लैंगिक कार्यात बिघाड झाल्यास पुरुष किंवा स्त्रीला संभोगाचा आनंद घेण्यापासून किंवा इच्छा बाळगण्यापासून प्रतिबंध करते आणि लैंगिक इच्छा कमी होणे, उत्तेजना कमी होणे, संभोगादरम्यान किंवा नंतर होणाऱ्या वेदना. हे सामान्यतः सर्व वयोगटातील लोकांमध्ये दिसून येते.
सुमारे 35% पुरुष आणि स्त्रिया अशा लैंगिक समस्यांनी ग्रासले आहेत. वंध्यत्वाशी लढा देत असलेल्या जोडप्यांमध्ये ही एक सामान्य घटना आहे कारण इन विट्रो फर्टिलायझेशन (IVF) सारख्या उपचारांमुळे मानसिक आणि शारीरिक तणाव येऊ शकतो ज्यामुळे लैंगीक कार्यात बिघाड होतो. तणाव, मधुमेह, संप्रेरक घटक,ठराविक औषधे आणि रक्तवाहिन्यांवर परिणाम करणा-या समस्यांमुळे लैंगिक समस्या आढळून येतात. याबाबत निशा पानसरे, प्रजनन सल्लागार, नोव्हा आयव्हीएफ फर्टिलिटी, पुणे यांनी अधिक माहिती दिली आहे. (फोटो सौजन्य – iStock)
[read_also content=”पुरूषांच्या शुक्राणूत झपाट्याने घट काय आहे कारण https://www.navarashtra.com/lifestyle/rapid-decline-in-mens-sperm-quality-what-are-the-reasons-home-sperm-screening-is-preferred-nrps-386221.html”]
काय आहेत कारणे?
लैंगिक कार्यात बिघाड येण्यामागच्या कारणांमध्ये हृदय व रक्तवाहिन्यासंबंधी रोग, मधुमेह, मूत्रपिंड निकामी होणे, यकृत निकामी होणे, कर्करोग आणि कर्करोगावरील उपचार आणि हार्मोनल असंतुलन कारणीभूत ठरू शकतात. याव्यतिरिक्त, काही औषधांचे दुष्परिणाम असतात जे एखाद्याच्या लैंगिक कार्यावर परिणाम करतात.
शिवाय, तणाव, चिंता, नैराश्य, लैंगिक समाधान न झाल्याची भावना, वैवाहिक किंवा नातेसंबंधातील समस्या आणि शरीरीत समस्या देखील लैंगिक कार्यात बिघाड निर्माण करतात. वंध्यत्वावर उपचार घेत असलेल्या जोडप्यांसाठी ही समस्या लैंगिक संबंधात अडथळे आणु शकते आणि ल्युब्रिक्रेशन कमी करते ज्यामुळे जोडप्यांना तणावाचा सामना करावा लागू शकतो.
लक्षणे कोणती?
लैंगिक ताठरता टिकवण्यास असमर्थ ठरणे किंवा शीघ्रपतन. या समस्यांमुळे शारीरिक संबंधासाठी उत्तेजित होऊनही पेनिसट्रेशनसाठी इरेक्शन न होणे हे दोन्ही पार्टनरला असंतुष्ट करतात तसेच शुक्राणूंना अंड्यापर्यंत पोहोचण्यासाठी आणि गर्भधारणेत अडथळे निर्माण करतात.
स्त्रियांना संभोग करताना योनिमार्गात कोरडेपणा , कामोत्तेजनाचा अभाव, दोघांचीही लैंगिक इच्छा नसणे, वेदनादायक संभोग आणि उत्तेजनासंबंधी समस्या उद्भवू शकतात. कामवासना कमी होणे किंवा संभोग दरम्यान वेदना यांसारख्या परिस्थिती गर्भधारणा अधिक आव्हानात्मक ठरु शकतात. याचे कारण असे की नियमित लैंगिक क्रियांमध्ये व्यस्त राहण्यास असमर्थ असणे तसेच ओव्हुलेशन दरम्यान गर्भाधान होण्याची शक्यता कमी होते.
काय करावे?
अशावेळी विलंब न करता एखाद्याने तज्ज्ञांशी संपर्क साधला पाहिजे. तसंच समुपदेशक किंवा प्रजनन सल्लागारांचा सल्ला घेणे गरजेचे आहे. लैंगिक आरोग्यासंबंधित शारीरिक आणि भावनिक अशा दोन्ही पैलूंचा समावेश असलेला सर्वांगीण दृष्टीकोन अंगिकारणे गरजेचे आहे असेही तज्ज्ञांनी यावेळी सांगितले.
