पुणे : पुणे पोलिसांच्या गुन्हे शाखेने उघडकीस आणलेल्या देशातील सर्वात मोठ्या ड्रग्जप्रकरणाची सक्तवसुली अंमलबजावणी संचालनालयाने (ईडी) माहिती मागवली आहे. पुणे पोलिसांना तसे पत्र पाठवण्यात आले असून, गुन्ह्याची व यात समावेश असलेल्या आरोपींची आणि त्यांच्या मालमत्तेची पूर्ण माहितीही द्यावी असे म्हंटले आहे. दरम्यान, पुणे पोलिसांनी संबंधित माहिती देण्यात येत असल्याचे वरिष्ठ अधिकाऱ्यांनी सांगितले.
ड्रग्ज प्रकरणी अकरा जणांना अटक
पुण्याच्या सोमवार पेठ भागातून उघडकीस आलेल्या ड्रग्ज प्रकरणात पोलिसांनी वैभव उर्फ पिंट्या माने (वय ४०), अजय करोसिया (३५), हैदर नूर शेख (४०), भीमाजी परशुराम साबळे (वय ४६), केमिकल इंजिनिअर युवराज बब्रुवान भुजबळ (वय ४१), आयुब अकबरशहा मकानदार (वय ४८), दिल्लीतून संदिप राजपाल कुमार (वय ३९), दिवेष चरणजित भुथानी (वय ३८), संदिप हनुमानसिंग यादव (३२) व देवेंद्र रामफुल यादव (वय ३२) व पश्चिम बंगालमधन सुनिल विरेंद्रनाथ बर्मन (वय ४२) अशा अकरा जणांना अटक केली. तर, मास्टर माईंड संदिप धुणे याच्यासह ६ जण फरार आहेत.
हवालामार्फत पैश्यांची देवाण-घेवाण
पुणे पोलिसांनी १९ फेब्रुवारी २०२४ रोजी सोमवार पेठेत कारवाई केली आणि १७६० किलो मेफेड्रोन पकडले. या कारवाईत आतापर्यंत ११ जणांना अटक केली. गुन्ह्याचा तपास मोठा असून, त्याचे कनेक्शन राज्यासह इतर देश आणि परदेशात देखील निघाले आहेत. त्यामुळे गुन्ह्याची व्याप्ती आणि गुन्हा संवेदनशील आहे.तर गुन्ह्यात हवाला मार्फत पैश्यांची देवाण-घेवाण झाल्याचे समोर आले.
एनसीबीकडूनदेखील या गुन्ह्याची माहिती
गुन्हा मोठा असल्याने तात्काळ यापूर्वी केंद्रीय तपास यंत्रणेमधील एटीएस, एनआयए, एनसीबीकडून देखील या गुन्ह्याची माहिती घेतली होती. त्यानंतर आता ईडीने देखील गुन्ह्याची थोडक्यात माहिती मागवत यातील सर्व आरोपींबाबत माहिती व त्यांच्या मालमत्तेबाबत माहिती मागवली आहे. त्यानुसार पोलिसांनी संबंधित आरोपींच्या मालमत्तेबाबत माहिती गोळा करण्यास सुरुवात केली आहे.
साबळे याच्या नावावर संबंधित कंपनी
दरम्यान हैदर शेख, वैभव माने, ड्रग्जच्या कारखाना मालक भिमाजी साबळे आणि केमिकल इंजिनिअर यांची काही माहिती आली आहे. त्यात साबळे याच्या नावावर संबंधित कंपनी आणि पिंपळे सौदागर येथील घर आहे. तर भुजबळ याचे मुंबईत एक घर आहे. इतर माहिती येत असल्याचे माहिती सांगण्यात आले आहे.
Web Title: Ed seeks information on drug case information about accused and property was sought nryb
.png "Videos"){kind=small}
