Sindhudurg News: वर्षानुवर्षांची मागणी पुन्हा ऐरणीवर; खारेपाटणला स्वतंत्र तालुका करण्याची मागणी

Sindhudurg News: सिंधुदुर्गमधील खारेपाटणला स्वतंत्र तालुका मिळावा, या मागणीसाठी खारेपाटण तालुका निर्मिती कृती समितीने ‘महा निर्धार मेळावा’ आयोजित केला. या मेळाव्याला परिसरातील नागरिक, सामाजिक संस्थांचे प्रतिनिधी, पदाधिकारी, कार्यकर्ते आणि महिला मोठ्या संख्येने उपस्थित होत्या. स्वतंत्र तालुका मिळावा, असा एकमुखी सूर यावेळी उमटला.

• खारेपाटणला स्वतंत्र तालुका मिळावा, या मागणीसाठी ‘महा निर्धार मेळावा’.
• प्रशासकीय कामांसाठी 30-40 किमी प्रवास करावा लागत असल्याने नागरिकांची गैरसोय.
• मागणी मान्य न झाल्यास जनआंदोलन, जनजागृती आणि मोर्चाचा निर्धार.

 

सिंधुदुर्गमधील खारेपाटण तालुका स्वतंत्र मिळालाच पाहिजे, या मागणीसाठी आता लोक पेटून उठले आहेत. खारेपाटण तालुका निर्मिती कृतीसमितीने खारेपाटणमध्ये एका मोठ्या मेळाव्याचे आयोजन केले होते. या मेळाव्याला नाव दिलं होतं ‘महा निर्धार मेळावा’.या मेळाव्यात परिसरातील नागरिक, सामाजिक संस्थांचे लोक, पदाधिकारी आणि कार्यकर्ते मोठ्या संख्येने आले होते. सगळ्यांचा एकच सूर होता, आम्हाला स्वतंत्र खारेपाटण तालुका हवाच. Sindhudurg News:

का हवा आहे स्वतंत्र तालुका?

खारेपाटणच्या लोकांना साध्या प्रशासकीय कामासाठी पण लांब जावं लागतं. तहसीलदार कार्यालय, प्रांत ऑफिस किंवा इतर कोणतंही सरकारी (Goverment)  काम असेल तर 30-40 किलोमीटरचा प्रवास करावा लागतो. त्यामुळे वेळ जातो, पैसा जातो आणि त्रास वेगळाच आहे.

एखाद्या म्हाताऱ्या माणसाला किंवा शेतकऱ्याला जर सही शिक्क्यासाठी जायचं असेल तर पूर्ण दिवस वाया जातो. पावसाळ्यात तर अजून हाल होतात. त्यामुळे लोक खूप त्रस्त झाले आहेत. खारेपाटण परिसर मोठा आहे, लोकसंख्या पण खूप आहे. इथे स्वतंत्र तालुका झाला तर लोकांची ही सगळी गैरसोय दूर होईल. सगळी कामं जवळच होतील. म्हणूनच लोक गेल्या कित्येक वर्षांपासून ही मागणी करत आहेत.

Sindhudurga: सिंधुदुर्ग जिल्ह्यातील १९८ गावे संवेदनशील जाहीर; पाच …

मेळाव्यात काय ठरलं?

या महा निर्धार मेळाव्यात सगळ्यांनी एकजुटीने लढायचं ठरवलं आहे. फक्त मागणी करून काही होणार नाही, तर सरकारकडे सातत्याने पाठपुरावा करायचा, असं या मेळाव्यात ठरलं.कृती समितीने सांगितलं की आम्ही शांत बसणार नाही. सरकारने आमची मागणी लवकर मान्य नाही केली तर आम्ही मोठं जनआंदोलन उभं करू शकतात.

गावागावात जाऊन लोकांना जागरूक करू आणि मोर्चा काढू.यावेळी बोलताना अनेक वक्त्यांनी सांगितलं की खारेपाटणचा विकास थांबला आहे. स्वतंत्र तालुका झाला तर इथे नवीन सरकारी ऑफिस येतील, नोकऱ्या येतील, विकासाची कामं होतील. तरुणांना बाहेर जावं लागणार नाही.

Sindhudurg : सिंधुदुर्ग आणि विजयदुर्ग किल्ल्यांचा युनेस्को यादीत …

सगळ्यांनी एकत्र येण्याची गरज

मेळाव्यात सगळ्यात महत्वाचं आवाहन हेच करण्यात आलं की राजकारण बाजूला ठेवा आणि खारेपाटण तालुक्यासाठी एकत्र येतात. सगळ्या पक्षाचे लोक, सगळ्या संघटनांनी एकत्र येऊन लढलं तरच हा तालुका मिळेल.लोकांमध्ये उत्साह खूप आहे. महिला पण मोठ्या संख्येने या मेळाव्यात आल्या होत्या. त्यांनी पण सांगितलं की आम्हाला तालुका हवाच.आता बघायचं आहे की सरकार या महा निर्धार मेळाव्याची दखल घेते का आणि खारेपाटणच्या लोकांचं स्वतंत्र तालुक्याचं स्वप्न कधी पूर्ण होतं.