मृत एसटी कर्मचारी महेश लोलेंच्या शरिरावर कोणत्याही जखमा नाहीत; पोलिसांना पोस्टमॉर्टम रिपोर्टची प्रतिक्षा

दादर पोलीस ठाण्यात लोले यांच्या मृत्यूची आकस्मित मृत्यू म्हणून नोंद करण्यात आली आहे. महेश लोले चार दिवसांपूर्वीच मुंबईत आले होते अशी माहिती प्राथमिक चौकशीत समोर आली आहे. त्यांच्या सहकार्याने दिलेल्या माहितीनुसार ते काल आझाद मैदान किंवा आंदोलन स्थळी गेले नव्हते. त्यांच्या मृतदेहावर कोणत्याही पद्धतीच्या जखमा आढळून आल्या नाहीत.

शुक्रवारी एसटी कर्मचाऱ्यांनी राष्ट्रवादी काँग्रेसचे नेते शरद पवार यांचे निवासस्थान असलेल्या सिल्व्हर ओक येथे अचानक आंदोलन करत हल्ला केला. या घटनेचे पडसाद आता राज्यभर उमटत आहेत. काल रात्री वकील गुणरत्न सदावर्ते यांना पोलिसांनी अटक केली आहे. दरम्यान, कालच्या आंदोलनातील महेश लोले या एसटी कर्मचाऱ्याचा मृत्यू झाल्याचे समोर आले आहे. हा कोल्हापूर जिल्ह्यातील कागल आगारातील कर्मचारी असल्य़ाचे बोलले जात आहे. कालपासून महेश लोले यांच्यावर उपचार सुरु होते, आणि आज सकाळी त्यांचा मृत्यू झाल्याचे समोर आले आहे.

एसटी कर्मचारी महेश लोले कोण होते

दादर पोलीस ठाण्यात लोले यांच्या मृत्यूची आकस्मित मृत्यू म्हणून नोंद करण्यात आली आहे. महेश लोले चार दिवसांपूर्वीच मुंबईत आले होते अशी माहिती प्राथमिक चौकशीत समोर आली आहे. त्यांच्या सहकार्याने दिलेल्या माहितीनुसार ते काल आझाद मैदान किंवा आंदोलन स्थळी गेले नव्हते. त्यांच्या मृतदेहावर कोणत्याही पद्धतीच्या जखमा आढळून आल्या नाहीत. महेश लोले यांना दारूचे व्यसन होतं त्यांनी नशामुक्त केंद्रात काही कालावधी घालवला असल्याची माहिती समोर येत आहे. लोले यांच्या कुटुंबियांना कळवण्यात आले असून कुटुंबीय मुंबईत येत आहे. कुटुंबियांच्या समोर लोले यांच्या मृतदेहावर शवविच्छेदन होण्याची शक्यता वर्तवली जात आहे. सध्यातरी त्यांच्या मृत्यूचं कोणतंही संशयास्पद कारण आढळून येत नाहीये तरी पोलिसांना शविच्छेदन अहवालाची प्रतिक्षा आहे.

घडलेल्या या ह्ल्ल्यामागे सूत्रधार कोण याचा सुद्धा पोलीस शोध घेत आहेत. दरम्य़ान ज्या आझाद मैदानावर एसटी कर्मचारी आंदोलन करत होते. त्या आझाद मैदान बाहेर काढले असून, या सर्व कर्मचाऱ्यांनी सीएसएमटी रेल्वे स्थानकात ठिय्या मांडला आहे.

एसटी कर्मचाऱ्यांनी अचानक शरद पवार यांच्या घरी हल्ला करत, आंदोलन केले. या आंदोलनात शेकडो आंदोलक सहभागी होते. यावेळी आंदोलक आणि पोलिसांत बाचाबाची झाली तसेच पोलिसांनी आंदोलनकांना पागविण्यासाठी लाठीचार्ज केला होता. याच आंदोलनातील महेश लोले या एसटी कर्मचाऱ्याचा मृत्यू झाल्याचे समोर आलं आहे. हा कोल्हापूर जिल्ह्यातील कागल आगारातील कर्मचारी असल्य़ाचे बोलले जात आहे.

दोन दिवसांपूर्वी न्यायालयाने निर्णय दिल्यानंतर एसटी कर्मचाऱ्यांनी आंनद व्यक्त करत गुलाल उधळला होता. पेढे वाटले होते. त्यानंतर आम्हाला न्यायालयाचा निर्णय मान्य असल्याचे एसटी कर्मचाऱ्यांनी म्हटले होते. मग त्यानंतर अचानक आंदोलन आणि हल्ला का? असा सवाल उपस्थित केला जात आहे. या आंदोलनामागे कोण सूत्रधार आहे याचा पोलीस शोध घेत आहेत. आंदोलकांना कोणी भडकावले, कोणी चिथावणीखोर वक्तव्य केले याचा शोध सुरु आहे.