कल्याणकरांना भेडसावतेय पाणी समस्या, महेश गायकवाड यांनी घेतली केडीएमसी आयुक्तांची भेट

डिसेंबर अखेरपर्यंत कल्याणपूर्वेतील पाणी समस्या निकाली निघणार असे महापालिका आयुक्त इंदुराणी जाखर यांनी आश्वासन दिले आहे. यासंदर्भात महेश गायकवाड यांनी आयुक्तांची भेट घेतली.

कल्याण पूर्व परिसरातील खडगोलवलीसह ग्रामीण भागात गेल्या अनेक महिन्यांपासून कमी दाबाने पाणीपुरवठा होत आहे. त्यामुळे येथे नागरिक पाणीटंचाईच्या समस्येने त्रस्त आहेत. पाणीटंचाई बाबत नागरिकांनी अनेकदा महापालिका प्रशासनाकडे तक्रारी केल्या, निवेदने दिली मात्र पाणी समस्या जैसे थे आहे. अखेर आज शिवसेना शहरप्रमुख महेश गायकवाड यांनी महापालिका आयुक्तांची भेट घेत पाणी समस्या निदर्शनास आणून देत पाणीपुरवठा सुरळीत करण्याची मागणी केली. यावेळी पालिका आयुक्तांनी सकारात्मक प्रतिसाद देत पाण्याच्या दाबाबाबत कार्यवाही करण्यात येईल असे सांगितले. तसेच कल्याण पूर्व येथील बहुतेक ठिकाणी पाण्याच्या टाक्यांचे कामही 90% पूर्ण झालं आहे, तर अमृत योजनेअंतर्गत सुरू असलेली कामे येत्या डिसेंबरपर्यंत पूर्ण होतील त्यानंतर कल्याण पूर्वेतील पाणी समस्या निकाली निघेल असं आश्वासन दिले.

[read_also content=”सरकारकडून माझा गोड बोलून काटा काढण्याचा डाव; जरांगे पाटलांचा गंभीर आरोप https://www.navarashtra.com/maharashtra/manoj-jarange-patils-serious-allegations-against-the-government-nrdm-546070.html”]

कल्याण पूर्वेतील खडेगोळवली तसेच कल्याण पूर्व ग्रामीण भागातील आशेळे माणेरे, नांदीवली आदि परिसरामध्ये कमी दाबाने पाणीपुरवठा होत असल्याने नागरिकांना पाणीटंचाईच्या समस्येला सामोरे जावे लागत आहे. या परिसरात अर्धा ते एक तास पाणी सोडले जाते, कधी कधी ते सोडले जात नाही त्यामुळे नागरिकांचे पाण्याविना हाल होत आहेत. नागरिकांनी अनेकदा महापालिकेकडे तक्रारी केल्या, निवेदन दिली यारीही पाणी समस्या कायम आहे. आज शिवसेना शहरप्रमुख महेश गायकवाड यांनी महापालिका आयुक्त इंदूराणी जाखड यांची भेट घेत पाणी समस्या निदर्शनास आणून दिली. यावेळी पाणी कमी दाबाने सोडले जाते त्यामुळे ही समस्या आहे, पाणी पुरवठा सुरळीत करा अशी मागणी केली आहे.

संदर्भात बोलताना महेश गायकवाड यांनी महापालिका आयुक्तांनी सकारात्मक प्रतिसाद दिल्याचे सांगितले. पाण्याच्या दाबाबाबत लवकरच कार्यवाही करण्यात येईल तसेच कल्याण पूर्व येथील पाणी समस्या निकाली काढण्यासाठी पूर्व भागातील पाण्याच्या टाक्यांचे कामेही 90% पूर्ण झाले आहेत. त्याचप्रमाणे अमृत योजनेचे काम देखील युद्ध पातळीवर सुरू असून डिसेंबर महिना अखेरपर्यंत पूर्ण करण्यात येतील. जेणेकरून कल्याण पूर्व भागातील पाणी समस्या निकाली निघेल असं आश्वासन दिले आहे असे महेश गायकवाड यांनी सांगितले.