Winter Recipe : थंडीची मजा द्विगुणित करा, घरी बनवा बहुगुणी आणि आरोग्यासाठी फायदेशीर ठरणारा ‘आवळ्याचा रायता’

Aamla Raita Recipe : आवळ्यात अनेक असे अँटिऑक्सिडंट्स आढळतात जे रोगप्रतिकारक शक्ती वाढवण्यास, पचन सुधारण्यास आणि केसांचे-त्वचेचे आरोग्य निरोगी ठेवण्यास मदत करतात. तुम्ही यापासून चविष्ट असा रायता तयार करू शकता.

• आवळा आपल्या आरोग्यासाठी प्रचंड फायदेशीर ठरतो
• यामुळे शरीराचे आरोग्यचं निरोगी नाही तर केसांचे आणि त्वचेचे आरोग्यही सुधारण्यास मदत होईल
• आवळ्यापासून तुम्ही चविष्ट असा रायता तयार करू शकता जो जेवणाची चव द्विगुणित करेल

आवळ्याचा रायता आपल्या दैनंदिन आहारात चव आणि आरोग्य यांचा सुंदर संगम घडवणारा एक साधा, पण अत्यंत पौष्टिक पदार्थ ठरतो. भारतीय आयुर्वेदात आवळ्याला “अमृतफळ” म्हटले जाते, कारण त्यात व्हिटॅमिन सी अत्यंत मुबलक प्रमाणात असते. शरीराची रोगप्रतिकारक शक्ती वाढवण्यासाठी आणि पचनशक्ती सुधारण्यासाठी आवळा अतिशय उपयुक्त मानला जातो. दही आणि आवळा एकत्र आल्यावर चवीला हलकेसे आंबट-गोड, किंचित तिखट आणि अतिशय ताजेपणा देणारे मिश्रण तयार होते. पारंपरिक मराठी स्वयंपाकात हा रायता जेवणातील जड पदार्थांना संतुलित करून जेवणात चविष्टपणा आणि ताजेपणा आणतो. उन्हाळ्यात थंडावा देणारा, तर हिवाळ्यात प्रतिकारशक्ती वाढवणारा असा हा आवळा रायता सर्व ऋतूंमध्ये खाण्यास उत्तम पर्याय आहे. चला हा रायता कसा तयार करायचा याची एक सोपी रेसिपी जाणून घेऊया.

डब्यात कायम त्याच ठराविक भाज्या खाऊन कंटाळा आला असेल तर झटपट बनवा गवारीचा झणझणीत ठेचा, नोट कर चटकदार रेसिपी

साहित्य

• ताजे आवळे किसून किंवा बारीक चिरून घेतलेले
• दही चांगले फेटलेले
• हिरवी मिरची बारीक चिरलेली
• कोथिंबीर चिरून
• मीठ चवीनुसार
• साखर थोडीशी (ऑप्शनल)
• भाजलेले जिरेपूड
• तडका करण्यासाठी थोडे तेल, मोहरी, जिरे आणि हिंग

Breakfast Recipe: सकाळच्या नाश्त्यासाठी झटपट बनवा हेल्दी पालक मूगडाळीचे आप्पे, दीर्घकाळ पोट राहील भरलेले

कृती

• सर्वप्रथम दही एका वाडग्यात घालून ते गुळगुळीत होईपर्यंत फेटून घ्या. आवळे उकळत्या पाण्यात थोडावेळ ठेवून त्यांची आंबटता कमी करू शकता किंवा थेट किसूनही वापरू शकता.
• फेटलेल्या दह्यात आवळ्याचा कीस मिसळा. त्यात हिरव्या मिरच्या, चिमूटभर मीठ, साखर आणि भाजलेली जिरेपूड घालून हलकेसे एकत्र करा.
• एका छोट्या पळीमध्ये थोडे तेल गरम करा. त्यात मोहरी, जिरे आणि थोडंसं हिंग घाला.
• तडका दिल्यानंतर तो रायत्यावर ओतून नीट मिसळून घ्या.
• शेवटी वरून ताजी कोथिंबीर पसरवून रायता सर्व्ह करण्यासाठी तयार.
• आवळा थोडा जास्त आंबट वाटत असल्यास दह्याचे प्रमाण वाढवता येते.
• तिखटपणासाठी हिरव्या मिरच्यांच्या ऐवजी तुम्ही लाल मिरच्यांचाही वापर करू शकता.
• जेवणासोबत तुम्ही हा रायता खाण्यासाठी सर्व्ह करू शकता.