सांगोला – शिंदे गटाने (Shinde group) शिवसेनेतून बंड केले तेव्हा, शिवसेनेचे 40 आमदार (MLA) आधी सुरत व नंतर गुवाहटीला गेले. गुवाहटीला हे आमदार काही दिवस थांबले होते. तेव्हा आमदार शहाजी बापू पाटील यांना कार्यकर्त्याचा फोन आला होता. तेव्हा फोनवरील संवाद महाराष्ट्रात खूप प्रसिद्ध झाला होता. “काय झाडी…काय डोंगार…काय हाटेल, ओकमध्ये हाय” ह्या डायलॉगने आमदार शहाजी बापू पाटील यांना रातोरात फेमस करुन टाकले होते. मोठ्या प्रमाणात हा डायलॉल सोशल मीडियावर व्हायरल झाला होता. आणि आमदार शहाजी बापू पाटील (Shahaji Bapu Patil) यांना एक वेगळी ओळख करुन दिली होती. मात्र आमदार शहाजी बापू पाटील यांच्या मतदारसंघातील तिपेहळ्ळीकर गावात चांगला रस्ता नसल्याने ग्रामस्थांनी निवडणुकीवर बहिष्कार टाकल्याची धक्कादायक घटना शहाजी बापू पाटील यांच्या मतदार संघात घडली आहे.
[read_also content=”साध्वी प्रज्ञासिंह व समीर कुलकर्णीकडून दोषमुक्तीची याचिका मागे, तर कर्नल पुरोहितच्या दोषमुक्तीच्या याचिकेवरील निर्णय राखीव https://www.navarashtra.com/maharashtra/sadhvi-pragya-singh-and-sameer-kulkarni-withdrawn-petition-decision-reserved-on-purohit-350133.html”]
आमदार शहाजी बापूंच्या सांगोला मतदारसंघातील गावात रस्त्याची दुरावस्था झाल्याने, तिपेहळ्ळीकर या ग्रामस्थांनी निवडणुकीवर बहिष्कार टाकला आहे. त्यामुळं बापू इथेही झाडी हाय…डोंगार हाय…पण रस्ता नसल्यानं काहीच ओके नाय, असं म्हणण्याची वेळ ग्रामस्थांवर आली आहे. बापू तुमचं सगळं ओक हाय…पण रस्त्यामुळं आम्हाला खूप त्रास होतोय, नागरिकांची मोठ्या प्रमाणात गैरसोय होतेय. त्यामुळं तुमचं सगळं ओक हाय…पण पण रस्ता नसल्यानं काहीच ओके नाय, असं म्हणण्याची वेळ ग्रामस्थांवर आली आहे. यामुळं संतापलेल्या ग्रामस्थांनी थेट निवडणुकीवर बहिष्कार टाकला आहे.
