Ahilyanagar News: जेऊरमध्ये ग्रामस्थांवर जोरदार दगडफेक! नेमकं प्रकरण काय? जाणून घ्या

जेऊर येथे शनिवारी (२० डिसेंबर) सकाळी शेतकऱ्याला झालेल्या मारहाणीवरून ग्रामस्थांवर दगडफेक करण्यात आली आहे. चला याबद्दल अधिक माहिती जाणून घेऊयात.

• जेऊरमध्ये ग्रामस्थांवर दगडफेक
• शेतकऱ्याला झालेल्या मारहाणीवरून ग्रामस्थांवर झाली दगडफेक
• दंगल नियंत्रण पथक तैनात करण्यात आले होते

नगर तालुक्यातील जेऊर येथे शनिवारी सकाळी शेतकऱ्याला झालेल्या मारहाणीच्या घटनेनंतर गावात दगडफेक झाल्याचा प्रकार घडला. या दगडफेकीत तीन जण जखमी झाले असून गावात तणावपूर्ण वातावरण निर्माण झाले आहे. परिस्थिती नियंत्रणात ठेवण्यासाठी पोलिसांनी बंदोबस्त वाढवला असून दंगल नियंत्रण पथक तैनात करण्यात आले आहे. या प्रकरणी एमआयडीसी पोलीस ठाण्यात परस्परविरोधी फिर्यादींवरून गुन्हे दाखल करण्यात आले आहेत.

भागवत मोहनकुमार मगर (वय २४, रा. जेऊर) यांनी दिलेल्या फिर्यादीत म्हटले आहे की, ते शेतात पिकाला पाणी देत असताना शेजारील घरातील कचरा शेतात टाकल्याने वाद निर्माण झाला. या वादातून मन्नू अलीम कुरेशी, सत्तार (मुडा) इस्माईल शेख आणि मुनीर खैरू शेख यांनी शिवीगाळ करत लाथाबुक्क्यांनी मारहाण केल्याचा आरोप आहे.

सोलापुरात सत्तेतील मित्र पक्षांनी मारली विजयाची बाजी; कुणाला किती जागा मिळाल्या?

या घटनेनंतर गावातील बाजार समितीचे संचालक व माजी सरपंच मधुकर मगर, दीपक तवले तसेच अन्य दहा ते बारा नागरिक घटनास्थळी जमा झाले. मध्यस्थी करून समजावण्याचा प्रयत्न सुरू असतानाच परिस्थिती चिघळली, अशी माहिती देण्यात आली आहे. याप्रकरणी मन्नू अलीम कुरेशी, सत्तार (मुडा) इस्माईल शेख, मुनीर खैरू शेख, इन्नू अलिम शेख, जिलानी नजीम शेख, सकलेम सत्तार शेख, कादिर अब्दुल शेख, सलीम अकबर शेख, इंद्रीस मुनीर शेख, दस्तगीर करीम शेख आणि वाहप रशीद पठाण (सर्व रा. जेऊर) यांच्याविरोधात गुन्हा दाखल करण्यात आला आहे.

QR Code Govt Document: आता सरकारी कागदपत्रांची पडताळणी होणार हायटेक! प्रशासनाचा ‘क्यू-आर कोड’ उपक्रम; बनावटगिरीला बसणार लगाम

दरम्यान, या प्रकरणात एका महिलेनेही स्वतंत्र फिर्याद दिली असून, घराशेजारील शेतात कचरा टाकल्याच्या कारणावरून भागवत मगर व अनिल मगर यांनी शिवीगाळ करून जीवे मारण्याची धमकी दिल्याचा आरोप तिने केला आहे. पोलिसांकडून दोन्ही बाजूंच्या तक्रारींचा तपास सुरू आहे.