जाते. दातांवर साचलेला पिवळा थर कमी करण्यासाठी अनेक प्रयत्न केले जातात. मात्र तरीसुद्धा पिवळेपणा कमी होत नाही. दातांवरील पिवळेपणामुळे चारचौघांमध्ये गेल्यानंतर हसण्याची किंवा बोलण्याची अनेकदा लाज वाटू लागते. दातांचे आरोग्य खराब झाल्यानंतर श्वसन मार्गाची दुर्गंधी येण्यास सुरुवात होते.(फोटो सौजन्य – iStock)

वयाच्या १०० वर्षात हृदय राहील निरोगी! सकाळी उठल्यापासून ते रात्री झोपेपर्यंत फॉलो करा ‘हे’ सोपे उपाय, हृदय राहील कायम सुधृढ

See more

दातांवर पिवळा थर किंवा पांढऱ्या रंगाचा थर साचून राहिल्यानंतर तो कमी करण्यासाठी अनेक वेगवेगळे प्रयत्न केले जातात. कधी बाजारात उपलब्ध असलेल्या वेगवेगळ्या टूथपेस्ट लावल्या जातात, तर कधी घरगुती उपाय करून दात स्वच्छ केले जातात. मात्र चुकीच्या पद्धतीने उपाय केल्यामुळे दातांवरील पिवळेपणा कमी होण्याऐवजी आणखीनच वाढतं जातो. त्यामुळे आज आम्ही तुम्हाला दातांवर साचून राहिलेला पिवळा थर कमी करण्यासाठी कोणते घरगुती उपाय करावे, याबद्दल सविस्तर माहिती सांगणार आहोत. हे घरगुती उपाय योग्य पद्धतीने केल्यास दातांवर साचून राहिलेला पिवळा थर कमी होऊन दात स्वच्छ होतील आणि दातांची दुर्गंधी कमी होईल.

दातांवर पिवळा थर साचून राहण्याची कारणे:

• दातांची योग्य पद्धतीने स्वच्छता न केल्यामुळे दातांवर पिवळा थर साचून राहतो.
• ऍसिडिक पदार्थांचे अतिसेवन, साखर युक्त पदार्थ, चहा कॉफीचे अतिसेवन केल्यामुळे दातांवर पिवळा थर साचून राहतो आणि हिरड्या खराब होतात.
• दातांचा वरचा थर खराब झाल्यामुळे दात पिवळे दिसू लागतात.
• चहा किंवा कॉफी प्यायल्यानंतर लगेच पाणी प्यायल्यामुळे दात खराब होऊन जातात.

दात स्वच्छ करण्यासाठी घरगुती उपाय:

दातांवरील पिवळेपणा कमी करण्यासाठी घरगुती उपाय केल्यास टूथपेस्टमध्ये बेकिंग सोडा टाकून दात स्वच्छ करावे. यामुळे दातांवर साचून राहिलेला पिवळेपणा कमी होऊन दात स्वच्छ दिसतील. टूथपेस्ट आणि बेकिंग सोड्याचे मिश्रण दातांवर लावल्यामुळे पिवळेपणा कमी होण्यासोबतच प्लाकसुद्धा कमी होऊन जातो. याशिवाय दातांमध्ये लागलेली कीड नष्ट होते. हा उपाय आठवड्यातून दोनदा किंवा तीनदा केल्यास दात स्वच्छ होण्यास मदत होईल. तसेच बेकिंग सोड्याचा वापर करताना जास्त प्रमाणात करू नये. टूथपेस्ट घेतल्यानंतर त्यावर चिमूटभर बेकिंग सोडा घेऊन दात स्वच्छ करावे.

अमृतापेक्षा कमी नाही स्वयंपाकघरातील ‘हा’ मसाला, दुधात मिसळून प्या; मुळापासून दूर होईल सांधेदुखीचा त्रास

See more

इतर घरगुती उपाय:

• दात स्वच्छ करण्यासाठी तुम्ही खोबरेल तेलाचा वापर करू शकता. खोबरेल हातावर घेऊन दातांवर फिरवून काहीवेळाने दात स्वच्छ करून घ्यावी. यामुळे दातांवर साचलेला पिवळेपणा कमी होईल आणि दात स्वच्छ दिसतील.
• अ‍ॅपल सायडर व्हिनेगर पाण्यात टाकून गुळण्या केल्यास दातांवर साचून राहिलेल्या पिवळेपणा सोबतच तोंडाची दुर्गंधी कमी होऊन दात स्वच्छ आणि चमकदार दिसतील.
• दात स्वच्छ करण्यासाठी तुम्ही पेरूच्या पानांचा किंवा कडुलिंबाच्या काढीचा वापर करू शकता. यामुळे दात पांढरेशुभ्र आणि चमकदार दिसतील.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.