Chandrapur News: ग्रामपंचायत निवडणुकीपूर्वी चिमूरमध्ये मोठी घडामोड! सरपंचपदाचे आरक्षण जाहीर, कुणाला धक्का तर कुणाला संधी?

चिमूर तालुक्यातील ग्रामपंचायतींच्या सरपंचपदाचे आरक्षण निश्चित करण्यात आले आहे. इच्छुकांकडून आपल्या गटातील योग्य उमेदवाराचा शोध सुरू झाला असून, काही ठिकाणी आतापासूनच मोर्चेबांधणीला सुरुवात झाली आहे.

• सन २०२५ ते २०३० या कालावधीसाठी चिमूर तालुक्यातील ग्रामपंचायतींच्या सरपंचपदाचे आरक्षण निश्चित करण्यात आले आहे.
• आरक्षणामुळे काही गावांतील विद्यमान राजकीय समीकरणांना धक्का बसण्याची शक्यता असून, पर्यायी उमेदवारांचा शोध सुरू झाला आहे.
• महिला, अनुसूचित जाती आणि अनुसूचित जमातीसाठी आरक्षण जाहीर झाल्याने आगामी निवडणुकीत नव्या नेतृत्वाला संधी मिळण्याची शक्यता आहे.

चिमूर: चिमूर तालुक्यातील आगामी ग्रामपंचायत निवडणुकांच्या पार्श्वभूमीवर सरपंचपदाच्या आरक्षणाची सोडत शुक्रवारी तहसील कार्यालयात पार पडली. आरक्षण जाहीर होताच अनेक गावातील इच्छुकांच्या अपेक्षांना नवे वळण मिळाले असून, काही ठिकाणी विद्यमान राजकीय समीकरणांना धक्का बसण्याची शक्यता निर्माण झाली आहे. तर काही गावांमध्ये नव्या नेतृत्वासाठी संधीचे दार खुले झाले आहे.

Raigad News: स्मार्ट मीटरच्या नावाखाली ग्राहकांवर आर्थिक बोजा? शेकापचा सरकार-महावितरणवर हल्लाबोल, ऑक्टोबरमध्ये आंदोलनाचा इशारा

सन २०२५ ते २०३० या कालावधीसाठी सरपंचपदाचे आरक्षण निश्चित करण्यात आले. आरक्षण सोडतीनंतर गावागावांत संभाव्य उमेदवारांच्या हालचाली वाढल्या असून, स्थानिक पातळीवर बैठका, गटबाजी आणि राजकीय चर्चाना वेग आला आहे. इच्छुकांकडून आपल्या गटातील योग्य उमेदवाराचा शोध सुरू झाला असून, काही ठिकाणी आतापासूनच मोर्चेबांधणीला सुरुवात झाली आहे.  (फोटो सौजन्य – AI Created) 

आरक्षणामुळे राजकीय समीकरणे बदलण्याची शक्यता

जांभुळघाट, पांजरेपार, खडसंगी, केवाडा, मोकासा, अमरपुरी, लावारी मरार, हिरापूर, चिचोली, चक जांभूळविहीरा, पारडपार, महालगाव काळू, वाघेडा, आमडी, बोडधा, साठगाव आदी ग्रामपंचायतींमध्ये आरक्षणामुळे स्थानिक राजकीय समीकरणांना नवे वळण मिळण्याची शक्यता आहे.

इच्छुकांची रणनीती बदलणार

सरपंचपदाचे आरक्षण जाहीर झाल्याने अनेक गावातील इच्छुकांना आता आपली राजकीय रणनीती नव्याने आखावी लागणार आहे. ज्या गटातील संभाव्य उमेदवाराला आरक्षणाचा फटका बसला आहे, त्या ठिकाणी पर्यायी उमेदवाराचा शोध सुरू झाला आहे. दुसरीकडे महिला आरक्षण लागू झालेल्या ग्रामपंचायतींमध्ये इच्छुक महिलांच्या हालचालींना वेग येण्याची शक्यता आहे. आगामी ग्रामपंचायत निवडणुकीत सरपंचपदाचे आरक्षण हा महत्त्वाचा घटक ठरणार असून, कोणत्या गावात कोणत्या राजकीय गटाला फायदा होतो आणि कोणाला धक्का बसतो, याकडे आता संपूर्ण तालुक्याचे लक्ष लागले आहे. आरक्षणानंतर बदललेल्या समीकरणांचा परिणाम निवडणुकीच्या निकालावर कितपत होतो, हे पाहणे औत्सुक्याचे ठरणार आहे.

सर्वसाधारण प्रवर्गात २७ ग्रामपंचायती

सर्वसाधारण प्रवर्ग : कोलारा, आंबोली, नवतळा, कपर्ला खुर्द, बोथली, सिरसपूर आदी ग्रामपंचायती सर्वसाधारण प्रवर्गात आल्या आहेत.

सर्वसाधारण महिला : चिचाळा शास्त्री, कन्हाळगाव, शंकरपूर, पळसगाव, सिरसपूर, किंटाळी मक्ता, म्हसली, मासळ, हिवरा, कोलारी, पिंपळगाव, मेटेपार, गडपिपरी, पिपर्डा, शिवरा, आंबेनेरी, बोरगाव खुर्द, येरखेडा, नंदारा, सावरगाव व वाकर्ता आदी ग्रामपंचायती सर्वसाधारण महिला प्रवर्गासाठी राखीव झाल्या आहेत.

Bail Pola Festival: चारा-पाण्याची टंचाई अन् खिशाला महागाईचा फटका; अहिल्यानगरमध्ये बैलपोळ्याचा बाजार थंडावला

आरक्षणाचा फटका कुणाला, संधी कुणाला?

• अनुसूचित जाती: मदनापूर गोंदेडा, टेकेपार (तू.), केसलापूर, डोमा, शिवापूर बंदर, चिचाळा कुणबी, चक जाटेपार.
• अनुसूचित जाती महिला विहिरगाव, मुरपार, वहाणगाद, रेंगाबोडी, नवीन नवेगाव, गदगाव, कवडशी डाक, लोहारा.
• अनुसूचित जमाती: पुयारदंड, खांबाडा, खुटाळा, जामगाव को., सिरसपूर, कोटगाव.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)