Bheema Patas, Shetkari Sanghatana, Raghunathdada Patil, Daund News,
गेल्या दोन दिवसांपासून साखर पोती भरण्यासाठी आलेली वाहने कारखाना स्थळावर आणि लगतच्या रस्त्यावर जागेवरच उभी असल्याचे चित्र पाहायला मिळत आहे.
शेतकरी संघटनेचे नेते शिवाजीराव नांदखिले यांच्या नेतृत्वाखाली कार्यकर्त्यांनी मंगळवार, दिनांक १३ रोजी दौंड तालुक्यातील पाटस येथील भीमा सहकारी साखर कारखान्याच्या मुख्य प्रवेशद्वारावर ठिय्या आंदोलन सुरू केले. यावेळी कारखान्यातून साखर घेऊन बाहेर पडणाऱ्या वाहनांना अडवून चालकांना गुलाबपुष्प देण्यात आले आणि शेतकऱ्यांच्या हक्कासाठी वाहतूक बंद ठेवण्याची गांधीगिरी मार्गाने विनंती करण्यात आली. या आवाहनाला प्रतिसाद देत वाहनचालकांनी वाहतूक थांबवल्याने कारखान्याच्या आवारात वाहने जागच्या जागी थांबून राहिली आहेत.
एकीकडे राज्य शासन आणि साखर कारखानदारांनी १५ ऑक्टोबरपासून गाळप हंगाम सुरू करण्याची तयारी दर्शविली आहे; तर दुसरीकडे शेतकऱ्यांच्या मूलभूत मागण्या मान्य झाल्याशिवाय ऊस गाळप आणि साखरेची वाहतूक सुरू होऊ देणार नाही, असा स्पष्ट इशारा संघटनेने दिला आहे. शेतकऱ्यांच्या उसाला ७,५०० रुपये दर मिळालाच पाहिजे, साखर ७० ते ८० रुपये किलोने विकली जावी आणि जर कारखानदारांना हा दर देणे शक्य नसेल तर दोन कारखान्यांमधील २५ किलोमीटर अंतराची अट रद्द करून शेतकऱ्यांना हवा तिथे ऊस घालण्याचे स्वातंत्र्य द्यावे, अशी ठाम भूमिका संघटनेने मांडली आहे. या मागण्यांकडे दुर्लक्ष झाल्यास एकाही कारखान्यातून साखरेचे पोते बाहेर पडू दिले जाणार नाही, असा इशारा नांदखिले यांनी दिला होता.
बालकांच्या कुपोषणाचे अचूक मोजमाप होणार; कुपोषणाचे प्रमाण समजून उपाययोजना होणार सोपी
या आंदोलनाचा परिणाम म्हणून दौंडसह पुणे जिल्ह्यातील साखर कारखान्यांच्या गोदामांतून साखर बाहेर पडणे बंद झाले आहे. भीमा पाटस सहकारी साखर कारखाना सध्या भाडेतत्त्वावर चालविणाऱ्या निराणी शुगर्स लि. येथूनही साखरेची वाहतूक पूर्णपणे ठप्प झाली आहे. कारखान्याचा परिसर आणि अष्टविनायक महामार्गालगत साखर वाहतूक करणाऱ्या अवजड वाहनांच्या लांबच लांब रांगा लागल्या आहेत.
.png "Videos"){kind=small}
