मासिक पाळी कायमची निघून जाताना महिलांच्या शरीरात दिसून येतात ‘ही’ लक्षणे

हे देखील वाचा: मासिक पाळी दरम्यान टॅम्पॉन्स किंवा पॅड यापैकी कोणता आहे सर्वोत्तम पर्याय ?

मासिक पाळी जाण्याआधी महिलांमध्ये ‘ही’ लक्षणे दिसून येतात:

मासिक पाळीचे चक्र चुकणे:

मासिक पाळीच्या चक्रामध्ये चूक झाल्यानंतर अनेक समस्या उद्भवतात. मेनोपॉझच्या दिवसांमध्ये अनियमित मासिक पाळी असते. दोन, तीन किंवा त्यापेक्षा ही जास्त महिना मासिक पाळी येत नाही. अशावेळी महिलांना अनेक समस्या जाणवतात. या काळात मासिक पाळी कधी येईल याची तारीख ठरलेली नसते. मेनोपॉझमध्ये महिलांची प्रजनन क्षमता संपून जाते आणि महिला बाळाला जन्म देऊ शकत नाही. त्यामुळे याच प्रक्रियेला मेनोपॉझ असे म्हणतात.

हाड दुखणे:

वयाच्या चाळिशीनंतर महिलांना अनेक शारीरिक समस्यांना तोंड द्यावे लागते. तसेच अनेक मानसिक समस्या सुद्धा उद्भवतात. मेनोपॉझमध्ये एस्ट्रोजनचा थर कमी होऊन हाडांची घनता कमी होत जाते. यामुळे हाडे ठिसूळ व खिळखिळी होण्यास सुरुवात होते. त्यामुळेच महिलांना मेनोपॉझच्या काळात हाडांचे आजार, ऑस्टियोपोरोसिस होण्याचा धोका जास्त असतो.

मूड स्विंग्स होणे:

मॅनोपोझचा काळ सुरु झाल्यानंतर महिलांमध्ये अनेक बदल होण्यास सुरुवात होते. सतत चिडचिड करणे, कोणत्याही गोष्टीचा राग करणे, नैराश्याची भावना निर्माण होणे इत्यादी अनेक समस्या उद्भवण्यास सुरुवात होते. शरीरामध्ये मानसिक अस्थिरता निर्माण झाल्यानंतर महिलांचे मूड सतत बदलतात.

हे देखील वाचा: मासिक पाळीदरम्यान अधिक व्हजायनल दुर्गंधी का येते? कारणे आणि उपाय

अचानक वजन वाढणे:

वजन वाढणे हे एक सामान्य लक्षण आहे. हार्मोनल बदलांमुळे मेटाबॉलिज्म कमी होण्यास सुरुवात होते आणि शरीरातील अतिरिक्त चरबी तशीच साठून राहते. शरीरात चरबीचे प्रमाण वाढल्यानंतर वजन वाढू लागते. वाढलेले वजन महिलांच्या आरोग्यसाठी त्रासदायक ठरू शकते. शरीरात वाढलेल्या अतिरिक्त चरबीमुळे शरीराची ऊर्जा कमी होण्यास सुरुवात होते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

संबंधित बातम्या