GBS आजाराचा धोका वाढला; सोलापुरात एका रूग्णाचा मृत्यू; पुण्यात 4 रुग्ण व्हेंटिलेटरवर

सोलापूर:  सोलापूरात एका रुग्णाचा जीबीएस आजाराच्या उपचारादरम्यान मृत्यू झाला आहे. मृत पावलेला रूग्ण DSK धायरी पुणे, मुळ गाव दक्षिण सोलापूर येथील हत्तूर व्यवसासायाने CA मयत हे त्यांच्या कुटुंबीय समवेत (आई, पत्नी, दोन मुली) मागील १०-१५ वर्षापासून पुणे येथे स्थायिक होते. ते सोलापूर येथे येण्यापूर्वी त्यांना जुलाबाचा त्रास तसेच डोके दुखणे व हातपाय दुखीचा त्रास सुरु झाला असल्याचे नातेवाईकांकडून समजले. ११जानेवारी रोजी ते गावातील यात्रे निमित्त जाण्याकरिता सोलापूर येथे नातेवाईकांकडे अंवतीनगर सोलापूर (शहर) येथे एक दिवस वास्तव्यास होते.

दि. १२ रोजी  हत्तूर  संध्याकाळी पोहोचले. दि.१२/०१/२०२५ ते दि. १६/०१/२०२५ पर्यंत गावातील वास्तव्यादरम्यान त्यांनी कोणत्याही डॉक्टरांकडून तपासणी केली नाही. त्यादरम्यान ते त्यांचे भाऊ, वहिणी, पुतणी, आई, पत्नी व दोन मुली यांच्या संपर्कात होते. १७ रोजी वरील लक्षणे कमी न झाल्यामुळे त्यांनी मंद्रुप येथे डॉक्टरांना  OPD मध्ये तपासणीसाठी दाखविल्या नंतर त्यांनी रुग्णाला रुग्णालयात दाखल केले. येथून त्यांना डॉगोनोस्टीक सेंटर येथे MRI काढण्यात आले. त्यामध्ये Mild Diffuse Disc bulge is seen at L३-८४ and ८४-८५ असे आढळले.

१८रोजी सदर रुग्णाला दुसऱ्या रुग्णालयात हॉस्पीटल सोलापूर येथे ICU मध्ये दाखल करण्यात आले. त्यावेळी त्यांना हातपायातील ताकद कमी असणे, अतिसार, तसेच अन्न गिळल्यास त्रास इ. लक्षणे होती. डॉक्टरांनी त्यांना २५ vials IVIG ५ दिवसासाठी सुरु केले. प्रथम रुग्णाची प्रकृती बिघडत चालली असताना पाचव्या दिवशी तब्येत मध्ये सुधारणा झाली. त्यावेळी त्यांना २४ रोजी ward मध्ये शिफ्ट करण्यात आले. परंतु  २५ रोजी त्यांना श्वसनाचा त्रास सुरु झाल्याने त्यांना।CU मध्ये शिफ्ट करण्यात आले. त्यावेळी त्यांचा रक्तदाब अतिशय कमी झाल्याने डॉक्टरांकडून त्यांना CPR देण्यात आले. पण त्यांच्या प्रकृती मध्ये सुधारणा झाली नाही. त्यावेळी डॉक्टरानी सदर रुग्णास संध्या ७.४० रोजी मयत घोषित करण्यात आले.

हेही वाचा: Guillain-Barré Syndrome : पुण्यात GBS आजाराचं थैमान सुरूच, 14 रुग्ण व्हेंटिलेटरवर; तर एकाच मृत्यू

सदर रुग्ण हत्तुर येथे वास्तव्यास असताना तेथील त्यांच्या संर्पकात असलेल्या व्यक्तींचा सर्व्हे करण्यात आल्यानंतर त्यातील कोणालाही सध्य स्थितीत लक्षणे नसल्याचे आढळुन आले. तसेच आरोग्य कर्मचारी मार्फत नातेवाईकांची दैनंदीन गृह भेटी द्वारे तपासणी करण्यात येत आहे. ग्राम पंचायत हत्तुर यांना तालुका आरोग्य अधिकारी दक्षिण सोलापूर यांच्या मार्फत पाणी व अन्य सुरक्षा बाबत योग्य ती खबरदारी घेण्याबाबत सुचना केले आहेत. हत्तुर या गावातील सार्वजनिक पाणी पुरवठा कडील स्रोत जैवीक तपासणी करिता पाठविण्यात आला आहे. या संदर्भातील आहवाल झेडपीच्या आरोग्य विभागाने आरोग्य संचालयनाकडे पाठविला आहे.

– GBS संशयित रुग्ण आढळल्यास त्वरित आम्हाला कळवावे असे सोलापूर महापालिका  आणि आरोग्य विभागाकडून आवाहन

– पुण्यात जीबीएस रुग्णांची संख्या वाढत असताना सोलापुरात देखील दोन संशयित रुग्ण समोर

– हात स्वच्छ धुवावे, उकळलेले पाणी प्यावे असे महापालिका आरोग्य अधिकाऱ्यांचे नागरिकांना आवाहन

हेही वाचा: पुण्यात पसरलेल्या GBS च्या उपायासाठी किती येतोय खर्च? तुमच्या खिशाला परवडेल की नाही

मागील अनेक दिवसांपासून राज्यात गुलियन बॅरे सिंड्रोमचे (GBS) या दुर्मिळ आजारांचे रुग्ण आढळत आहेत. यामुळे सर्वांमध्ये भीतीचे वातावरण दिसून येत आहे. GBS च्या रुग्णात वाढ झाली आहे. पुण्यामध्ये या आजाराचे अधिक रुग्ण आढळत आहेत. पुण्यात GBS या आजाराचे तब्बल 74 रुग्ण आढळल्याची माहिती समोर आली आहे. या रुग्णांपैकी 14 रुग्ण व्हेंटिलेटरवर आहेत. तर पुण्यात एकाचा मृत्यू देखील झाला आहे.

Web Title: Gullian barre syndrome one patient loss their life in solapur symptoms understand health update news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com