प्रेमात गुपितपणा! ‘पॉकेटिंग डेटिंग’ ट्रेंड नक्की काय आहे? कमिटमेंट नाही, भांडण नाही… मग कसं टिकून राहत नातं?

Pocketing Dating Trend : आजकाल रिलेशनशिपमध्ये ‘पॉकेटिंग डेटिंग’ हा ट्रेंड वाढताना दिसतोय. यात एक पार्टनर नातं लपवून ठेवतो, ज्यामुळे समोरच्याला गोंधळ आणि असुरक्षितता वाटू शकते.

• काही लोक कमिटमेंटला घाबरतात, त्यामुळे नातं जाहीर करत नाहीत.
• काही जण एकाच वेळी दुसऱ्या रिलेशनशिपमध्ये असू शकतात, म्हणून नातं लपवतात.
• समाज, कुटुंब किंवा वादाची भीती यामुळेही लोक आपलं नातं गुप्त ठेवतात.

यंगीस्तान प्रेमाच्या नात्यातल्या दौघांपैकी एकाला आपले नाते जगजाहीर करण्याची इच्छा असते. त्याचवेळी दुसरी व्यक्ती नातं उघड करायला उत्सुक नसते. किंबहुना नाते लपवून ठेवण्यातच त्या व्यक्तीला रस असतो, ह्या प्रकाराला ‘पॉकेटिंग डेटिंग ट्रेड’ असे म्हणतात, पॉकेटिंग डेटिंग हे थोड्या काळासाठी असेल तर ते एकवेळ सहन करता येतं, मात्र जर वर्षापेक्षा जास्त काळ जर तुमचं नातं हे गुप्त राहिलं असेल तर तो नातं लपवणारा व्यक्ती हा तुमच्याबद्दल गंभीर नाही, त्याला ट्रस्ट इशू आहेत किंवा तो व्यक्ती तुम्हाला फसवत असू शकतो, या लोकांना अशा प्रकारच्या डेटिंग ट्रेंडची आवश्यकता का वाटते, ते जाणून घेऊया.

उष्णता, मुरुमे आणि बद्धकोष्ठतेवर रामबाण उपाय, उन्हाळ्यात फक्त 1 ग्लास हा ज्यूस प्या आणि कमाल पाहा; पैसे घालवण्याचीही गरज नाही

कमिटमेंट नको

काही लोक हे पंकिटिंग डेटिंग करतात कारण ते गंभीर नात्यासाठी तयारच नसतात. त्यामुळे ते आपलं नातं अधिकृत करण्यापासून दूर पळत असतात. यामध्ये ते आपल्या पार्टनरचा सहवास एन्जॉय करत असतात. मात्र हे नातं जाहीर करण्यात कचवकचत असतात. ते लक्कर कमिट करण्यासाठी घाबरत असतात.

एक नाते असूनही दुसऱ्या शोधात

काही लोकं आपल्या पार्टनरसोचतचं नातं हे जगजाहीर करत नाहीत कारण ते दुसऱ्या व्यक्तीच्या देखील शोधात किंवा दुसऱ्या व्यक्तीसोबत नात्यात असतात. त्यामुळे ते आपल्या पार्टनरला आपल्या दुसऱ्या रिलेशनशिपबद्दल माहिती होऊ नये म्हणून गोष्टी गुप्त ठेवतात.

भांडणे नकोत

काही प्रकरणांमध्ये लोकं आपलं नातं लपवतात कारण जर त्यांनी ते नातं जाहीर केलं तर वाद होतील अशी त्यांना भीती असते. हा वाद सोशल ग्रुप किया कुटुंबात होऊ शकतो. उदाहरणार्थ जर दोन व्यक्ती वेगवेगळ्या धर्माचे असतील अन् डेट करत असतील तर ते पॉकटिंग डेटिंगचा आसरा घेतात. ते वाद टाळण्यासाठी आपल्या नात्याबद्दल पालकांना सांगत नाहीत.

गर्दीपासून दूर करा गोकर्णाची सफर, मंदिर- बीच-शांतता… इथे घेता येईल सर्वांचाच आनंद

समाज काय म्हणेल?

आपल्या नात्याबद्दल घरचे आणि मित्र काय म्हणतील याची त्यांना भीती असते. त्यांना भीती असते की त्यांचे नातेवाईक त्यांच्या पार्टनरला स्विकारणार नाहीत. अशी परिस्थिती ही वेगवेगळ्या धर्मातील, रेस किंवा आर्थिक परिस्थीतीचे लोक डेटिंग करत असतील तर निर्माण होऊ शकते.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.