कर्जत/ संतोष पेरणे : तालुक्यातील कशेळे येथे असलेल्या बँक ऑफ महाराष्ट्र शाखेत स्थानिक ग्राहकांना अरेरावीची भाषा केली जाते. त्याचवेळी ग्राहकांशी चुकीच्या भावनेने बोलणे केले जात असल्याने ग्राहक नाराज झाले आहेत.कर्जत तालुक्यातील कशेळे येथे बँक ऑफ महाराष्ट्र या बँकेची शाखा आहे.या बँकेमध्ये आपल्या खातेदारांवर अरेरावी करण्याचे प्रकार सर्रास घडत आहेत. कशेळे हा ग्रामीण भाग असल्याने आजूबाजूच्या परिसरात आदिवासी समाज मोठ्या प्रमाणावर आहे.या सर्वांचे खाते बँक ऑफ महाराष्ट्र शाखा कशेळे या बँकेमध्ये आहेत. या बँकेमध्ये शाळेतील मुलांपासून ते वृद्धांपर्यंत सर्वांचे या बँकेचे खातेदार आहेत.जास्त संख्येने आदिवासी खातेदार असल्यामुळे आदिवासी या बँकेमध्ये आपला आर्थिक व्यवहार करत असतात.
आदिवासी बहुल भागातील आदिवासी महिला यांना आर्थिक व्यवहार समजत नाही.बँकेचे कर्मचारी यांना माहिती विचारणा केली असता.त्यांनी आम्हाला एवढेच काम आहे का?तुम्हाला आम्ही माहिती द्यायची तर आमची कामे आम्ही कधी करायची?समजत नाही तर आज तुमचे काम होणार नाही उद्या या, अशाप्रकारे व जोराने आवाज चढवत आदिवासी महिला तसेच इतर खातेदार यांच्यावर अरेरावीची भाषा केली जाते.अनेक खातेदार याविषयी तक्रार करत आहेत.या कर्मचाऱ्यांची अरेरावी कधी थांबणार याकडे खातेदारांचे लक्ष लागून राहिले आहे.याविषयी बँकेचे कर्मचारी यांची वरिष्ठांकडून चौकशी होणार का? अशा बेजबाबदार कर्मचाऱ्यांना लगाम लागणार का? असा आक्रमक सवाल ग्राहकांनी उपस्थित केला आहे.
.png "Videos"){kind=small}
