samruddhi highway accident
नागपूर: समृद्धी महामार्गावर सिंदखेडराजाजवळ विदर्भ ट्रॅव्हल्सच्या (Vidarbha Travels) अपघातात 25 प्रवाशांचा बळी गेला. (Samruddhi Highway Accident) या घटनेचा मुंबईच्या फाॅरेन्सिक फायर ॲण्ड सायबर इन्वेस्टीगेटर्स या खासगी संस्थेने तपास केला. तपासानंतरचा अहवाल त्यांनी बुलढाण्याच्या जिल्हाधिकाऱ्यांना दिला आहे. त्यात आगीचं खरं कारण समोर आलं आहे. (Forensic Report)
बसमध्ये होते 350 लिटर डिझेल
अहवालानुसार, अपघात झाला तेव्हा बसमध्ये 350 लिटर डिझेल होते. अपघात रात्री 1.32 वाजताच्या जवळपास झाला. अपघातग्रस्त बस साडेअकराच्या सुमारास समृद्धी महामार्गावर आली. अपघाताच्या वेळेला बसचा वेग ताशी 70 ते 80 किलोमीटर होता. अपघात झाला तेव्हा बस समृद्धी महामार्गाच्या पहिल्या लेनमध्ये म्हणजे ओव्हरटेकिंग लेनमध्ये धावत होती. अपघातग्रस्त बसचं समोरचं चाक सुरुवातीला रस्त्याच्या बाजूला असलेल्या साईन बोर्डला धडकलं. त्यानंतर समोरचं चाक दहा फूट अंतरावर असलेल्या आरसीसी काँक्रिटच्या दुभाजकाला धडकलं. याच दुभाजकाला बसचा पाठीमागचं चाकही त्याच पद्धतीने धडकलं आणि त्यामुळे बस एका दिशेने झुकली. बसचं मागचं चाक जेव्हा आरसीसी काँक्रिट दुभाजकाला धडकलं तेव्हा ही धडक एवढी भीषण होती की मागचा टायर फुटला आणि टायरच्या आतील लोखंडी रिंग ही मोडकळीस आली.
[read_also content=”‘बाईपण भारी देवा’ची लय भारी कामगिरी, पहिल्या वीकेंडला ‘इतक्या’ कोटींची कमाई, केदार शिंदेंची भावूक पोस्ट https://www.navarashtra.com/movies/kedar-shinde-post-about-first-weekend-box-office-collection-of-baipan-bhari-deva-nrsr-427267.html”]
चालकाच्या बाजूच्या समोरच्या आणि मागच्या चाकाची दुभाजकाला धडक झाल्यानंतर बस एका बाजूला झुकली. त्यानंतर काही अंतरावर जाऊन डाव्या बाजूला रस्त्यावर उलटली. त्यामुळे बसचा मुख्य दरवाजा खाली दाबला गेला. फॉरेन्सिक फायर अहवालाप्रमाणे जेव्हा बस एका बाजूला झुकली आणि काही अंतरावर जाऊन डाव्या बाजूने पडली. यावेळी बसच्या समोरचा एक्सेल बसपासून तुटून वेगळा झाला आणि तोच एक्सेल जाऊन मग डिझेल टँकवर आदळला. यामुळे 350 लिटर डिझेल सर्वत्र उडालं. डिझेल टँक फुटल्यामुळे उडालेले हे डिझेल बसच्या इंजिनच्या हॉट एक्झॉस्टच्या संपर्कात आल्याने बसने पेट घेतला.
.png "Videos"){kind=small}
