सौजन्य फोटो - सोशल मिडीया
मिळालेल्या माहितीनुसार, शिर्डीच्या दर्शनासाठी निघालेले शहापूर परिसरातील काही साई भक्त इगतपुरी येथील ‘साई निवारा’ येथे मुक्कामाला थांबले होते. दिवसभराचा प्रवास आणि जेवण आटपून हे सर्वजण रात्री निवाऱ्यात शांतपणे विश्रांती घेत होते. मात्र, मध्यरात्रीच्या सुमारास अचानक झालेल्या या दुर्घटनेत निवाऱ्याच्या स्लॅबचे गर्डर आणि लोखंडी-सिमेंटच्या फरशा थेट खाली झोपलेल्या भाविकांच्या अंगावर कोसळल्या. या अचानक घडलेल्या या प्रकारामुळे परिसरात एकच तारांबळ उडाली. स्लॅब कोसळण्याच्या मोठ्या आवाजामुळे सर्वत्र भीतीचे वातावरण पसरले.
या दुर्दैवी अपघातात १५ ते १७ साई भक्त गंभीर जखमी झाल्याची प्राथमिक माहिती समोर आली आहे. घटना समजताच स्थानिक नगरसेवक राज जावरे, पोलीस यंत्रणा आणि महामार्ग टोल नाक्याच्या कर्मचाऱ्यांनी तात्काळ घटनास्थळी धाव घेतली. मदतीसाठी पुढे येत या सर्वांनी मिळून सर्व जखमी साई भक्तांना तातडीने इगतपुरी येथील ग्रामीण रुग्णालयात उपचारासाठी दाखल केले. सध्या जखमींवर वैद्यकीय उपचार सुरू असून काहींची प्रकृती चिंताजनक असल्याचे सांगण्यात येत आहे. या दुर्घटनेमुळे विश्रांतीसाठी थांबलेल्या भाविकांच्या सुरक्षेचा प्रश्न पुन्हा एकदा ऐरणीवर आला आहे. याप्रकरणी प्रशासनाकडून अधिक तपास सुरू आहे.
Ans: ही दुर्घटना नाशिक जिल्ह्यातील इगतपुरी येथील 'साई निवारा' येथे घडली आहे.
Ans: जखमी साई भक्त शहापूर परिसरातील रहिवासी असून ते शिर्डीच्या दर्शनासाठी निघाले होते आणि तिथे मुक्कामाला थांबले होते.
Ans: या दुर्घटनेत १५ ते १७ साई भक्त गंभीर जखमी झाले आहेत आणि त्यांच्यावर इगतपुरी ग्रामीण रुग्णालयात उपचार सुरू आहेत.






