यवतमाळमधील महिला गटांना ई–रिक्षाचे वितरण! जिल्ह्यात 1000 महिलांसाठी गारमेंट क्लस्टर उभारले जाणार

यवतमाळ येथील नेर तालुक्यातील 36 महिला बचत गटांना तेजस्विनी कृषि माल वाहतूक ई-रिक्षाचे वाटप यवतमाळचे पालकमंत्री संजय राठोड यांच्या हस्ते करण्यात आले. महिला गटांच्या माध्यमातून महिलांचा उत्कर्ष साधण्याचा प्रयत्न केला जात असतो. याच प्रयत्नाचा भाग म्हणून महिलांना ई रिक्षा वाटप करण्यात आले आहे.

प्रधानमंत्री खनिकर्म योजनेंतर्गत लोक संचालित साधन केंद्र नेरच्यावतीने नेर तालुक्यातील 36 महिला बचत गटांना तेजस्विनी कृषि माल वाहतूक ई-रिक्षाचे वाटप यवतमाळचे पालकमंत्री संजय राठोड यांच्या हस्ते करण्यात आले. त्यावेळी बोलताना पालकमंत्री संजय राठोड यांनी सांगितले की, माविमच्या महिला गटांना आपण तेजस्विनी कृषि माल वाहतूक ई-रिक्षाचे वाटप करतो आहे. या रिक्षामुळे महिलांच्या विविध उद्योग व्यवसायाला चालना मिळेल आणि त्यांच्या आर्थिक बळकटीकरणाला मदत होईल. स्वागत मंगल कार्यालय, नेर येथे हा कार्यक्रम आयोजित केला गेला होता.

महिलांसाठी राज्य शासनाच्या महिला आर्थिक विकास महामंडळाच्यावतीने अनेक उपक्रम हाती घेतले जातात. ज्यातून महिलांच्या विकासामध्ये महत्वाचे योगदान दिले जाते. महिला गटांच्या माध्यमातून महिलांचा उत्कर्ष साधण्याचा प्रयत्न केला जात असतो. याच प्रयत्नाचा भाग म्हणून महिलांना ई रिक्षा वाटप करण्यात आले आहे. ज्यामुळे उद्योगाला चालना मिळणार आहे.

हे देखील वाचा- नगरच्या राजकारणात आरंभ नव्या पर्वाचा, विधानसभेच्या इच्छुकांमध्ये प्रचंड अस्वस्थता

या कार्यक्रमास नेहरू महाविद्यालयाचे संस्थापक परमानंद अग्रवाल, नेर कृषी उत्पन्न बाजार समितीचे सभापती मनोज नाल्हे, जिल्हा मध्यवर्ती सहकारी बॅंकेचे संचालक स्नेहल भाकरे, महिला आर्थिक विकास महामंडळाचे वरिष्ठ जिल्हा समन्वय अधिकारी डॅा.रंजन वानखडे, माजी नगर परिषद सभापती भाऊराव ढवळे, सामाजिक कार्यकर्ते नामदेवराव खोब्रागडे आदी उपस्थित होते.

बँक कर्जाचे चेक वितरण आणि उत्कृष्ट काम करणाऱ्या तालुक्याच्या स्टाफला प्रमाणपत्र

महिला आर्थिक विकास महामंडळाच्यावतीने लोक संचालित साधन केंद्र नेरच्यावतीने प्रधानमंत्री खनिकर्म योजना अंतर्गत सदर ई-रिक्षाचे वितरण करण्यात आले. नेर तालुक्यातील माविमच्या 36 महिला बचत गटास सदर ई-रिक्षाचे वाटप  करण्यात आले. यावेळी लोक संचालित साधन केंद्र, नेरच्या महिला बचत गटाला बँक कर्जाचे चेक वितरण  आणि उत्कृष्ट काम करणाऱ्या तालुक्याच्या स्टाफला प्रमाणपत्र देऊन पालकमंत्री श्री.राठोड यांच्याहस्ते गौरविण्यात आले.

हे देखील वाचा- Video: थेट मुख्यमंत्रीच जाणार ‘लाडक्या बहिणीं’च्या घरी; शिवसेनेकडून केला जाणार राज्यभर प्रचार

जिल्ह्यात माविमच्या महिला बचत गटांना तब्बल ५०० ई-रिक्षा वितरित करण्यात येतील तसेच नेर तालुक्यातील वटफळी गावाजवळ महिला बचत गटातील एक हजार महिलांकरिता गारमेंट क्लस्टर उभारणी करण्यात येणार असल्याचे यावेळी मंत्री संजय राठोड यांनी सांगितले. ई-रिक्षाद्वारे महिलांच्या विविध उद्योग व्यवसायाला चालना मिळेल आणि महिलांना आर्थिक बळकटीकरणला मदत होईल, असेही राठोड म्हणाले.