अलिबाग: कोळीवाडा येथील मच्छीमार रणजित खमिस याच्या मालकीची समुद्रात मच्छीमारीसाठी गेलेली बोट गुरुवारी पहाटे चार वाजण्याच्या सुमारास बुडाल्याची घटना घडली आहे. या बोटीवर चार खलाशी होते. यापैकी एक जण बेपत्ता असून तीन जण सुखरूप आहेत. जब्बार निषाद असे बेपत्ता असलेल्या व्यक्तीचे नाव आहे. त्याचा शोध घेतला जात आहे. या दुर्घटनेत बोट समुद्राच्या तळाला गेली असल्याने बोट मालकाचे लाखो रुपयांचे नुकसान झाले आहे. आशिष निषाद, राहुल निषाद आणि विशाल अशी वाचलेल्या खलाश्यांची नावे आहेत.
[read_also content=”राष्ट्रगीत अवमान प्रकरणी ममता बॅनर्जींना न्यायालयाचा दिलासा, ‘हा’ निर्णय सत्र न्यायालयाकडून रद्द https://www.navarashtra.com/maharashtra/relief-to-mamata-banerjee-in-national-anthem-insult-case-nrsr-361252.html”]
रणजित खमिस याच्या चार मच्छिमार बोटी आहेत. यापैकी अन्नपूर्णा लक्ष्मी बोट बुधवारी सकाळी दहा वाजता दोन दिवसासाठी मच्छीमारीसाठी अलिबाग काेळीवाडा येथून निघाली होती. आशिष निषाद (तांडेल) राहुल निषाद,जब्बार निषाद आणि अजून एक जण असे चारजण बोटीत होते. तर त्याच्यासोबत अन्य मच्छीमार बोटीही मच्छीमारीसाठी गेल्या होत्या. अलिबागवरून कुलाबा किल्याच्या पुढे कोर्लई भागात मच्छिमारांची मच्छीमारी सुरू होती. पहाटे चार वाजण्याच्या सुमारास अचानक बोटीत पाणी घुसल्याने बोट बुडू लागली.
बोट बुडत असल्याचे पाहून तांडेल आणि खलाशी घाबरले आणि त्यांनी समुद्रात उड्या मारल्या. त्याचवेळी त्याच्यासोबत असलेल्या अन्य बोटीमधील खलाशी यांनी आपल्याजवळील जीवसुरक्षा साहित्य टाकल्याने आशिष निषाद (तांडेल) राहुल निषाद आणि विशाल अन्य एका खलाश्याला वाचविण्यात यश आले. तर जब्बार निषाद यालाही वाचविण्याचा प्रयत्न सुरू होता. मात्र काळोख आणि पडलेले धुके यामुळे शोध कार्यात अडचण आली. त्यानंतर सूर्योदय झाल्यानंतरही स्थानिक मच्छीमारांनी जब्बार याला शोधण्याचा प्रयत्न केला मात्र शोध लागलेला नाही आहे.
बोट दुर्घटनेबाबत अलिबाग मच्छीमार सोसायटी पदाधिकारी यांच्यासह मालक रणजित खमीस यांनी अलिबाग पोलीस ठाण्यात जाऊन तक्रार नोंदविली. अलिबाग पोलिसांनी बेपत्ता म्हणून नोंद केली आहे.
.png "Videos"){kind=small}
