दिल्लीसह, जम्मू काश्मीरला भूकंपाचे धक्के (फोटो -सोशल मिडिया)
दिल्ली-एनसीआरमध्ये भूकंपाचे तीव्र धक्के
अफगणिस्तानमध्ये भूकंपाचे केंद्र
5.9 रीश्टर स्केलच्या तीव्रतेचा भूकंप
Afghanistan Earthquake: देशाची राजधानी दिल्ली, तसेच दिल्ली एनसीआर परिसरात आज रात्रीच्या सुमारास भूकंपाचे तीव्र धक्के जाणवले. अचानक झालेल्या या घटनेमुळे लोकांमध्ये भीतीचे वातावरण निर्माण झाले आहे. भूकंपाचे धक्के केवळ दिल्ली एनसीआर नव्हे तर जम्मू काश्मीरच्या काही भागात देखील जाणवले आहेत. या भूकंपाचे केंद्र अफगणिस्तानमध्ये असल्याचे समोर आले आहे. या भूकंपाची तीव्रता 5.9 रीश्टर स्केल इतकी होती.
रात्रीचे 9.40 वाजले होते. नागरिक आपल्या घरांमध्ये आराम करत होते. अचानक घरच्या खिडक्या, पंखे हलायला सुरुवात झाली. नक्की काय झाले ते लोकांना समजत नव्हते. त्यामुळे नागरिकांनी तातडीने आपल्या कुटुंबासह घराबाहेर धाव घेतली आणि सुरक्षित ठिकाणी आसरा घेतला. इमारतीमध्ये राहणारे नागरिक लिफ्ट ऐवजी जिन्याने खाली जात होते, अशी माहिती समोर आली आहे.
दिल्ली एनसीआर शिवाय जम्मू काश्मीर, हिमाचल प्रदेशचा काही भाग, चंदीगडसह उत्तर भारतात अनेक ठिकाणी भूकंपाचे तीव्र धक्के जाणवले. दरम्यान अद्याप कोणत्याही ठिकाणी वित्तहानी किंवा जीवितहानी झाल्याची माहिती समोर आलेली नाही. गेल्या काही महिन्यांमध्ये उत्तर भारतात भूकंपाचे धक्के जाणवण्याचे प्रमाण वाढले असल्याचे म्हटले जात आहे. त्यामुळे भू- वैज्ञानिकांनी चिंता व्यक्त केली आहे.
बातमी अपडेट होत आहे..
