Kolhapur News : RTO मार्फत रस्ता सुरक्षा अभियान; बॅनर्स, माहितीपत्रक, भित्तीपत्रके करणार प्रदर्शित

रस्ते सुरक्षिततेबाबत जनजागृती करण्याच्या अनुषंगाने प्रादेशिक परिवहन कार्यालयातर्फे रस्ता सुरक्षा अभियान 1 ते 31 जानेवारी या कालावधीत आयोजित करण्यात आला आहे.

• RTO मार्फत रस्ता सुरक्षा अभियान,
• बॅनर्स, माहितीपत्रक, भित्तीपत्रके करणार प्रदर्शित

कोल्हापूर : रस्ते सुरक्षिततेबाबत जनजागृती करण्याच्या अनुषंगाने प्रादेशिक परिवहन कार्यालयातर्फे रस्ता सुरक्षा अभियान 1 ते 31 जानेवारी या कालावधीत आयोजित करण्यात आला आहे. या अभियानाच्या कालावधीत प्रादेशिक परिवहन कार्यालयाकडून विविध कार्यक्रमांचे आयोजन करण्यात आले असून, रस्ते सुरक्षेच्या दृष्टीने वाहनांवर कारवाई करण्यात येणार आहे, अशी माहिती प्रादेशिक परिवहन अधिकारी संजीव भोर यांनी दिली.

• रस्ता सुरक्षेच्या दृष्टीने बॅनर्स, माहितीपत्रक,
• भित्तीपत्रके प्रदर्शित करणं,
• सार्वजनिक बांधकाम विभागाच्या मदतीने दिशादर्शक चिन्हे,
• गतिरोधक चिन्हे, वळण चिन्हांचे फलक,
• प्रखर दिवे, हेल्मेट वापर न करणाऱ्या दुचाकीस्वारांवर कारवाई,
• सीटबेल्टचा वापर न करणाऱ्या वाहनांवर कारवाई,
• ड्रंक अ‍ॅन्ड ड्राईव्ह तपासणी मोहिम राबवणं,
• नेत्र तपासणी शिबीर आयोजित करणं,
• पादचाऱ्यांमध्ये रस्ते सुरक्षेविषयी प्रबोधन ,
• अपघात प्रवण क्षेत्रांची तपासणी यांवर लक्षकेंद्रित करण्यात आलं आहे.

त्याचबरोबर, अतिवेगाने वाहन चालविणाऱ्या वाहनांवर कारवाई , काळ्या काचा, कर्कष हॉर्न, सदोष नंबर प्लेट इत्यादी बाबत कारवाई याबात देखील उपाययोजना राबविण्यात येत आहे. त्याचबरोबर विद्यार्थ्याच्या सुरक्षेच्या दृष्टीकोनातून देखील महत्वाचं पाऊल राबवण्यात येत आहे. शालेय विद्यार्थ्यांमध्ये रस्ते सुरक्षेविषयी जनजागृती, अपघातग्रस्तांना मदत करणाऱ्या व्यक्तीसाठी शासनामार्फत सुरू असलेल्या योजनेची माहिती देणं व त्यांना प्रोत्साहित करणं, अवयवदानाविषयी जागृती करणं, वाहनांमध्ये अग्नीप्रतिरोधक सुरक्षा संदर्भात जनजागृती करणं,रिफ्लेक्टिव्ह टेप नसणाऱ्या ट्रॅक्टर, ट्रेलर वाहनांवर कारवाई करणे,
चमकदार डिझायनिंग लाईट लावणाऱ्या वाहनांवर कारवाई करणे अशा योजना राबविण्यात येणार आहे.

Kolhapur News: आम्ही जगायचं की मरायचं? पन्हाळा तालुक्यात वन्य प्राण्यांची दहशत, शेतकऱ्यांचा आक्रोश

वाहतूकीचे नियम पाळणं प्रत्येकाला अनिवार्य आहे त्यामुळे नियमांचे उल्लंघन केल्यास दंडात्मक कारवाई करणं देखील तितकंच महत्वाचं आहे. दुचाकीस्वारांनी कोणत्याही परिस्थितीत विना हेल्मेट वाहन चालवू नये, विना सिटबेल्ट चारचाकी वाहन चालवू नये, पालकांनी अल्पवयीन मुलांना वाहन चालविण्यास देऊ नये, अंमली पदार्थाचे सेवन करून वाहन चालवू नये अन्यथा अशा वाहनांवर दंडात्मक कारवाई करण्यात येणार आहे. सर्व नागरीकांनी अभियानात रस्ते सुरक्षेच्या दृष्टीने आवश्यक त्या सर्व नियमांचे पालन करून सहभाग नोंदवावा, असे आवाहन करण्यात आले आहे.

‘परीक्षा केंद्रात सीसीटीव्ही बसवणे बंधनकारक नको’; आमदार जयंत आसगावकर यांची मागणी