Mumbai News : पाण्याची टाकी साफ करताना ५ सफाई कर्मचाऱ्यांचा गुदमरून मृत्यू, मुंबईतील नागपाडात दुर्घटना

मुंबईतील नागपाडा परिसरात मोठी दुर्घटना घडली आहे. पाण्याच्या टाकीची सफाई करताना ५ कामगारांचा गुदमरून मृत्यू झाला आहे. मुंबईतल्या नागपाडा परिसरात ही घटना घडली.

धक्कादायक! पाण्याची टाकी साफ करताना ५ सफाई कर्मचाऱ्यांचा गुदमरून मृत्यू

Follow Us:

Follow Us:

मुंबईतील नागपाडा परिसरात मोठी दुर्घटना घडली आहे. पाण्याच्या टाकीची सफाई करताना ५ कामगारांचा गुदमरून मृत्यू झाला आहे. मुंबईतल्या नागपाडा परिसरात ही घटना घडली. या ठिकाणी एका इमारतीची पाण्याची टाकी साफ करत असताना ५ कामगार बेशुद्ध पडले. त्यांना तात्काळ जे जे रुग्णालयात हलवण्यात आले. डॉक्टरांनी तपासणी करून या पाचही जणांचा मृत्यू झाल्याचे जाहीर केले.

मिळालेल्या माहितीनुसार, मुंबईतल्या नागपाडा परिसरातील बिस्मिल्ला स्पेस बिल्डिंगमध्ये ही घटना घडली. ही बिल्डिंग दिमटिमकर रोडवरील गुड लक मोटर ट्रेनिंग स्कूलजवळ आहे. या बिल्डिंगमधील पाण्याची टाकीच्या सफाईचे काम सुरू होते. पाण्याच्या टाकीची सफाई करण्यासाठी ५ सफाई कामगार आतमध्ये उतरले होते. पण गुदमरल्यामुळे ते आतमध्येच बेशुद्ध पडले.

बांधकाम सुरू असलेल्या इमारतीच्या पाण्याच्या टाकीची साफसफाई करताना आज सकाळी साडेबारा वाजताच्या सुमारास ही घटना घडली. ५ कंत्राटी कामगार पाण्याची टाकी साफ करताना गुदमरल्याची घटना घडली. त्यांना पाण्याच्या टाकीतून बाहेर काढून तात्काळ नजीकच्या जे जे रुग्णालयात उपचारासाठी हलवण्यात आले. पण तोपर्यंत उशिर झाला होता. गुदमरून या कामराचा मृत्यू झाले असल्याचे डॉक्टरांनी सांगितले. या घटनेमुळे खळबळ उडाली आहे.

Web Title: 5 workers die in mumbai nagpada while cleaning water tank marathi news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com