Gondia News: ‘रेस्ट झोन ‘मध्ये नक्षलींना हादरा; गोंदियात माओवाद्यांचे सामूहिक आत्मसमर्पण

गोंदिया जिल्ह्यात नक्षल चळवळ १९८५ मध्ये उदयास आली. त्यानंतर या चळवळीला चांगला प्रतीसाद मिळाला. कारणही तसेच होते. या काळात गोंदिया जिल्ह्याच्या सीमा सध्याचा छत्तीसगड आणि त्याकाळचा मध्यप्रदेश, गडचिरोली या जिल्ह्यांना लागून असलेल्या जंगलव्याप्त भागात प्रामुख्याने आदिवासी बांधव वास्तव्यास होते. त्याकाळात या सिमावर्ती भागात रस्ते, पोलिस बंदोबस्त, शिक्षण या प्रमुख बाबी पोहोचल्या नव्हत्या. त्यामुळे माओवाद्यांनी जल, जंगल, जमीन हे मुद्दे समोर करून भोळ्या आदिवासींना आपल्याकडे आकर्षित केले.

नक्षल्यांच्या धमक्यांना आणि त्यांनी दिलेल्या गोड आश्वासने, स्वप्न यांना बळी पडून जिल्ह्यातील जंगलव्याप्त भागातील काही तरूण या चळवळीत शामील झाले. मात्र जिल्ह्यातील जे आदिवासी या चळवळीत शामील झाले, त्यांचे या चळवळीत फक्त शोषण झाले. त्यातील काहींनी आत्मसमर्पण केले. तर काही जण चळवळीतून बाहेर पडले. मात्र १९८५ ते २००५ पर्यंत जिल्ह्यातील जंगलव्याप्त असलेला सालेकसा, देवरी, अर्जुनी मोरगाव आणि सडक अर्जुनी तालुक्यातील काही भाग आतापर्यंत नक्षलींचा ‘रेस्ट झोन’ होता. माओवादी छत्तीसगड, तेलंगना, गडचिरोलीया भागात कारवाया करून गोंदिया जिल्ह्यात सुरक्षेच्या दृष्टीने राहत होते. त्यानंतर ते बालाघाट जिल्ह्याकडे कूच करत होते. मात्र हळूहळू केंद्र आणि राज्य शासनाने ही चळवळ संपवून त्या भागातील आदिवासींना विकासाच्या मुख्य प्रवाहात शामील करून घेण्यासाठी योजना आखल्या.

Salman Khanच्या ‘या’ अभिनेत्रीचा व्हिडिओ झाला व्हायरल; लूक पाहून चाहते हैराण, ओळखणेदेखील कठीण

आदिवासी, जंगल आणि नक्षलग्रस्त भागात विकासाच्या योजना पोहोचल्या. शिक्षण, आरोग्य, रोजगाराच्या संधी पोहोचल्या. रस्ते देखील मजबूत झाल्याने पोलिसांनी देखील थेट अशा ठिकाणांवर पोहोचता आले. त्यामुळे २०१६ नंतर जिल्ह्यातील नक्षल चळवळ मोडकळीस आल्यात जमा झाली. २०१८ नंतर जिल्ह्यात एकही नक्षल घटना घडली नाही, हे विशेष. केंद्र शासनाने आता मार्च २०२६ पर्यंत देशातून नक्षल चळवळ संपविण्याचा संकल्प केला. त्यानंतर यंत्रणांनी दोन हात करण्यासाठी थेट जंगलात मोर्चा मांडला. त्याचा परिपाक म्हणून नक्षलींचा वरिष्ठ नेता हिडमा माडवी देखील मारला गेला.

आत्मसमर्पण करणाऱ्यांची नावे

अनंत उर्फ विकास उर्फ नवज्योत नागपुरे उर्फ विनोद भास्कर रामास्वामी (रा. बीडीडी चाळ, वरळी, मुंबई) हा एमएमसी झोनचा सदस्य होता. त्याने एके ४७ रायफलसह २ मॅगझिन आणि दोन मोबाइलसह आत्मसमर्पण केले. त्याच्यावर २५ लाखांचे बक्षीस होते. नागसू ऊर्फ गोलू ऊर्फ पांडू पुसू वडे (३५) हा डीव्हीसीएम कमांडर होता. त्याच्याकडून एक एसएलआर, दोन मॅगझिन, १५ राऊंड जप्त करण्यात आले. त्याच्यावर १६ लाखांचे बक्षीस होते. रानो ऊर्फ रम्मी उर्फ रामे येशू नरोटे (३०) या दरेकसा एरिया सदस्याकडून दोन इन्सास मॅगझिन, १५ राऊंडसह आत्मसमर्पण केले. तिच्यावर १६ लाखांचे बक्षीस होते.

“त्या लेकराला का मारताय? तुमच्या तर…” सिंहिणीने सिंहाच्या दिली कानाखाली; बायकोचा दरारा प्राण्यांमध्येही! Viral

संतू ऊर्फ तिजाराऊराम धरमसाय पोरेटी (३५) या दरेंकसा दलमच्या सदस्याकडून ३०३ बोर बंदूर १७ राऊंडसह आत्मसमर्पण केले. त्याच्यावर ६ लाखांचे बक्षीस होते. संगिता ऊर्फ शेवंती रायसिंग पंधरे (३२) हिच्यावर ६ लाखांचे बक्षीस, प्रताप ऊर्फ समर ऊर्फ काशीराम राजय्या बंतुला (६२) या टेक्निशिअनवर ६ लाखांचे, अनुजा ऊर्फ नक्के सुकलु कारा (५५) या टेक्निशनअनवर ६ लाख, पूजा ऊर्फ जुगनी ऊर्फ सन्नु मुडियम (२७) हिच्याकडून एक सिंगल शॉट बंदूक जप्त करण्यात आली. तिच्यावर २ लाखांचे बक्षीस, दिनेश ऊर्फ सादु पुलाई सोटी (३०) या अनंतच्या गार्डकडून एक सिंगल शॉट बंदूक जप्त करण्यात आली.