कल्याण डोंबिवली शहराने पटकावले सात राष्ट्रीय पुरस्कार

शहरातील नागरीकांमध्ये आरोग्यासाठी आवश्यक चालणे, धावणे व सायक्लिंग करणे याबाबत जनजागृती व त्यादृष्टीने आवश्यक पायाभूत सुविधा शहरात निर्माण करणे हा या अभियानाचा उद्देश आहे.

Follow Us:

Follow Us:

कल्याण : भारत सरकार गृहनिर्माण व शहरी व्यवहार मंत्रालयामार्फत सन २०२३ या वर्षात शहरातील महापालिका अधिकारी, पोलीस अधिकारी व लोकप्रतिनिधी यांच्यासाठी फ्रिडम टू वॉक, रन अँड सायकल हे अभियान आयोजित केले होते. शहरातील नागरीकांमध्ये आरोग्यासाठी आवश्यक चालणे, धावणे व सायक्लिंग करणे याबाबत जनजागृती व त्यादृष्टीने आवश्यक पायाभूत सुविधा शहरात निर्माण करणे हा या अभियानाचा उद्देश आहे.

या अभियानात अतिरिक्त पोलीस आयुक्त दत्तात्रय शिंदे, कल्याण स्मार्ट सिटी सी.ई.ओ. प्रल्हाद रोडे, सत्यवान उबाळे, मुख्य लेखा अधिकारी सुधाकर जगताप, उप आयुक्त प्रशांत भागवत, कार्यकारी अभियंता (विद्युत), अजित देसाई, सहाय्यक अभियंता अनिल तामोरे, गार्डन पर्यवेक्षक उमेश माने, पोलीस उपआयुक्त उमेश गिते, वाहतूक पोलीस निरिक्षक आनंद गायकवाड, पोलीस निरिक्षक यांनी सहभाग घेतला होता.

दिनांक १ फेब्रुवारी २०२३ ते १७ मार्च २०२३ च १५ जुन २०२३ ते ३० जुलै २०२३ या दोन टप्यात प्रत्येकी ४५ दिवस कालावधीमध्ये अभियान होते. कल्याण डोंबिवलीच्या पहिल्या टप्यात ४५ दिवसांत सायकलींग श्रेणीमध्ये ८२५४ किलोमीटर चालणे, २०३६ किलोमीटर रनिंग करणे, १४८३ किलोमीटर धावणे या तीन वर्गात सुवर्ण पारितोषिक पटकावले आहे. तसेच व्यक्तिगत श्रेणीमध्ये ४५ दिवसांत ४७५० किलोमीटर सायकलींग करत दत्तात्रय शिंदे, अतिरिक्त पोलीस आयुक्त यांनी देशभरात तिसरा क्रमांक, अजित देसाई, सहाय्यक अभियंता यांनी धावणे या श्रेणीत ११४३ किलोमीटर रनिंग करुन प्रथम क्रमांक व अनिल तामोरे, गार्डन पर्यवेक्षक यांनी चालणे या श्रेणीत ९८७ किलोमीटर वॉक करुन तिसरा क्रमांक पटकवला आहे.

दिनांक १३ जानेवारी २०२४ रोजी पिंपरी चिंचवड येथे ग.दी. माडगुळकर सभागृहात स्ट्रीट अॅन्ड पब्लिक स्पेसेस या विषयावर झाला आहे. राष्ट्रीय कार्यशाळेत कल्याण डोंबिवली शहराला ७ राष्ट्रीय पुरस्कार कुणाल कुमार, सह सचिव व डायरेक्टर स्मार्ट सिटी मिशन यांच्या हस्ते प्रदान करण्यात आले. पुरस्कार स्विकारण्यासाठी कल्याण डोंबिवली महानगरपालिकेच्या वतीने प्रशांत भागवत, कार्यकारी अभियंता (विद्युत), संदीप तांबे, उप अभियंता (स्मार्ट सिटी), अजित देसाई सहाय्यक अभियंता व अनिल तामोरे, गार्डन पर्यवेक्षक उपस्थित होते.

Web Title: Kalyan dombivli city won seven national awards kalyan dombivli muncipal corporation maharashtra sports update thane sports kalyan

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com