Iran Israel युद्धामुळे कणकवलीत हॉटेल व्यवसायावर संक्रांत; खानावळी आणि नाश्त्याची दुकाने बंद…

सिलिंडरचा साठा संपल्यानंतर व्यवसाय करायचा कसा, असा यक्षप्रश्न त्यांच्यासमोर उभा ठाकला आहे. त्यामुळे हॉटेल मालक व कामगारांमध्ये चिंतेचे वातावरण निर्माण झाले आहे.

कणकवलीत हॉटेल व्यवसायावर संक्रांत
युद्धामुळे कमर्शियल गॅसचा तुटवडा
घरगुती वितरण केंद्रांवर रांगा

कणकवली: पश्चिम आशियात सुरू असलेल्या युद्धामुळे भारतात एलपीजी गॅस पुरवठ्यावर परिणाम झाला आहे. अखाती देशांमधून होणारा गॅस पुरवठा थांबल्यामुळे देशात गॅस टंचाईचे संकट निर्माण झाले आहे. परिणामी व्यावसायिक गॅस सिलिंडर उपलब्ध नसल्यामुळे हॉटेल व्यवसायावर संक्रांत ओढवली आहे. या संकटातून सावरण्यासाठी हॉटल व्यावसायिकांनी इलेक्ट्रिक शेगडी व चुलीचा आधार घेतला आहे. मात्र, सिलिंडरअभावी हॉटेल व्यवसाय मोठ्या संकटात सापडला आहे.

कणकवली तालुक्यात कमर्शियल गॅस सिलिंडरचा तुडवडा निर्माण झाल्याने तुटवडा निर्माण झाल्याने हटिल व्यावसायिक आणि छोटे उद्योजक संकटात सापडले आहेत. सिलिंडर उपलब्ध होत नसल्याने अनेक हॉटेल्समधील ठारविक खाद्यपदार्थ बंद करण्यात आले असून काही हॉटेल्स बंद होण्याचा मार्गावर आहेत. युद्धाचा फटका हॉटेल व्यवसायाला बसत आहे. केंद्र सरकारकडून कमर्शियल गॅस सिलिंडरचा पुरवठा तात्पुरता बंद करण्यात आला आहे. सिलिंडर उपलब्ध होत नसल्याने हॉटेल, खानावळी आणि नाश्त्याची दुकाने बंद ठेवण्याची वेळ व्यावसायिकांवर ओढवली आहे.

सिलिंडरचा साठा संपल्यानंतर व्यवसाय करायचा कसा, असा यक्षप्रश्न त्यांच्यासमोर उभा ठाकला आहे. त्यामुळे हॉटेल मालक व कामगारांमध्ये चिंतेचे वातावरण निर्माण झाले आहे. काही व्यावसायिकांनी पर्यायी इंधनाचा वापर करून व्यवसाय सुरू करण्याचा प्रयत्न केला आहे. इलेक्ट्रिक शेगडीचा वापर केल्यास बिलाचा नवा शॉक व्यावसायिकांना बसणार आहे. गॅस सिलिंडर टंचाईमुळे संकटात सापडलेल्या व्यावसायिकांनी हॉटेल्स उद्योग सुरू राहवा, यासाठी कमर्शियल गॅस सिलिंडर उपलब्ध करून नाश्ता तयार करणा यांना सिलिंडर उपलब्ध होत नसल्याने त्यांनी डोसा यांसारखे अन्य पदार्थ गॅस अभावी बंद केले आहेत.

गॅस एजन्सीचालक मस्त, ग्राहक मात्र त्रस्त! भर उन्हात तासनतास रांगेत उभे राहून गॅस मिळविण्याची वेळ

गॅसला पर्याय म्हणून अनेक हॉटेल चालकांनी विजेवर चालणाऱ्या इंडक्शनचा वापर सुरू केला आहे. सिलिंडर मिळत नसल्याने विजेवर चालणा या इंडक्शन खरेदीकडे ओढा वाढला आहे. मात्र, इंडक्शनवर सर्वच पदार्थ तयार करता येत नाहीत. यासाठी मोठ्या प्रमाणात वीज लागत असल्याने व्यावसायिकांना आता भरमासाठ वीज बिलाचा फटका बसणार आहे. गॅस नाही आणि वीज बिल परवडत नाही, अशा दुहेरी संकटात व्यापारी अडकले आहेत.

गॅस एजन्सीचालक मस्त, ग्राहक मात्र त्रस्त

आखाती देशांमध्ये युद्ध सुरु असल्यामुळे गॅस आणि तेलाचा प्रश्न निर्माण होत आहे. व्यावसायिक गॅसचा तुटवडा निर्माण झाला असून घरगुती गॅससाठी तासनतास रांगा लागल्या आहेत. ऑनलाईन बुकिंग सेवा देखील बंद झाली आहे. यामुळे ग्राहकांना मोठा त्रास सहन करावा लागत आहे. आखाती देशातील युद्धाचा फटका देशातील सामान्य कुटुंबांना बसला आहे. याचाच प्रत्यय नांदेडमध्ये देखील दिसून येत आहे.