ओबीसी आरक्षणासाठी पंचमसाली समाजाचा अक्कलकोटमध्ये मेळावा; जगद्गुरू बसव मृत्युंजय गुरुजी यांच्या अध्यक्षतेखाली विशेष बैठक

akkalkot Lingayat Panchamsali Community OBC Reservation meeting: अक्कलकोट येथे लिंगायत पंचमसाली समाजाला ओबीसी आरक्षणाचा लाभ मिळावा तसेच समाजाच्या विविध हक्क व मागण्यांसाठी जनजागृती व्हावी, यासाठी २६ सप्टेंबर रोजी विशेष बैठकीचे आयोजन करण्यात आले आहे.

• OBC आरक्षणासाठी पंचमसाली समाज एकवटणार
• अक्कलकोटमध्ये उद्या विशेष मेळावा
• बसव मृत्युंजय गुरुजींच्या अध्यक्षतेखाली बैठक

अक्कलकोट : लिंगायत पंचमसाली समाजाला ओबीसी आरक्षणाचा लाभ मिळावा, तसेच समाजाच्या विविध हक्क व मागण्यांसाठी जनजागृती व्हावी, या उद्देशाने अक्कलकोट येथे शनिवार, २६ सप्टेंबर रोजी समाजबांधवांची विशेष बैठक आयोजित करण्यात आली आहे. जगद्गुरू पूज्य बसव मृत्युंजय गुरुजी यांच्या अध्यक्षतेखाली सायंकाळी ५ वाजता बसस्थानकाजवळील लोकापूरे हॉल येथे ही बैठक होणार आहे. महाराष्ट्रातील पंचमसाली समाजाच्या आरक्षणाच्या मागणीला संघटित स्वरूप देणे, समाजबांधवांमध्ये जनजागृती करणे आणि पुढील दिशा निश्चित करण्याच्या दृष्टीने या बैठकीचे आयोजन करण्यात आले आहे.

Health: ‘औषधांच्या गुणवत्तेशी कोणत्याही प्रकारची…’; आरोग्यमंत्री प्रकाश आबिटकरांनी दिले ‘हे’ स्पष्ट निर्देश

लिंगायत पंचमसाली समाजाचे जगद्गुरू पूज्य बसव मृत्युंजय गुरुजी यांच्या नेतृत्वाखाली समाजाला ओबीसी आरक्षण मिळावे, या मागणीसाठी कर्नाटकात मोठे आंदोलन उभारण्यात आले होते. समाजाच्या मागण्यांकडे सरकारचे लक्ष वेधण्यासाठी विजापूर ते बंगळुरू पदयात्राही काढण्यात आली होती. या आंदोलनाच्या पार्श्वभूमीवर महाराष्ट्रातील पंचमसाली समाजालाही ओबीसी आरक्षणाचा लाभ मिळावा, यासाठी आता समाजबांधवांकडून संघटित प्रयत्न सुरू करण्यात आले आहेत.
महाराष्ट्रातील पंचमसाली समाजाच्या आरक्षणाच्या प्रश्नावर पुढील काळात कोणती भूमिका घ्यावी, शासनाकडे मागण्यांचा पाठपुरावा कशा पद्धतीने करावा, तसेच समाजाच्या हक्कांसाठी कोणते उपक्रम राबवावेत, याबाबत बैठकीत चर्चा होणार आहे.

दरम्यान, जगद्गुरू बसव मृत्युंजय गुरुजी यांनी नुकतीच महाराष्ट्राचे मुख्यमंत्री तसेच उपमुख्यमंत्र्यांची भेट घेऊन पंचमसाली समाजाच्या विविध मागण्यांबाबत चर्चा केल्याचे आयोजकांनी सांगितले. समाजातील मुलाबाळांच्या शिक्षणासाठी, रोजगाराच्या संधींसाठी आणि भविष्यासाठी आरक्षणाचा प्रश्न महत्त्वाचा असल्याचे आयोजकांनी नमूद केले.
समाजाच्या विविध मागण्यांसाठी सर्व समाजबांधवांनी एकजुटीने पुढे येणे आवश्यक असून, अक्कलकोट येथील बैठकीस नागरिकांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.

Gondiya News: जादूटोण्याच्या संशयातून वृद्धाची हत्या; मुंडीपारच्या खुनाचा उलगडा! दोघांसह २ विधिसंघर्षग्रस्त ताब्यात