Nashik Kumbh Mela Fund Approved : नाशिक सिंहस्थ कुंभमेळ्यासाठी तब्बल इतक्या कोटींचा अतिरिक्त निधी मंजूर; नगरविकास विभागाचा GR जारी

Nashik Kumbh Mela 2026: नाशिक-त्र्यंबकेश्वर सिंहस्थ कुंभमेळ्याच्या तयारीला गती देण्यासाठी राज्य सरकारने कुंभमेळा प्राधिकरणाला आणखी 1,800 कोटी रुपयांचा निधी वितरित करण्यास मंजुरी दिली आहे. 2025-26 मध्ये यापूर्वी 3,098 कोटी रुपये वितरित करण्यात आले असून, निधीच्या वापरासाठी शासनाने विविध अटी घातल्या आहेत.

• नाशिक-त्र्यंबकेश्वर सिंहस्थ कुंभमेळ्यासाठी १८०० कोटी रुपयांचा अतिरिक्त निधी मंजूर
• नगरविकास विभागाने निधी वितरणाबाबत गुरुवारी जारी केला अधिकृत शासन निर्णय (GR)
• विधिमंडळाच्या पावसाळी अधिवेशनात मंजूर ३,००० कोटींच्या पुरवणी मागणीतून निधी सुपूर्द.

Nashik Kumbh Mela  : नाशिक-त्र्यंबकेश्वर सिंहस्थ कुंभमेळ्याची तयारी सुरू असून आता याबाबत एक मोठी अपडेट समोर आली आहे. कुंभमेळ्याशी संबंधित आवश्यक कामे अधिक वेगाने होण्यासाठी राज्य सरकारने कुंभमेळा प्राधिकरणाला 1,800 कोटींचा अतिरिक्त निधी वितरित करण्यास मंजुरी दिली आहे. नगरविकास विभागाने गुरुवारी यासंबंधीचा शासन निर्णय जारी केला.

पावसाळी अधिवेशनात 3 हजार कोटींची तरतूद

राज्य सरकारने 2026-27 या आर्थिक वर्षासाठी विधिमंडळाच्या पावसाळी अधिवेशनात सिंहस्थ कुंभमेळ्याच्या आवश्यक कामांसाठी 3 हजार कोटींची पुरवणी मागणीला मंजूरी दिली होती. त्यानंतर अवघ्या दिड महिन्यात कुंभमेळा प्राधिकरणाच्या विनंतीनुसार या तरतुदीपैकी 1,800 कोटी रुपये वितरित करण्यास वित्त विभागाने मान्यता दिली आहे.

Bihar Politics: NDA ची सत्ता जाणार? बिहारच्या राजकारणात नवा ट्विस्ट; नितीश कुमारांच्या निकटवर्तीयाचा मोठा दावा

यापूर्वी 2025-26 या आर्थिक वर्षात कुंभमेळा प्राधिकरणाला 3,098 कोटी रुपयांचा निधी वितरित केला होता. गेल्या दोन वर्षांत उपलब्ध झालेल्या निधीमुळे सिंहस्थ कुंभमेळ्याच्या विविध पायाभूत सुविधा आणि आवश्यक कामांना मोठी चालना मिळण्याची शक्यता आहे.

आतापर्यंत 3,098 कोटींचे वितरण

सिंहस्थ कुंभमेळ्याच्या तयारीच्या पार्श्वभूमीवर विविध टप्प्यांसाठी हा निधी वितरित करण्यात आला आहे. त्यामध्ये 283 कोटी, 717 कोटी, 501.40 कोटी, 396.60 कोटी आणि 1,200 कोटी रुपये अशा टप्प्यां हा निधी वितरीत केला जाणार आहे. या सर्व निधीची एकत्रित रक्कम 3,098 कोटी रुपये आहे.

आता 2026-27 साठी मंजूर करण्यात आलेल्या 3 हजार कोटी रुपयांच्या पुरवणी तरतुदीपैकी 1,800 कोटी रुपयांचा निधी वितरित करण्यास शासनाने मान्यता दिली आहे.

निधी वापराबाबत कडक अटी

महत्त्वाची बाब म्हणजे, शासनाने मंजूर केलेला 1,800 कोटी रुपयांचा निधी फक्त सिंहस्थ कुंभमेळ्याच्या कामासाठीच वापरला जावा, अशी अट घालण्यात आली आहे. कुंभमेळ्याच्या कामासाठी मंजूर करण्यात आलेल्या उद्दिष्टांसाठीच वापरण्याचे आदेश देण्यात आले आहेत.

Cricket Scorer Career: क्रिकेट स्कोरर कसा बनतात? पात्रता, काम आणि पगार जाणून घ्या एका क्लिकवर..

वित्त विभागाने वेळोवेळी जारी केलेल्या मार्गदर्शक सूचना, आर्थिक अधिकार प्रदान करण्यासंदर्भातील नियम तसेच अन्य अटींचे पालन करूनच निधीचा वापर करावा लागणार आहे.

निधीच्या योग्य वापराची जबाबदारी कुंभमेळा प्राधिकरणाचे अध्यक्ष आणि नाशिक विभागीय आयुक्तांकडे देण्यात आली आहे. संबंधित कामांना सक्षम प्राधिकरणांकडून प्रशासकीय आणि तांत्रिक मंजुरी मिळाल्यानंतरच संबंधित संस्थांना निधी वितरित करावा किंवा खर्च करावा, अशीही अट शासन निर्णयात नमूद करण्यात आली आहे.

खर्चानंतर विनियोग प्रमाणपत्र बंधनकारक

मंजूर करण्यात आलेल्या निधीच्या खर्चाचे प्रमाणपत्र तातडीने शासनाला सादर करणेही  बंधनकारक करण्यात आले आहे. सिंहस्थ कुंभमेळ्याच्या नियोजन आणि अंमलबजावणीसाठी संबंधित अर्थसंकल्पीय शीर्षकाखाली उपलब्ध असलेल्या तरतुदीतून हा खर्च भागविण्यात येणार आहे.

निधीच्या या वितरणामुळे नाशिक-त्र्यंबकेश्वर सिंहस्थ कुंभमेळ्यासाठी आवश्यक असलेल्या पायाभूत सुविधा, वाहतूक व्यवस्था आणि इतर कामांच्या अंमलबजावणीला आता वेग येण्याची अपेक्षा आहे.