नपुंसक असल्याचे माहित असताना देखील फसवणूक करत लग्न केले. त्यानंतर शरीर सुखापासून वंचित ठेवलं याप्रकरणी एका विवाहितेने खडकपाडा पोलीस ठाण्यात तक्रार नोंदवली आहे. या तक्रारीनुसार पोलिसांनी महिलेचे फसवणूक करणाऱ्या पतीविरोधात गुन्हा दाखल केला आहे.
कल्याणच्या खडकपाडा पोलीस ठाण्यात एका महिलेने नोंदवलेल्या तक्रारीनंतर पोलीस देखील चक्रावून गेले आहेत. या महिलेचे आठ महिन्यांपूर्वी लग्न झाले होते. ते कल्याण जवळ असलेल्या शहाड परिसरात आपल्या पतीसोबत राहत होती. तिचा पती तिला शारीरिक सुखापासून वंचित ठेवत होता. महिलेने पतीला काहीतरी औषध खाताना पाहिले तेव्हा तिला समजले की तिचा पती नपुंसक आहे. तिच्या पतीवर उपचार सुरू होते. हे समजताच महिलेला धक्का बसला.
तिने थेट खडकपाडा पोलीस ठाणे गाठले. नपुंसक असल्याचे माहीत असताना आपली फसवणूक करत त्याने आपल्याशी लग्न केले, शारीरिक सुखापासून वंचित ठेवल्याची तक्रार महिलेने नोंदवली. या तक्रारीनुसार पोलिसांनी महिलेच्या पती विरोधात गुन्हा दाखल करत पुढील तपास सुरू केला आहे.
.png "Videos"){kind=small}
