Constipation: बद्धकोष्ठता आहे की नाही कसे ओळखाल? डॉक्टरांनी सांगितलेली लक्षणे ओळखाच

डॉ. योकेश अरुल यांनी काही सामान्य लक्षणे सांगितली आहेत. या लक्षणांकडे लक्ष देऊन तुम्ही वेळेत बद्धकोष्ठतेची स्थिती सुधारू शकता. बद्धकोष्ठता वेळीच तुम्ही आवाक्यात न आणल्यास अन्य आजारही होऊ शकतात, लक्ष द्या

बद्धकोष्ठता असेल तर कोणती लक्षणं दिसतात (फोटो सौजन्य - iStock)

Follow Us:

Follow Us:

बद्धकोष्ठता ही एक सामान्य पण त्रासदायक समस्या आहे जी कोणत्याही वयात होऊ शकते. विशेषतः अस्वास्थ्यकर जीवनशैली, चुकीच्या खाण्याच्या सवयी आणि शारीरिक हालचालींचा अभाव यामुळे बद्धकोष्ठतेची समस्या वाढत आहे. त्याच वेळी, बद्धकोष्ठतेने ग्रस्त असलेल्या व्यक्तीला केवळ पोटाशी संबंधित समस्यांना तोंड द्यावे लागत नाही, तर या समस्येचा तुमच्या एकूण आरोग्यावरही खूप वाईट परिणाम होतो. 

याशिवाय, जर बद्धकोष्ठतेची वेळीच काळजी घेतली नाही तर कालांतराने ती मूळव्याध निर्माण करू शकते. आता, अनेकांना प्रश्न पडतो की त्यांना बद्धकोष्ठता आहे की नाही हे कसे कळेल? जर तुम्ही देखील या प्रश्नाचे उत्तर शोधत असाल तर हा लेख तुमच्यासाठी उपयुक्त ठरू शकतो. अलिकडेच, प्रसिद्ध इंटरनेट व्यक्तिमत्व आणि डॉक्टर योकेश अरुल यांनी त्यांच्या इंस्टाग्राम हँडलवर एक व्हिडिओ शेअर केला आहे. या व्हिडिओमध्ये त्यांनी काही सामान्य लक्षणे स्पष्ट केली आहेत. या लक्षणांकडे लक्ष देऊन तुम्ही तुमचे आरोग्य समजून घेऊ शकता आणि वेळीच बद्धकोष्ठतेकडे लक्ष देऊन तुमचे आरोग्य सुधारू शकता (फोटो सौजन्य – iStock) 

पोट पूर्णपणे स्वच्छ नसणे

पोट स्वच्छ नसल्यास होतो त्रास

जर तुम्हाला वॉशरूममधून आल्यानंतरही हलके वाटत नसेल किंवा तुम्हाला प्रत्येक वेळी असे वाटत असेल की तुमचे पोट पूर्णपणे स्वच्छ नाही आणि पोटात जडपणा जाणवत असेल, तर हे बद्धकोष्ठतेचे लक्षण असू शकते. जेव्हा बद्धकोष्ठता होते तेव्हा आतड्यांमधून मल पूर्णपणे बाहेर पडू शकत नाही, ज्यामुळे पोट भरलेले वाटते आणि दिवसभर त्रास होत राहतो. असे असल्यास वेळीच डॉक्टरांना दाखवा आणि उपाय करून घ्या 

मल कडक आणि कोरडे असणे

जेव्हा बद्धकोष्ठता होते तेव्हा मल सामान्यपेक्षा जास्त कठीण आणि कोरडा होतो, ज्यामुळे तो बाहेर काढणे कठीण होते. कधीकधी शौचदरम्यान वेदनादेखील जाणवू शकतात. जर तुमच्यासोबत असे होत असेल तर हे बद्धकोष्ठतेचे लक्षण आहे. तुम्हाला मलत्याग करताना जर जोर लावावा लागत असेल तर नक्कीच हे बद्धकोष्ठतेचे लक्षण आहे. 

5 दिवसात बद्धकोष्ठता होईल नष्ट, 6 फळं आतड्यांतून काढतील सडलेला शौच; डॉक्टरांनी सांगितली खाण्याची पद्धत

रोज शौचाला होत नाही 

शौचाला कडक होण्याने त्रास

जर तुम्ही आठवड्यातून तीन वेळापेक्षा कमी वेळा शौच करत असाल, तर हे बद्धकोष्ठतेचे स्पष्ट लक्षण आहे. डॉ. अरुल यांच्या मते, एक निरोगी व्यक्ती सहसा दररोज किंवा प्रत्येक दुसऱ्या दिवशी शौच करते. रोज शौच करणे हे अत्यंत सामान्य आहे आणि असे होत नसेल तर तुम्ही वेळीच लक्ष द्यायला हवे

बराच वेळ शौचालयात बसणे

या सर्वांव्यतिरिक्त, जर तुम्हाला शौच करण्यासाठी खूप वेळ लागत असेल आणि यामुळे तुम्हाला दररोज बाथरूममध्ये अर्ध्या तासापेक्षा जास्त वेळ घालवावा लागत असेल तर ते बद्धकोष्ठतेचे लक्षण देखील असू शकते. तसंच शौचाला गेल्यानंतर तुम्हाला घाम येत असेल वा जोर लावावा लागत असेल तर बद्धकोष्ठता त्रास आहे हे समजून जावे 

Constipation Home Remedies: सकाळी होत नसेल पोट साफ, साध्यासोप्या टिप्स करा फॉलो; मुळापासून उपटून काढेल बद्धकोष्ठता

बद्धकोष्ठतेची समस्या असल्यास काय करावे?

बद्धकोष्ठतेवरील घरगुती उपाय

डॉ. अरुल म्हणतात, जर तुम्हाला ही लक्षणे दिसत असतील तर तुम्ही तुमची जीवनशैली आणि आहार ताबडतोब बदलला पाहिजे. आहारात फायबर आणि प्रथिनांचे प्रमाण वाढवा, शारीरिक हालचाली वाढवा. तथापि, यानंतरही लक्षणे कमी होत नसल्यास, एकदा आरोग्य तज्ज्ञांचा सल्ला नक्कीच घ्या.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.

Web Title: 4 signs shared by doctors what are the main symptoms of constipation

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com