Dhananjay Deshmukh : मोबाईल टॉवरभोवती बंदोबस्त, आंदोलनासाठी धनंजय देशमुख चढले पाण्याच्या टाकीवर

Dhananjay Deshmukh News : दिवंगत संतोष देशमुख यांचे बंधू धनंजय देशमुख यांनी पोलीस तपासावर नाराजी व्यक्त करत आपण मोबाइल टॉवरवर चढून जीव देणार असल्याचा इशारा दिला होता.

Beed Sarpanch Murder Case Marathi: ९ डिसेंबर रोजी बीड जिल्ह्यातील मस्साजोग गावातील सरपंच संतोष देशमुख यांची निर्घृण हत्या करण्यात आल्याची घटना घडली. या घटनेनंतर संपूर्ण राज्यात खळबळ उडाली. त्यानंतर संतोष देशमुख यांच्या हत्येतील आरोपींना अटक करण्यात आली, परंतु एक आरोपी अजूनही फरार आहे. तसेच वाल्मिकी कराड खंडणीच्या गुन्ह्यात पोलिसांना शरण आला असून तोही पोलीस कोठडीत आहे. त दुसरीकडे दिवंगत संतोष देशमुख यांचे बंधू धनंजय देशमुख यांनी पोलीस तपासावर नाराजी व्यक्त करत आपण मोबाइल टॉवरवर चढून जीव देणार असल्याचा इशारा काल दिला होता. त्यामुळे आज मस्साजोगमधील दोन्ही मोबाइल टॉवरभोवती पोलिसांचा प्रचंड बंदोबस्त होता. त्यामुळे धनंजय देशमुख यांनी पोलिसांना चकवा देत गावातील पाण्याची टाकी गाठली आणि त्यावर चढून सध्या देशमुख यांचे आंदोलन सुरू आहे. मागण्या मान्य न झाल्यास टाकीवरून उडी घेण्याचा इशारा धनंजय देशमुख यांनी दिला आहे.

Santosh Deshmukh News: वाल्मीक कराडवर ‘मोक्का’ लागला नाही तर…; ग्रामस्थांचा सरकारला गर्भित इशारा

दरम्यान, संतोष देशमुख हत्या घटनेच्या निषेधार्थ राज्यभरात कडक निषेध मोर्चेही निघत आहेत. तसेच संतोष देशमुख हत्या प्रकरणातील सर्व आरोपींवर आता मकोका लावण्यात आला आहे. मात्र, वाल्मिक कराडचाही या हत्येच्या घटनेत सहभाग असल्याचा आरोप विरोधक करत आहेत. याप्रकरणी आता संतोष देशमुख यांचे भाऊ धनंजय देशमुख यांनी टॉवरवप चढून स्वत:ला संपवून घेण्याचा इशारा दिला आहे. तपास यंत्रणा आम्हाला तपासाबाबत कोणतीही माहिती देत नसून काही आरोपीला वाचवण्याचा प्रयत्न करत आहे का? तसेच खंडणी ते हत्या प्रकरणाचं कनेक्शन असून सर्व आरोपींवर मकोका लावण्यात यावा आणि सर्व आरोपींना 302 मध्ये घ्यावं अशी मागणी धनंजय देशमुख यांनी केली आहे.

प्रमुख मागण्या कोणत्या?

वाल्मिकी कराडावर मकोका लावून सरपंच हत्येप्रकणात त्याला सहआरोपी कराव, मोकट कृष्णा आंधळेला अटक करावी, शासकीय वकील म्हणून अ‍ॅड. उज्ज्वल निकम किंवा सतीश मानशिंदे यांची नियुक्ती करा, एसआयटी पोलिस अधीक्षक पंकज कुमावत यांची नियुक्ती करते, तपासाची सर्व माहिती देशमुख कुटुंबीयांना द्या , पोलीस निरीक्षक प्रशांत महाजन याला बडतर्फ करून सहआरोपी करा, या मागण्याचे निवदेन गावकऱ्यांनी तयार केले आहे.

संतोष देशमुख हत्या प्रकरणाती घटनाक्रम

६ डिसेंबर: मसाजोग पवनचक्की येथे संतोष देशमुख यांचा वाद
९ डिसेंबर: सरपंच संतोष देशमुख यांची हत्या.
१० डिसेंबर: बीडमध्ये रस्ता रोको आंदोलन.
११ डिसेंबर: आरोपी प्रतीक घुले गुन्हे शाखेच्या ताब्यात.
१३ डिसेंबर: प्रकरणाचा तपास सीआयडीकडे सोपवण्यात आला.
१८ डिसेंबर: आरोपी विष्णू चाटेला अटक.
१९ डिसेंबर: हत्येची पद्धत उघडकीस आली, संतोष देशमुख यांना निर्घृण मारहाण करण्यात आली.
२१ डिसेंबर: पोलिस अधीक्षक अविनाश बर्गल यांची बदली, नवनीत कांत नवीन पोलिस अधीक्षक बनले.
२४ डिसेंबर: सीआयडीने या प्रकरणाचा सखोल तपास सुरू केला.
२८ डिसेंबर: जिल्हाधिकारी कार्यालयासमोर सर्वपक्षीय निदर्शने.
३ जानेवारी: आणखी दोन आरोपींना अटक.
६ जानेवारी: शरद पवार यांनी मुख्यमंत्र्यांना पत्र लिहिले.
७ जानेवारी: देशमुख कुटुंब मुख्यमंत्र्यांना भेटले.

Mcoca Act: मकोका कायदा म्हणजे काय? संतोष देशमुख प्रकरणात आरोपींवर हा गुन्हा दाखल करण्याची का होते मागणी?

See more