ईडब्ल्युएस, ओबीसी, एसईबीसी वर्गातील मुलींना व्यावसायिक शिक्षणासाठी शंभर टक्के शुल्कमाफी

महाविद्यालयांनी अर्ज प्रक्रियेसाठी विद्यार्थिनींसाठी संगणक, इंटरनेट आणि प्रिंटरसारख्या सुविधा विनामूल्य उपलब्ध करून द्याव्यात.

Pune Educational News: राज्य शासनाच्या ८ जुलै २०२४ रोजीच्या निर्णयानुसार, आर्थिकदृष्ट्या दुर्बल घटक (EWS), सामाजिक व शैक्षणिकदृष्ट्या मागासवर्ग (SEBC) तसेच इतर मागासवर्ग (OBC) या प्रवर्गांतील अशा विद्यार्थिनींना, ज्यांचे वार्षिक कुटुंब उत्पन्न ८ लाख रुपयांपेक्षा कमी आहे, त्यांना व्यावसायिक अभ्यासक्रमासाठी शिक्षण व परीक्षा शुल्कात ५० टक्क्यांऐवजी १०० टक्के सवलत देण्यात येणार आहे. ही सवलत केवळ केंद्रीभूत प्रवेश प्रक्रियेद्वारे (CAP) प्रवेश घेतलेल्या विद्यार्थिनींना लागू असेल.

शिष्यवृत्ती अर्जासाठी खालील कागदपत्रे आवश्यक असतील:

उत्पन्न प्रमाणपत्र
जातीचा दाखला
महाराष्ट्र अधिवास प्रमाणपत्र
आधार क्रमांक संलग्न असलेले बँक खात्याचे तपशील
शिष्यवृत्तीची रक्कम थेट विद्यार्थिनींच्या आधार संलग्नित बँक खात्यात जमा केली जाईल.

निवडणुकीपूर्वीच ठाकरे गटाला मोठा धक्का ! ‘या’ माजी आमदाराने केला अजित पवारांच्या राष्ट्रवादीत प्रवेश

महाविद्यालयांनी अर्ज प्रक्रियेसाठी विद्यार्थिनींसाठी संगणक, इंटरनेट आणि प्रिंटरसारख्या सुविधा विनामूल्य उपलब्ध करून द्याव्यात. तसेच तहसिलदार व बँक अधिकाऱ्यांच्या सहकार्याने शिबिरे आयोजित करून, आवश्यक कागदपत्रांची पूर्तता व आधार संलग्नीकरणाची कार्यवाही महाविद्यालयाच्या ठिकाणीच पार पाडावी.

प्रत्येक अर्जाची अचूक छाननी करून लिपिकांनी तत्काळ कार्यवाही करावी आणि नंतर ती प्राचार्यांच्या अंतिम मंजुरीसाठी सादर करावी. शिष्यवृत्ती योजनेच्या अंमलबजावणीची माहिती व प्रगती अहवाल उच्च शिक्षण विभागाचे सहसंचालक, पुणे विभाग यांच्याकडे सादर करणे बंधनकारक आहे.