बद्धकोष्ठतेवर बाबा रामदेवांचा सोपा उपाय (फोटो सौजन्य - iStock)
बद्धकोष्ठता ही एक सामान्य समस्या आहे जी अनेक लोकांना भेडसावते. विशेषतः शहरी लोकसंख्येला याचा सर्वात जास्त त्रास होतो. रोज बाहेरचे खाणे, बदलते राहणीमान, स्वतःच्या आरोग्याची काळजी न घेतल्याने शहरी व्यक्तींना याचा अधिक त्रास होताना दिसतो. बद्धकोष्ठता झाल्यास, पीडित व्यक्तीला शौचास जाण्यास त्रास होतो किंवा मल खूप कठीण आणि कोरडा होतो. ही समस्या कधीकधी काही दिवसांपर्यंत उद्भवू शकते, परंतु जर ती दीर्घकाळ राहिली तर ती गंभीर होऊ शकते, ज्याला क्रोनिक कॉन्स्टिपेशन असे म्हणतात.
बद्धकोष्ठता झाल्यास, तुम्हाला खूप कठीण मल, पोटात जडपणा किंवा गॅस वाटणे, पोट पूर्णपणे स्वच्छ न वाटणे, पोटदुखी किंवा अस्वस्थता यासारखी लक्षणे जाणवू शकतात. जर बद्धकोष्ठतेवर योग्य वेळी उपचार केले नाहीत तर ती दीर्घकालीन बनते आणि नंतर मूळव्याध, फिस्टुला आणि फिशर सारखे गंभीर आजार होऊ शकतात.
बद्धकोष्ठतेवर खात्रीशीर उपाय काय आहे? असा प्रश्न अनेकदा पडतो. योगगुरू बाबा रामदेव यांचा असा विश्वास आहे की असे काही लोक आहेत जे वर्षानुवर्षे बद्धकोष्ठतेवर उपचार घेत आहेत. जर तुम्हाला बद्धकोष्ठतेपासून लवकर आणि कायमचे मुक्त व्हायचे असेल तर तुम्ही नाशपाती अर्थात पेर, पेरू आणि आंबा यासारखी फळे खावीत. चला जाणून घेऊया कोणती फळे खावीत आणि बद्धकोष्ठतेपासून कसे मुक्त व्हावे (फोटो सौजन्य – Instagram/iStock)
बद्धकोष्ठतेसाठी पेर
बद्धकोष्ठतेसाठी पेर ठरेल गुणकारी
बद्धकोष्ठतेपासून मुक्तता मिळवण्यासाठी नाशपाती अर्थात ज्याला इंग्रजीत पेर म्हटले जाते हे सर्वोत्तम फळ आहे. ते खाल्ल्यानंतर अर्धा तास ते एक तासात पोट साफ होते. ते खाल्ल्याने तुम्हाला कोलन थेरपी मिळेल. बाबा रामदेव यांच्या म्हणण्याप्रमाणे, नाशपाती हे बद्धकोष्ठता दूर करण्यासाठी सर्वोत्तम औषध आहे. त्यामुळे तुम्ही नियमित नाश्त्यात या फळाचा समावेश करून घेऊ शकता. रामदेव बाबा म्हणाले की तुम्ही हे फळ चावून खाऊ शकता किंवा त्याचा रस दररोज पिऊ शकता. ते म्हणाले की नाशपाती हे बद्धकोष्ठता दूर करणारे फळ आहे.
पेरूचा उत्तम उपयोग
पेरूचा बद्धकोष्ठतेसाठी वापर करून घ्या
पेरू हा केवळ स्वादिष्टच नाही तर बद्धकोष्ठतासारख्या पोटाच्या समस्यांसाठीदेखील खूप फायदेशीर मानला जातो. पेरूमध्ये फायबर आणि विटामिन सी भरपूर प्रमाणात असते, जे पचनसंस्था निरोगी ठेवण्यास मदत करते. पेरू खाल्ल्याने आतड्यांची हालचाल सुधारते. कच्चा पेरू सौम्य रेचक म्हणून काम करतो आणि बद्धकोष्ठतेपासून आराम मिळतो. तुम्हाला दीर्घकाळापासून बद्धकोष्ठतेचा त्रास असेल तर आपल्या फ्रूट्सच्या सेवनामध्ये पेरूचा समावेश करून घ्यायलाच हवा
रामदेव म्हणाले की, बद्धकोष्ठतेपासून लवकर आराम मिळवण्यासाठी पेरू खाण्याची योग्य पद्धत जाणून घेणे महत्त्वाचे आहे. तुम्ही कच्चा पेरू त्यात थोडे काळे मीठ किंवा सैंधव मीठ घालून खाऊ शकता. अशा प्रकारे तुमची बद्धकोष्ठता लवकर दूर होऊ शकते. तुम्ही पेरूची भाजीदेखील खाऊ शकता.
आंब्याचादेखील फायदा
आंब्याचे सेवन ठरेल फायदेशीर
रामदेव म्हणाले की, आंबा बद्धकोष्ठतेसाठीदेखील खूप चांगले फळ आहे. हे फळ पोट साफ करण्याचे काम देखील करते पण मधुमेहाच्या रुग्णांनी थोडे काळजी घ्यावी. देशी आंबा बद्धकोष्ठतेसाठी सर्वोत्तम काम करतो, फक्त तो मसाल्यांशिवाय असावा. रामदेव म्हणाले की जर तुम्हाला नेहमीच बद्धकोष्ठतेची समस्या असेल तर तुम्ही या ऋतूत ही फळे खावीत. ही फळे खाल्ल्याने तुम्हाला बद्धकोष्ठतेपासून कायमची आराम मिळू शकतो. रामदेव म्हणाले की, असे काही लोक आहेत जे वर्षानुवर्षे बद्धकोष्ठतेवर उपचार घेत आहेत.
Constipation: बद्धकोष्ठता आहे की नाही कसे ओळखाल? डॉक्टरांनी सांगितलेली लक्षणे ओळखाच
रामदेव बाबांचा व्हिडिओ
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.
.png "Videos"){kind=small}
