सातारा-ठोसेघर मार्गावर कोसळली दरड; वाहतूक ठप्प

मागील काही दिवसांपासून वळवाच्या पावसाने जोरदार हजेरी लावली आहे. या पावसामुळे आंबोली-गोवा मार्गावर आंबोली धबधब्याजवळ दरड कोसळल्याची घटना घडली. सुदैवाने या दुर्घटनेत कोणतीही जीवितहानी झाली नाही.

सातारा : सातारा-ठोसेघर मार्गावर बोरणे गावानजीक अतिवृष्टीने दरड ढासळली असून, या मार्गावरील वाहतूक रात्री उशिरापासून बंद आहे. रात्री मुक्कामी असलेल्या जांभे चाळकेवाडी-राजापुरी या गाड्या पलीकडेच तर अलीकडच्या एसटी बसेस अलीकडेच अडकल्या. दुधाचे टेम्पोही रस्त्यावरच अडकून पडले आहेत. यामुळे प्रवासी विद्यार्थी तसेच मुंबईला जाणारे लोक गाडीतच अडकले आहेत.

सकाळी दहा वाजेपर्यंत या ठिकाणी कोणतीही यंत्रणा पोहोचली नव्हती. या परिसरात पावसाची संततधार सुरूच आहे. येथील अल्हाददायक निसर्गरम्य वातावरण धबधबे पवनचक्क्यांचे पठार पाहण्यासाठी पर्यटकांची सतत वर्दळ सुरू असते. पडलेली दरड तात्काळ बाजूला सारून वाहतूक व्यवस्था सुरळीत करावी, अशी मागणी या परिसरातील वाहनधारक ग्रामस्थ पर्यटक करत आहेत.

मागील काही दिवसांपासून वळवाच्या पावसाने जोरदार हजेरी लावली आहे. या पावसामुळे आंबोली-गोवा मार्गावर आंबोली धबधब्याजवळ दरड कोसळल्याची घटना घडली. सुदैवाने या दुर्घटनेत कोणतीही जीवितहानी झाली नाही. मात्र, दरड कोसळल्यामुळे या मार्गावर एक रुग्णवाहिका अडकली होती. यावेळी काही प्रवाशांनी प्रसंगावधान राखत रस्त्यावर पडलेले मोठमोठे दगड बाजूला केले आणि रुग्णवाहिकेला पुढे जाण्यासाठी वाट करून दिली.

हवामानात होतोय बदल

गेल्या काही दिवसांपासून वातावरणात कमालीचा बदल जाणवत आहे. त्यातच काही दिवसांपासून होत असलेल्या मुसळधार पावसामुळे जनजीवन विस्कळीत झाले. मे महिना आता संपत आला आहे. त्यानुसार, हवामानातही बदल होताना दिसत आहे. नैऋत्य मोसमी वारे वेगाने पुढे सरकत आहेत. हवामान खात्याने पूर्वी वर्तवलेल्या अंदाजापेक्षाही मान्सून यंदा आणखी लवकर भारतात दाखल झाला आहे. केरळच्या किनारपट्टीवर मोसमी पावसाला सुरुवात होईल, असा अंदाज वर्तवण्यात आला होता. त्यानुसार, पाऊस झाला आहे.