Cabinet Decision : मंत्रिमंडळाच्या बैठकीत 7 महत्त्वाचे निर्णय; नगराध्यक्षांना बहुमताने हटवता येणार

मंत्रिमंडळाच्या बैठकीत आज कैद्यांच्या कोठडीतील मृत्यूप्रकरणी भरपाई, कर वसुलीसाठी अभय योजना यासारखे ७ महत्त्वाचे निर्णय घेण्यात आले. लाहोटी शासकीय तंत्रनिकेतनमध्ये पदवी अभ्यासक्रम सुरु करण्याचा निर्णयही घेण्यात आला आहे.

मंत्रिमंडळाच्या बैठकीत आज कैद्यांच्या कोठडीतील मृत्यूप्रकरणी भरपाई, कर वसुलीसाठी अभय योजना यासारखे ७ महत्त्वाचे निर्णय घेण्यात आले. मुख्यमंत्री देवेंद्र फडणवीस, उपमुख्यमंत्री अजित पवार, उपमुख्यमंत्री एकनाथ शिंदे यांच्या उपस्थित आज बैठक पार पडली, या बैठकीत हे निर्णय घेण्यात आले. लाहोटी शासकीय तंत्रनिकेतनमध्ये पदवी अभ्यासक्रम सुरु करण्याचा निर्णयही घेण्यात आला आहे.

बैठकीतील ७ महत्वाचे निर्णय

1) विधि व न्याय विभाग

ठाणे जिल्ह्यातील चिखलोली-अंबरनाथमध्ये दिवाणी न्यायालय कनिष्ठ न्यायदंडाधिकारी प्रथम वर्ग न्यायालय स्थापन करण्याचा निर्णय घेण्यात आला आहे. तसंच त्याअनुषंगाने पदे मंजूर करण्यात येणार आहेत.

2) गृह विभाग

कैद्यांचा कोठडीत मृत्यू झाला त्याला भरपाई देण्यात येणार आहे. राष्ट्रीय मानवी हक्क आयोगाच्या निर्देशानुसार हा निर्णय सरकारने घेतला आहे.

3) नगरविकास विभाग

नगरपरिषदा, नगरपंचायती आणि औद्योगिक वसाहतीतील स्थावर मालमत्ता हस्तांतरणासाठी नियमांमध्ये बदल करण्यास मान्यता देण्यात आली आहे.

4) नगरविकास विभाग

नगरपरिषद, नगरपंचायत आणि औद्योगिकनगरी अधिनियम, १९६५ मध्ये सुधारणा करण्यात येणार आहे. या सर्व मालमत्ता करावरील दंड अंशतः माफ करून कर वसुलीसाठी अभय योजना लागू करण्याचा निर्णय घेण्यात आला आहे.

5) नगरविकास विभाग

नगर परिषदा, नगरपंचायती, औद्योगिक वसाहतींच्या नगराध्यक्षांना बहुमताने हटवण्याच्या तरतुदींला मान्यता देण्यात आली आहे. त्यासाठी महाराष्ट्र नगरपरिषदा, नगरपंचायती व औद्योगिक नगरी अधिनियम, १९६५ मध्ये सुधारणा करण्याचा निर्णय घेण्यात आला आहे.

See more

जनसंपर्क कक्ष, मुख्यमंत्री कार्यालय
मंत्रिमंडळ निर्णय संक्षिप्त
(मंगळवार, दि. १५ एप्रिल २०२५)

एकूण निर्णय: ७

विधि व न्याय विभाग
चिखलोली-अंबरनाथ, जिल्हा ठाणे येथे दिवाणी न्यायालय कनिष्ठ स्तर न्यायदंडाधिकारी प्रथम वर्ग न्यायालय स्थापन करणार व त्याअनुषंगाने पदे मंजूर

गृह विभाग…

— CMO Maharashtra (@CMOMaharashtra) April 15, 2025

6) महसूल व वन विभाग

भूसंपादन, पुनर्वसन पुनर्वसाहत भूसंपादनाचा मोबदला विलंबाने अदा करताना व्याज आकारलं जातं. या आकारण्यात येणार्‍या व्याजदरांच्या तरतुदींमध्ये सुधारणा करण्याचा निर्णय घेण्यात आला आहे. योग्य भरपाई आणि पारदर्शक हक्क अधिनियम, 2013, कलम-30(3), 72 व 80 मध्ये सुधारणा करण्यात येणार आहे.

7) उच्च व तंत्रशिक्षण विभाग

लातूरमधील पुरणमल लाहोटी शासकीय तंत्रनिकेतनमध्ये अभियांत्रिकी पदवी अभ्यासक्रम सुरू करण्यात येणार आहे. शैक्षणिक वर्ष २०२५-२६ पासून हा अभ्यासक्रम सुरू करण्यात येणार आहे.