Maharashtra Weather Update, IMD Rain Alert Maharashtra
भारतीय हवामान विभागाच्या (IMD) सॅटेलाईट प्रणालीनुसार, राज्यात पुढील 5 दिवस अतिमुसळधार पावसाचा इशारा देण्यात आला आहे. अनेक दिवसांच्या प्रतिक्षेनंतर पुन्हा एकदा राज्यात पावसाच्या सरी कोसळणार आहे. येत्या 72 तास 22 जिल्ह्यांमध्ये पावसाचा येलो अलर्ट जारी करण्यात आला आहे.
कोकण भागात विजांच्या कडकडाटासह ताशी 30-50 किमी वेगाचा वारा आणि मुसळधार पावसाची शक्यता आहे. कोकणाला पुढील 3 दिवसांसाठी येलो अलर्ट देण्यात आला आहे. तर आज मुंबई, ठाणे आणि पालघर या भागांमध्ये मध्यम ते मुसळधार स्वरूपाच्या पावसाची शक्यता वर्तवण्यात आली आहे. मराठवाड्यातील अनेक जिल्ह्यांनाही पावसाचा मोठा इशारा देण्यात आला.
आज (२१ सप्टेंबर) मध्य महाराष्ट्र, उत्तर महाराष्ट्रासह विदर्भातील अनेक जिल्ह्यांमध्ये विजांच्या कडकडाटासह मध्यम ते मुसळधार पावसाची शक्यता आहे.
येत्या दोन दिवसांत राज्यातील काही भागांत पावसाचा जोर वाढण्याचा अंदाज आहे. २२ सप्टेंबरला राज्यातील अनेक जिल्ह्यांना येलो अलर्ट जारी करण्यात आला आहे. तर विदर्भासह मराठवाडा, दक्षिण महाराष्ट्र आणि कोकणातील काही भागांत पावसाची शक्यता आहे.
विदर्भातील गडचिरोली, गोंदिया, चंद्रपूर, वर्धा, नागपूर, अमरावती, अकोला, बुलढाणा, हिंगोली, वाशीम आणि यवतमाळ, तसेच नांदेड, परभणी, बीड, लातूर, धाराशिव, सोलापूर, पुणे, सातारा, सांगली आणि कोल्हापूर (घाट परिसर) येथे येलो अलर्ट आहे. कोकणातील रायगड, रत्नागिरी आणि सिंधुदुर्ग जिल्ह्यांनाही येलो अलर्ट देण्यात आला आहे.
दरम्यान, नाशिक, पालघर, मुंबई, ठाणे, अहिल्यानगर, छत्रपती संभाजीनगर आणि जालना या जिल्ह्यांत ढगाळ वातावरण राहण्याची शक्यता असून, काही ठिकाणी अतिशय तुरळक पावसाच्या सरी पडू शकतात.
‘राज ठाकरे मुख्यमंत्री व्हावेत,’ अमित ठाकरेंचं गणरायाकडे साकडं, ‘मला माहितीये तो माणूस…’
२३ सप्टेंबर रोजी राज्यातील पावसाचा जोर काहीसा कमी होण्याचा अंदाज आहे. मात्र, दक्षिण महाराष्ट्रातील काही भागांत पावसाची शक्यता कायम राहणार आहे. उर्वरित महाराष्ट्रात पावसाचा जोर तुलनेने कमी राहण्याची शक्यता आहे.
याआधीच्या अंदाजानुसारही २२ सप्टेंबरला राज्यातील अनेक भागांत पावसाचा जोर वाढण्याची शक्यता वर्तवण्यात आली होती. त्यामुळे नागरिकांनी स्थानिक हवामानाच्या अंदाजानुसार आवश्यक ती काळजी घेण्याचे आवाहन करण्यात येत आहे.
.png "Videos"){kind=small}
