सत्यजित तांबे यांच्या समर्थकांकडून जल्लाेष

Follow Us:

Follow Us:

नाशिक : नाशिक पदवीधर निवडणुकीची मतमोजणीला सुरवात झाली आहे. पहिल्यां फेरीत नाशिक पदवीधर मतदार संघाच्या मतमोजणीच्या पहिल्या फेरीत सत्यजित तांबे यांनी आघाडी घेतल्याचे चित्र आहे. आघाडीवर असल्याचे कळताचनाशिक पदवीधर मतदार संघाच्या मतमोजणीच्या पहिल्या फेरीत सत्यजित तांबे यांची आघाडी घेतल्याचे चित्र आहे. दरम्यान तांबे यांना आघाडी असल्याचे कळताच मतदान केंद्र बाहेर तांबेंच्या कार्यकर्त्यांकडून जल्लोष करण्यात येत आहे. तसेच सत्यजित तांबे यांच्या समर्थनात युवा कार्यकर्त्यांची जोरदार घोषणाबाजी सुरु आहे. घोषणाबाजीनंतर पोलिसांनी कार्यकर्त्यांना मतमोजणी प्रवेशद्वारापासून दोनशे ते अडीचशे मीटर दूर पिटाळून लावले.
नाशिक पदवीधर मतदार संघाची निवडणूक जाहीर झाल्यापासून चांगलीच चर्चेत आली होती. ऐनवेळी तांबे यांनी उमेदवारी अर्ज अपक्ष भरला. त्यामुळे शुभांगी पाटील यांना ठाकरे गटाने पाठिंबा दिला होता. पदवीधरसाठी 49.28 टक्के मतदान झाले. काल सकाळी आठ वाजेपासून मतमोजणीला प्रारंभ झाला. एकूण 28 टेबल मांडण्यात आले असून, दुपारपर्यंत मतपत्रिकांचे गठ्ठे करण्यात आल्यानंतर दुपारनंतर मतमोजणीला प्रारंभ झाला आहे. एका टेबलावर प्रतिनिधींची संख्या जास्त असल्याने गोंधळ निर्माण झाला होता. यावेळी पोलिसांना पाचारण करण्यात येऊन या प्रतिनिधींना बाहेर काढल्यानंतर आता मतमोजणी सुरळीत सुरू झाली आहे.

Web Title: Celebration from supporters of satyajit tambe nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com