Pregnancy मध्ये होऊ शकते किडनी – लिव्हर डॅमेज, 5 व्या महिन्यात करू नका दुर्लक्ष; ‘या’वर ठेवा नियंत्रण

प्री-एक्लेम्पसिया ही गर्भधारणेदरम्यान उद्भवणारी एक गंभीर स्थिती आहे. ज्यामध्ये महिलेच्या यकृत आणि मूत्रपिंडांना नुकसान होण्याचा धोका असतो. तसेच बाळाच्या विकासावरही परिणाम होतो, जाणून घ्या

खरं तर प्रत्येक महिलेसाठी गरोदरपणा ही खूपच वेगळी फेज असते. आई होताना प्रत्येक स्त्री ला वेगळा अनुभव येत असतो. जितका हा नऊ महिन्याचा काळ आनंदाचा असतो तितकेच काही वेगवेगळ्या गोष्टींची गुंतागुंत होणं अथवा त्रास होणे हेदेखील सामाम्य आहे. गर्भधारणेदरम्यान स्त्रीच्या शरीरात अनेक बदल होतात. यावेळी अनेक आरोग्य समस्यांचा धोकादेखील वाढतो, जो आई आणि गर्भाशयात वाढणाऱ्या बाळासाठी घातक ठरू शकतो, याबाबत अधिक माहिती दिली आहे गायनॉकॉलिजिस्ट डॉ. श्वेता पाटील यांनी. 

प्री-एक्लेम्पसिया म्हणजे काय?

प्री-एक्लेम्पसिया ही अशी स्थिती आहे ज्यामध्ये गर्भवती महिलेचे रक्तदाब १४०/९० मिमीएचजी पेक्षा जास्त होते आणि लघवीमध्ये प्रथिनांचे प्रमाण वाढते. जर लवकर ओळख पटली नाही आणि त्यावर उपचार केले नाहीत तर ते मूत्रपिंड, यकृत, फुफ्फुस आणि प्लेसेंटावर परिणाम करू शकते आणि त्यामुळे अकाली प्रसूती, कमी वजन आणि काही प्रकरणांमध्ये जीवघेण्या गुंतागुंतीदेखील होऊ शकतात.

मासिक पाळीदरम्यान शारीरिक संबंध ठेवल्यास महिला गरोदर राहू शकतात का? काय सांगतात तज्ज्ञ

प्री-एक्लेम्पसिया ही आपत्कालीन स्थिती आहे का?

हो, त्यामुळे हृदयावर आणि इतर अवयवांवर प्रचंड दबाव येतो, ज्यामुळे गंभीर परिणाम होऊ शकतात. या स्थितीमुळे प्लेसेंटामध्ये रक्त परिसंचरणावर परिणाम होतो आणि फुफ्फुसांमध्ये द्रव जमा होऊ शकतो.

उच्च रक्तदाब, मूत्रपिंड किंवा मधुमेहाचा इतिहास, जुळी मुले किंवा त्याहून अधिक मुले होण्याची शक्यता, स्वयंप्रतिकार रोग, मागील गर्भधारणेतील प्री-एक्लेम्पसिया, लठ्ठपणा, 35 वर्षांपेक्षा जास्त वय, मागील गर्भधारणेतील कमी वजनाचे बाळ यासारख्या घटकांमुळे प्री-एक्लेम्पसियाचा धोका वाढतो.

दुर्लक्ष करू नये अशी लक्षणे

• सतत डोकेदुखी
• प्रकाशामुळे धूसर दृष्टी किंवा चिडचिड
• दृष्टीमध्ये काळे डाग येणे
• पोटाच्या वरच्या उजव्या भागात वेदना होणे
• हात, घोटे आणि चेहरा सूज येणे
• श्वास घेण्यास त्रास होणे

प्री-एक्लेम्पसियाचा उपचार

जर गर्भधारणा ३७ आठवड्यांपेक्षा जास्त असेल आणि स्थिती गंभीर असेल, तर प्रसूती हा पहिला उपचार आहे. इतर प्रकरणांमध्ये, रक्तदाब नियंत्रित करण्यासाठी औषधे, गर्भाच्या फुफ्फुसांच्या विकासासाठी स्टिरॉइड्स आणि आई आणि बाळाचे बारकाईने निरीक्षण लिहून दिले जाते.

सर्व प्रसूतीपूर्व तपासण्या वेळेवर करा. संतुलित आणि निरोगी आहार घ्या, जंक फूडपासून दूर रहा. तुमचा रक्तदाब नियमितपणे तपासा. डॉक्टरांच्या सल्ल्यानुसार शारीरिक हालचाल चालू ठेवा आणि तणावापासून दूर रहा. गरजेनुसार प्रसूतीपूर्व जीवनसत्त्वे घ्या. याशिवाय आपल्या डॉक्टरांचा प्रत्येक सल्ला ऐका आणि कोणत्याही गोष्टी स्वतःच्या मनाने करू नका. 

Sri Sri Ravi Shankar यांनी गरोदर महिलांना दिला सल्ला, सहज पार कराल गरोदरपणाचा 9 महिन्यांचा प्रवास

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.