सर्वगोड किती दिवस लपणार ? हे आम्ही पाहतोच, सतीश सावंतांनी सार्वजनिक बांधकाम अधिका-यांना धरले धारेवर
भगवान लोके : कणकवली सार्वजनिक बांधकाम विभागाची कार्यपध्दती ही पहिल्यांदा कामे करायची, नंतर टेंडर प्रक्रिया करायची अशी झाली आहे. कोट्यावधी रुपये खर्च करुन छत्रपती शिवाजी महाराज यांचा पुतळा कोसळला. त्याला बांधकाम विभागाचे कार्यकारी अभियंता सर्वगोड जबाबदार आहेत.महायुतीने राजकोट किल्ला व पंतप्रधान नरेंद्र मोदी दौरा याबाबत सर्व निविदांची माहिती द्यावी. कणकवली तालुक्यातील 13 कोटींच्या 2 पुलांची निविदा ऑनलाईनला का दिसत नाही. यासह विविध प्रश्नांचा भडीमार ठाकरे शिवसेनेचे सतीश सावंत , सुशांत नाईक , कन्हैया पारकर , उत्तम लोके यांच्यासह पदाधिका-यांनी केला. त्यावर 11 ऑक्टोबरमध्ये सर्व माहिती लेखी स्वरुपात दिली जाईल,असे आश्वासन पत्र उपअभियंता श्री. बातुसकर यांनी दिले.
कणकवली सार्वजनिक बांधकाम विभागाचे अभियंता सर्वगोड यांच्या भेटीसाठी ठाकरे शिवसेनेच्या शिष्टमंडळाने वेळ मागितली होती. मात्र ते कामानिमित्त मुंबईत गेले .शिवसेनेने विविध प्रश्नांसाठी बांधकाम अधिका-यांची भेट घेतली असता बांधकाम विभागाच्या गेटवर कार्यकर्त्यांना पोलीसांनी रोखले. यावेळी पोलीस व तालुकाप्रमुख यांच्यात जोरदार शाब्दिक बाचाबाची झाली. आम्हाला कोणत्या कारणासाठी अडवता ? याची विचारणा पोलीस अधिका-यांनी करणे्यात आली असता 8 ते 10 जणांच्या शिष्ट मंडळाला बांधकाम कार्यालयात चर्चेसाठी सोडण्यात आलं. या आंदोलनात विधानसभा प्रमुख सतीश सावंत,युवा सेना जिल्हाप्रमुख,महिला आघाडी, जिल्हाध्यक्ष तालुकाप्रमुख आदींसह शिवसेना पदाधिकारी व कार्यकर्ते उपस्थित होते.
कार्यालयाचे कार्यकारी अभियंता सर्वगोड यांच्याकडे भेटण्याची वेळ मागितली , त्यांनी का वेळ दिली नाही.आम्हाला जी काय माहिती हवी आहे, ती तुम्ही देणार का ? सर्वगोड यांच्या वतीने तुम्ही बसला तर आम्हाला माहिती तुम्हीच दिली पाहिजे अशी मागणी सतीश सावंत यांनी केली. छत्रपती शिवाजी महाराज पुतळा कोसळला यावरुन या विभागाने किती मोठा भ्रष्टाचार केला हे दिसून येत आहे. असा आऱोप कन्हैया पारकर यांनी केली.
हेही वाचा- महापालिकेचा मनमानी कारभार; अजय चौधरींच्या नेतृत्वाखाली नागरिकांचा ‘हंडा मोर्चा’
राजकोट किल्ला सुशोभिकरण , छत्रपतींचा पुतळा उभारणी , हॅलीपॅड उभारणी , रस्त्याची कामे ,पंतप्रधान नरेंद्र मोदी यांच्या दौ-यानिमित्त साफसफाई खर्च , हॉटेल खर्च , जेवणांची बिले , पुतळा कोसळल्यानंतर समितीने दिलेला अहवाल , नवीन पुतळा उभारण्यासाठी 20 कोटी खर्चाचे अंदाजपत्रक , स्ट्रक्चरल ऑडीट रिपोर्ट ही माहिती किती दिवसांत माहिती देणार ते सांगा, असा प्रश्न करत सतीश सावंत यांनी बांधकाम उपअभियंत्यांना धरले धारेवर धरले. त्यानंतर 11 ऑक्टोबर पर्यंत ही माहीती लेखी स्वरुपात देण्याचे आश्वासन श्री. बातुसकर यांनी दिले.
ओरोस येथील अधिक्षक अभियंता कार्यालयाचे इंटेरियर आणि फर्निचर कामाची निविदा झाली आहे का ? त्याची माहिती द्या. अशी मागणी कन्हैया पारकर यांनी केली. अभियंत्यांकडे कोणतीही माहिती नव्हती तसेच कणकवली तालुक्यातील 6.5 कोटी रुपयांच्या 2 निविदा वृत्तपत्रात आल्या आहेत. मात्र,१८ ची नोटीस ऑनलाईन का दिसत नाही ? हा प्रकार कामे मॅनेज करायचा आहे. यांचे ठेकेदार ठरलेले आहेत. याबाबत वृत्तपत्रात पुन्हा जाहिरात प्रसिध्द करुन ऑनलाईन झाले नसल्याची माहीती जाहीर करावी अशी मागणी कन्हैया पारकर यांनी केली. त्यावर अधिका-यांनी पुन्हा वृत्त पत्रात जाहिरात देण्याचे आश्वासन दिले.
हळवल पुलाच्या जोडरस्त्याचे काम का रखडले ? चार वर्षापूर्वी जिल्हाधिका-यांनी पैसे देवूनही बांधकाम विभागाचा दुर्लक्ष का ? असा सवाल सुशांत नाईक , कन्हैया पारकर यांनी केला. तसेच कणकवली तालुक्यातील विविध प्रश्नांचा भडीमार बांधकाम अधिका-यावर शिवसेना पदाधिका-यांनी केला. यावर अधिकारी निरुत्तर झाले होते.
पोलिसांचा चोख बंदोबस्त
ठाकरे शिवसेनेच्या पदाधिका-यांनी बांधकाम कार्यालयात विविध समस्यांबाबत चर्चा करण्यासाठी आम्ही येणार असल्याचे जाहिर केले होते. मात्र कार्यकारी अभियंता कामानिमित्त मुंबईत गेल्यामुळे संघर्ष होण्याची शक्यता होती. त्यामुळे कणकवली भेटीदरम्यान चोख बंदोबस्त ठेवला होता.
.png "Videos"){kind=small}
